Éxodo 34:15 - Kashibo-Kakataibo Biblia

¹⁵ A menu atsinia anu ꞌikë unikaman mitsubëtan ñu ꞌakatsikixun kakëxunbi kamina ꞌakantima ꞌain, usakin kakima mitsun atubëtan ꞌakëxunbi ka mitsu atun dios rabikin pitia ꞌakë ꞌimainun a ꞌinántia ꞌakë ñukama ꞌakinkin mitsu ꞌuchamiti ꞌikën,

Éxodo 34:15 ပူးပေါင်းရင်းမြစ်များ

Esdras 6:9

ꞌIanan ka kamabi nëtën ënkinma Jerusalénnu ꞌikë sacerdotekama atu, añu kara kuëënia a kamabi ꞌinánkin, vaca bënë bërí kanikë këñun, carnerokamaribi ꞌinánan; trigo, tashi ꞌianan, uvas baka bikë vino ꞌimainun, xëni akama Dios naínu ꞌikë a xaroxunun ꞌinánkanti ꞌikën,

Salmos 73:27

Uikamax kara minan ꞌisamatania, akamax ka bamakë ꞌiti ꞌikën; ꞌimainun kamina uikaman kara min bana kikësabiokin ꞌaisama tania akama këñunun ꞌimiti ꞌain.

Éxodo 32:8

Bënëkinshi ka atun usai ꞌiti ꞌën kakë banakama manuxun bëtsi ñu ꞌaxa. ꞌAkin ka vaca bakë tankin ꞌakë kuri unioxa, usakin ꞌaxun ñuina xaroxunkin rabi ka ësai kia: Ënëx ka Israel unibunën dios an nu Egipto menua bëkë a ꞌikën kiax ka kikanxa.

Éxodo 34:10

Nukën ꞌIbun ka amiribishi Moisés kakëxa: —Bërí mi kamainun kamina kuati ꞌain, mi ꞌimainun min aintsikamabëtan kana achúshi ñu ꞌain. ꞌAnan kana bëtsi menu tsókë unikamanbia ꞌama ñu upíira ꞌati ꞌain, ꞌaia ka axa mitsu rapasu tsókë unikamanribi ꞌën mitsunu ñu upíira unin iskëma ñu ꞌaia isti ꞌikën.

Éxodo 34:12

A menu atsínxun kamina a unikaman mitsubëtan ñu ꞌakatsikixun ubíokin kakëxunbi ꞌatima ꞌain, atun ꞌakë ñu ꞌatima ꞌaimi atux ꞌikësaribiti ꞌuchatima kupín.

Oseas 4:12

Usa ꞌain ka ꞌën unikama atun rabinuxun nitsínkë ikama abë banakin ñukatia; ꞌianan ka aín tsatikama anun uisai kara ꞌiti ꞌikë kixun anun tanti aribi ꞌaia. Usa ꞌain ka ꞌën unikama xanun nami ꞌati kuëëinra ꞌixun, bëtsi ñu ꞌatishi kuëënia: Usa ꞌixun ka aín Dios ꞌikëbi aín nami mëakakë xanukaman abë ꞌikë uni ꞌakësokin ꞌë manuakëxa.

Hechos 15:20

Ësaquinshi caquin cananuna acama quirica buánmiti ꞌain: Unínbia uniocë ñu rabiquian ꞌacë ñuina a camina pitima ꞌain, ꞌimainun camina min xanuma ꞌain xanubë ꞌitima ꞌain, ꞌimainun camina tëtsë́cacë ñuina pitima ꞌain, ꞌimainun camina ñuina imi pitima ꞌain.

1 Corintios 10:27

Axa Jesucristomi catamëcëma unían abëtanmi pi cuanun quixun cacëx camina cuainsa tani cuanti ꞌain. Cuanxun camina —uinua bëcë cara a nami ꞌicë —quixun ñucáquinma piishiti ꞌain. —A nami pi sapi cana ꞌaisama ꞌiti ꞌai —quixun camina sinántima ꞌain.

1 Corintios 8:10

Ënëx ca ësa ꞌicën. Min a rabinuxun unin uniocë ñu a rabiquinma camina —a rabiquian unin rëcë ñuina nami a piibi cana Nucën Papa Diosmi ꞌuchaima —quixun sinánquin, anuxun a ñu rabiti xubunuxun a nami piti ꞌain. Usa ꞌaínbi ca minmi a nami piia iscë cupí an —unin uniocë ñux ca ñuishi ꞌicë —quixun upí oquin ꞌunáncëma uni, an a ñu rabiquin a nami piti ꞌicën.

