Éxodo 33:20 - Kashibo-Kakataibo Biblia

²⁰ ꞌAínbi kana mi kain ꞌën bëmánan kamina istima ꞌain ui unin kara ꞌën bëmána isia ax ka bamakë ꞌiti ꞌikën.

Éxodo 33:20 ပူးပေါင်းရင်းမြစ်များ

Génesis 32:30

Usa ꞌain ka a me Penuel kakin anëi Jacob kiakëxa: “Nukën ꞌIbu Diosbë kana isanairan usa ꞌaínbi kana bamakëma ꞌain.”

Éxodo 24:10

Anuxun ka axa mapë́rakëkëkama atuinshi Israel unikaman Dios isakëxa: Iskin ka anua nikë ax upíira ꞌaish chabáchabákikë zafiro kakë a naí kuman bëtsi iskësa ꞌikë isakëxa.

Éxodo 24:9

Usokin ꞌatankëx ka Moisés, Aarón, Nadab, Abihú ꞌimainun setenta Israel uni aín kushibu bibiani amiribishi aín bashinu mapërakëtëkëankëxa.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Éxodo 33:18

—¡Usakian kakëxun ka Moisésnën Dios kakëxa! —ꞌË kamina min kushi ismiti ꞌain.

Éxodo 33:23

Usokin inúkin mi ꞌatankëxun ꞌën mëkën bikëbëtan kamina ꞌën kaxuishi isti ꞌain ꞌaínbi kamina ꞌën bëmánan istima ꞌain.

Isaías 6:5

Usakin ꞌaia iskin sinani kana ësai kian: “¡Uisai karana ꞌiti ꞌain, bërí sapi kana bamati ꞌain! ꞌËnbi kana ꞌapu ꞌaish kamabi kushiñu Dios a isan; ꞌëx kana achúshi uni ꞌën kuëbitan ꞌatimati banakë ꞌimainun, kana achúshi ëma ꞌatimati banakë unikama nëbëtsi tsotin.”

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

Hebreos 1:13

Uínsaranbi ca uinu ꞌicë ángelbi Nucën Papa Diosan ësoquin cáma ꞌicën: Axa mimi nishcë unicama ꞌën mi ꞌibuamimainun camina mix ꞌëbë ꞌApu ꞌaish ꞌën mëqueu ꞌiti ꞌain.

Jueces 13:22

usai ꞌian ka aín xanun ësokin kakëxa: Bërí sapi kananuna nu rabë́ ñuti ꞌain, nun kananuna asérabi Dios isan.

Jueces 6:22

Usai ꞌia iskin Nukën ꞌIbun ángel ka asérabi ax ꞌiaxa kixun sinani ka Gedeón kiakëxa: ¡ꞌËn ꞌIbu ꞌëx kana min ángelbë ꞌën ꞌunánkë unibë ꞌikësai asérabi isi kanan!