Éxodo 40:29 - Kashibo-Kakataibo Biblia

²⁹ ꞌamianan ka anuxun ñuina xarotia ꞌamikë manë uxua ꞌakë aribi, anun xubusa okin ꞌakë upíira upí kakë anun atsínkianti aín xëkuë ꞌurama ëman nankëxa, anuxun ka ñuina xaronan ñu bimi upíirabu xarokëxa Nukën ꞌIbun usakin ꞌanun kakësabiokin.

Éxodo 40:29 ပူးပေါင်းရင်းမြစ်များ

Éxodo 40:28

Usakin ꞌatankëxun ka Moisésnën anun upíira kakë anu atsínkiantinu chupa an bëpanti tëkërë kamiakëxa;

Éxodo 40:30

Usakin ꞌamianan ka ëman anuxun ñuina xarotia ꞌamikë manë uxua chookin ꞌakë aribi anun xubusa okin ꞌakë upíira kakë anu atsínkianti aín xëkuë ꞌurama nankëxa, nanxun ka anun mëchukati ꞌumpax anu buákakëxa.

Mateo 23:19

Usai qui camina sinánñumasa ꞌain, camina ñu ꞌunáncëmasa ꞌain. Anuxun ñuina xaroti maxax bucúncë anuxun ca unicaman ñuina rëxun xaroquin Nucën Papa Dios rabia. Usaquian rabicëx ca Nucën Papa Dios cuëënia. Anu ꞌicë ñuina cupíma anuaxa aín unicamax ami sináncë cupíshi ca ax cuëënia.

Hebreos 13:10

Nun nu —Jesucristo bama cupí ca nun ꞌuchacama tërë́ncë ꞌicë —quixun ꞌunáncë ꞌaínbi ca judíos sacerdotecaman ꞌaracacë ñuina rëcë aín nami picë ꞌaíshbi, ami catamëcëma ꞌixun, —Jesucristo bama cupí cana ꞌën ꞌuchacama tërë́ncë ꞌai —quixun ꞌunanima.

Hebreos 9:12

Tabernáculonu ꞌicë cata Upíira cacë, anua sacerdotenën cushicaman ꞌapun chivo ꞌimainun vaca bacë rëxun aín imi buan ꞌaínbi ca Jesucristo aín imi ꞌapati bamatancëx baísquiax, anuira Nucën Papa Dios ꞌicë anu cuancëxa. Anu ashiti cuan ꞌixun ca nun ꞌuchacama tërë́ncë ꞌaíshnu xënibua ꞌaínbi Nucën Papa Diosnan ꞌinun nu ꞌimia.