1 Corintios 8:4

Unínbi ꞌacë ñu rabiquin ñuina rëcë aín nami piti cara asábi ꞌicë quixunmi ꞌë ñucácë bana a ñuiquin cana ësaquin mitsu cain. Cananuna ꞌunan, unin ꞌacë ñu ax ca ñuishi uniocë ꞌaish asérabi diosma ꞌicën. Nucën Papa Dios ax ca achúshi ꞌicën, bëtsi dios ca ꞌaíma ꞌicën.

1 Corintios 8:7

Usa ꞌaínbi ca axa Jesúsmi catamëcë uni raírinën —unían rabinuxun ꞌacë ñu ax ca ñuishi ꞌaish anu nun rabiti dios, ama ꞌicë —quixun upí oquin ꞌunaníma. ꞌUnánquinma ca usabi oquin unin ꞌacë ñu rabicë ꞌixun, Jesucristomi catamëquinbi a ñu rabiquin ñuina rëxun aín nami piia. Piquinbi ca —unían a ñu rabiquin rëcë ñuina nami pi sapi cana ꞌucha —quixun sinania.

Deuteronomio 31:16

Usai nirakëan ka anuxun Nukën ꞌIbun Moisés kakëxa: Ënuax ꞌitsama nëtë ꞌikëbë kamina mix ñuti ꞌain, usaími ꞌikëbëtan ka ënë unikaman ꞌën bana kikësabiokin ꞌakima atúan biti me anu ꞌikë unikaman rabikë dios a rabikin ꞌë rabiti ënkin achúshi ñu ꞌën manutima okin atu ꞌaxunkëkama manukin bëtsi ñu ꞌati ꞌikën.

Deuteronomio 31:18

ꞌAínbi kana usai atux ꞌiti nëtë ꞌikëbëa tëmërakëbëbi, ꞌëx atian ira atu ꞌura ꞌiti ꞌain, usai kana bëtsi dios rabi ꞌëmi ꞌuchakin ꞌaisamaira ñu ꞌakëbë ꞌiti ꞌain.

Deuteronomio 32:37

Usai ꞌia iskin ka dioskama ꞌimainun Israel unikama Diosan an kati ꞌikën: ¿Uinu kara mitsun dios amimi katamëanan atun ꞌakinun kixun ñukánan,

Deuteronomio 32:38

a rabikin ñuina xarokin aín nami mitsun ñuina xaroxunkin aín xëni pimianan uvas baka vino ꞌakë xëanun ꞌinan atux ꞌik? Kixun ka Diosan kakëxa. An ka ꞌaia ꞌakini niruti ꞌikë. An ka mitsu bërúanan ꞌakinti ꞌikën.

Deuteronomio 7:2

Uinsaran kara Diosan a ëmakama mitsubëa ꞌakananun ꞌimia, anun abë ꞌakanankin ꞌatankëxun kamina atu nuibakin atubëtan añu ñubi ꞌati sinántëkëntima ꞌain.

Deuteronomio 7:3

ꞌImainun ka atun aintsisa ꞌinuxun mitsun bakë bëchikënën atun ꞌini bëchikë bimainun uni bënakamanribi atun bëchikë ꞌini chipashkama bitima ꞌikën,

Apocalipsis 2:20

Mitsúxmi usa ꞌicëbi cana ësaquin mitsu cain. Bëráma ca Jezabal ax ꞌatima xanu ꞌaíshbi judíos unicaman ꞌapu ꞌiacëxa. Usaribi oquin ca micamáxmi timë́cëbëtan achúshi xanu ꞌatimanën bana ñuixunia. An isa Nucën Papa Dios quicë bana unicama ñuixunia quiquinbi ca axa ꞌëmi sináncë unicama parania. Paránquin ca aín xanuma ꞌaínbia uni xanu itsibë ꞌiti ca asábi ꞌicë quixun ꞌunánmianan ñu ax isa dios ꞌicë quixuan unin cacë a rabiquin ñuina rëcë piti isa asábi ꞌicë quixun unicama ꞌunánmia. An usaquin ꞌatima ñu ꞌanun uni ꞌunánmiabi camina isëshitin.

Jueces 2:17

ꞌAínbi ka Israel unikaman usai atux ꞌikëbëtan Diosan ax ꞌapu ꞌixun ꞌakinti uni kaisiabi aín bana kuatima ñunshin nakë́kin unikaman bëtsi dioskama rabikin Nukën ꞌIbu Dios rabiama ꞌikën. Atun chaitiokëkamaxa Nukën ꞌIbun bana ax kikësabi oi ꞌiti bana tan ꞌaínbi ka atux, atun chaitiokëkama ꞌiásai ꞌiti sinánma ꞌikën.