Éxodo 33:14 - Kashibo-Kakataibo Biblia

¹⁴ Ësokian kakëxun ka Nukën ꞌIbun kakëxa: —ꞌËnbi kana mitsu kuania buani usa ꞌain kamina ꞌaisamaira okin sinani bënëtima ꞌain.

Éxodo 33:14 ပူးပေါင်းရင်းမြစ်များ

Salmos 95:11

Usai ꞌia atu isi nishi kana kiakën, ꞌën kana a ꞌinánuxun atu ká me anu tsónuxa atsínun ꞌimitima ꞌain.

Éxodo 13:21

Anuax kuankëbëtan ka Nukën ꞌIbun a isiania kuanun kuin nëtën anúan kuanti bai anu rëkuë́nmiakëxa, rëkuë́nmianan ka imë́ribi tsin rëkirukin pë́kakësa ꞌitánun an imë́ atu kuania pë́kati ꞌimiakëxa. Usakian ꞌakëbë ka, nëtën kuananbi imë́ribi kuankëxa.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Jeremías 31:2

Ësai ka Nukën ꞌIbu kiaxa: “Anu uni ꞌikëma menuxun kana bamatinuaxa ië́kë unikama ꞌëx kana nuibanan irakë, ꞌai kixun ꞌunánun atu ꞌakiankën. Uínsaran kara Israel unikaman anu atux upiti tanti baria anun kana,

Jeremías 6:16

Nukën ꞌIbun ka ꞌain unikama ësakin kakëxa: Bainu nirakëxun isi kamina, uisai kara mitsun chaitiokëkama ꞌën ꞌinánkë ꞌën bana ꞌai tsóakëxa kiax ñukákananti ꞌain, uisai kara uni upitax tsóti ꞌikë kiax; usakin ꞌai kamina a ꞌunánkin ax kikësokin ꞌai ꞌupitax tsókanti ꞌain. ꞌAínbi ka atux kia: Nux kananuna usai i tsótisama tanin.

Mateo 11:28

Nucën Papa Diosan mi upí isnun quixun ꞌaisamaira ñu ꞌanan unin cacë ñuribi ꞌai bënëti atsáncë ꞌixun camina ꞌëmi catamëquin ꞌën mi ꞌaquinun ꞌë cati ꞌain. Cacëxun cana a ñucama mëníoquin ꞌënan ꞌaíshmi tanti ꞌicësaribitimi upí oquin sinani cuëënun mitsu ꞌimiti ꞌain.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Deuteronomio 12:10

Usa ꞌain kamina Jordán kakë baka shitákiani kuantankëxun a me anu tsónuxun, binux abë ꞌakanankin anu ꞌikë unikama maëmitankëxun an mitsu ubioti uni ꞌaíma ꞌaimi upitax anu bukukanun bitsi kuanti ꞌain,

Deuteronomio 31:8

Nukën ꞌIbun ka mi kuania ꞌakinkin ëntima ꞌikën, usa ꞌain kamina rakuë́kin; kana ꞌaíma kixun sinántima ꞌain.

Deuteronomio 4:37

An ka nun chaitiokëkama nuibakëxa, ꞌimainun ka aín rëbúnkikamaribi ainan ꞌinun kaískin, aín kushínbi Egipto menua chikíankëxa.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.