Éxodo 34:31 - Kashibo-Kakataibo Biblia

³¹ Usai ꞌia ka Moisésnën Aarón ꞌimainun Israel unikaman kushibu abë bananua unun kixun kuëankëxa, kuënkë́xa anu ukëbë ka Moisés atubë banakëxa.

Éxodo 34:31 ပူးပေါင်းရင်းမြစ်များ

Génesis 45:15

Usai Benjamínbë ꞌitankëx sënë́nkin ka Josénën aín xukë́n apankamaribi bëtsukukakin bitsi intëkëankëxa, ësai pain ꞌitankëxun ka aín xukë́nkama abë rakuë́timaishi banakëxa.

Génesis 45:3

Usai ꞌitankëxun ka Josénën aín xukë́nkama kakëxa: —ꞌËx kana José a ꞌain. ¿Nun pa kara bëríbi tsótax? Ësakian kakëx a bëtánain ꞌaish ratúkin ka uínbi uisokinbi káma ꞌikën.

Éxodo 16:22

Usa ꞌain ka mapai achúshi ꞌimainun achúshi nëtë ꞌikëbëtan atun xampa buákakin rabë́ nëtë sënën piti kamabi unin rabë́ ꞌimainun rabë́ xampa biakëxa, usakian Israel unibunën akëbëtan ka aín kushi achúshi achúshinëx ratúkiani anu kuanxun Moisés ñuixuankëxa,

Éxodo 3:15

Kanan ka ësokinribi Diosan Moisés kakëxa: —Ënëx ka ꞌën anë uínsarabi nëtë́tima a ꞌikën, ënëx ka ꞌën anë uínsaran nëtënbi xënibua ꞌaínbi këñutima a ꞌikën. ꞌËx kana mitsun chaitiokëkama Abraham, Isaac, Jacob, akaman Dios a ꞌain, an ka mitsu kanun ꞌë xuaxa. ꞌËn anë ënëx ka këñutima a ꞌikën; ënëx ka ꞌën anë axa xënibua ꞌaínbi nëtë́tima a ꞌikën.

Éxodo 34:30

Usai aín bëmánan chabáchabákikë ꞌaish aia Moisés iskin ka Aarón ꞌimainun Israel unikaman ami rakuë́kin Moisés ꞌurama oma ꞌikën.

Éxodo 34:32

Atubë pain banakë basiramashi ka Israel unikamaxribi anu rikiankëxa, rikiania ka Moisésnën usai ꞌiti banakama aín bashinuxun Nukën ꞌIbun kakëkama ñuixunkin kakëxa.