Éxodo 33:15 - Kashibo-Kakataibo Biblia

¹⁵ Kakëxun ka Moisésnën kakëxa: —ꞌAínbi kamina mix nubë kuankinma ënuax kuantanun nu xutima ꞌain.

Éxodo 33:15 ပူးပေါင်းရင်းမြစ်များ

2 Reyes 6:3

Kakëxunbi ka atu achúshinën kakëxa —mixribi karamina nubë kuantima ꞌai kixun. Kakëxun ka —Asábi ka kana mitsubë kuanti ꞌai —kixun Eliseonën kakëxa.

Salmos 80:3

Mix nun Dios ꞌixun kamina, ¡bëráma ꞌiásaibi ꞌinun nu ꞌakinti ꞌain! ¡Upiokin iskimi nu ꞌakinkëx kananuna nukamax ië́kë ꞌiti ꞌain!

Salmos 80:7

Nukën ꞌIbu Dios kamabi kushiñu nukama kamina, ¡bëráma ꞌiásabinu ꞌinun ꞌakinti ꞌain! ¡ꞌIanan kamina min upíokin nu isti ꞌain, usakinmi ꞌakëx kananuna ië́kë ꞌiti ꞌain!

Éxodo 33:3

A mex ka anu a piti ñu ꞌaisamaira ꞌimainun buna rëpa ꞌaisamaira ꞌumpax iskësa ꞌianan anu tsótisa upí ꞌianan anuxun kamabi ñuina kanionan anu ñu ꞌapátisa ꞌikën. ꞌAínbi kana ꞌëx mitsubë kuantima ꞌain, mitsubë kuankinbi atuna mitsu këñunun ꞌimin. Mitsux kamina bana kuakëma unibuira ꞌain.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.