Éxodo 33:11 - Kashibo-Kakataibo Biblia

¹¹ Diosbë banai ka Moisés ain ꞌunánkë unibëa uni isánani banakësa ꞌinun banakëxa, usai anuax banatankëx ka Moisés anua ꞌikankë anubi kuantëkëankëxa. ꞌAínbi ka uni bëna Josué kakë Nunnën bëchikë an ꞌakinkë xubusa okían ꞌakë a bërúankë ax uínsaranbi anuax kuaiama ꞌikën.

Éxodo 33:11 ပူးပေါင်းရင်းမြစ်များ

Génesis 32:30

Usa ꞌain ka a me Penuel kakin anëi Jacob kiakëxa: “Nukën ꞌIbu Diosbë kana isanairan usa ꞌaínbi kana bamakëma ꞌain.”

Éxodo 17:9

Usai atubë ꞌakanani aia kuakin ka Moisésnën an ꞌakinkë uni Josué a kakëxa: —Bërí kamina uni ax ꞌakanainsabi kaisti ꞌain, kaisbiani kuanx kamina amalecita uni kamabë ꞌakanani kuanti ꞌain. ꞌËx kana imëishi pëkarakëbë kuantakëx aín bashi mapërakëtankëx anuxun ꞌën tatsi anun Diosan ñu ꞌanun kakëxun ꞌakë ënë manámi okin tuíanx nitsi kuanti ꞌain.

Éxodo 24:13

Usakian kakëx ka Moisés nirukiani aín bashi Sinaí kakë anu an ꞌakinkë Josué a uani kuankëxa.

Éxodo 32:17

Usai abë ukin an pain kuankin ka Josuénën Moisés kakëxa: —ꞌAisamaira uni ꞌakanani ꞌikësa ꞌinun anu ꞌikë anuax sharatia kana kuatin.

Éxodo 33:10

Usaia anuax Diosbë mërananti xubu chukúma aín xëkuënu kuin nirakëtia isi ka kamabi uni aín xubu xëkuë anuaxbi rantinpuruni tsóbukin Dios rabikankëxa.

Éxodo 33:9

Usai Moisés atsínkëbëishi ka achúshi kuin ubútankëx anua atsínkë xëkuënu nirakëakëxa, nirakëkëbë ka Nukën ꞌIbu Moisésbë banakëxa.

Isaías 42:8

ꞌËx kana min ꞌIbu a ꞌain, usakin anëkë kana ꞌëx ꞌain, usa ꞌixun kana uinu ꞌikë bëtsi dioskama ꞌë ꞌakësaribi okin rabinun ꞌamitima ꞌain, ꞌë rabikinma bëtsi dioskama rabinun mitsu ꞌamitima ꞌain.

Números 11:28

Usokian kaia kuakin ka Josué, Nunnën bëchikë bënáxuinshi ꞌakinia ax kanikë an Moisés kakëxa: —¡Diosan uni Moisés min, kamina usakian ꞌakanun ꞌamitima ꞌain!

Números 12:7

usa ꞌaínbi kana ꞌën uni Moisés abëishi usai banaima ꞌëxbi abë banakin kana asérabi kain. Ax ka ꞌën uni raíri ꞌikësai ꞌima ꞌën kakësabi oi ꞌia,

Números 12:8

ꞌimainun kana abë banai an unánkë unibë bësúnax banakësai banain, ꞌimainun kana kuaisabi ꞌitánun abë banakin ꞌënbi kain. ¿Usa ꞌaínbi karamina mitsux a ñui ꞌatimai banain?”

Juan 11:11

Usaquin caquin ca Jesusan amiribishi aín ꞌunánmicë unicama cacëxa: —Nuxnu abë nuibanancë Lázaro ca ꞌuxaxa. A bësuni cana cuanin.

Juan 3:29

Ësa ca. Ainan ꞌinúan unin bicëx ca xanu ainan ꞌia. Ainan ꞌiti xanu bitsia uni cuëëni banaia cuati ca axa abë nicë uníxribi cuëënia. Usaribiti cana ꞌëx —unicaman ca Jesusan bana cuatia —quixunmi mitsun ꞌë cacëxun cuati chuámarua tani cuëënin.

Deuteronomio 31:14

Katankëxun ka Nukën ꞌIbun Moisés ësokinribi katëkëankëxa: Ka kuat, anun mi ñuti nëtë ka ꞌurama kuatsinia; usa ꞌain kamina Josué kuënbiani mi rabëtaxbi xubusa okin ꞌakë chukúma anuax ꞌëbë mërananti anu kuanti ꞌain, ꞌën usai ꞌiti banakama mi ñuixunun. Usakian kakëx ka Moisés ꞌimainun Josué xubusa okin ꞌakë anu kuankëxa,

Deuteronomio 34:10

Usa ꞌaínbi ka uínsaranbi Israel menu bëtsi an Nukën ꞌIbu kikë bana uni ñuixunkë axa Moisés ꞌikësaribiti aín ꞌIbubë aín ꞌunánkë unibë uni banakësai ꞌikë ꞌaíma ꞌiakëxa,

Santiago 2:23

Nucën Papa Diosan bana cuënëo axa a ñui quicësabi oi ca Abraham ꞌiacëxa, ësai quicë: “Nucën Papa Diosan ca aín quicësabi oquin ꞌati ꞌicë quixun ꞌunani ca Abraham ami catamëacëxa. Usaía ꞌicë cupí ca Nucën Papa Diosan iscëx Abraham upíira uni ꞌiacëxa”. Usa ꞌicë ca Abraham unin, Nucën Papa Diosbë nuibanancë uni caquin anëacëxa.