Éxodo 32:34 - Kashibo-Kakataibo Biblia

³⁴ Usa ꞌain kamina ënë unikama a me ꞌinánnuxun mi kakë anu uanti ꞌain. ꞌËn ángel kana an mi rëkuë́n obianun xuti ꞌain. ꞌImainun kana uínsaran kara uni ꞌaisamaira tëmëramiti nëtë ꞌia a nëtën, kana atun ꞌucha kupín ꞌën ꞌaisamaira tëmëramikin ꞌatima oti ꞌain.

Éxodo 32:34 ပူးပေါင်းရင်းမြစ်များ

Éxodo 15:17

Mix kamina Nun ꞌIbu ꞌain, minbi kamina upíira me anu nux ꞌitimi kaískë anu nu buánti ꞌain, anu xënibua ꞌaínbi nux tsónun kamina kaisakën, minbi kamina anuxun mi rabiti xubu ꞌati sinánxuankën.

Éxodo 20:5

Usakin ꞌatankënxun ka a ñukamaribi ami ñanákin rabitima ꞌikën, ꞌëx kana atun Dios ꞌain, ꞌianan kana ꞌëx nishi kian an ñu ꞌatima ꞌatishi kuëënkë aín, bëchikëkama ꞌimainun aín baba aín bëchikënën bëchikë akama ꞌatimokin tëmëranun ꞌimiti ꞌain,

Éxodo 3:17

ꞌImainun ka ësokinribi ꞌë kaxa, an isa Egipto me anuaxmi tëmërakankë ënua mitsu chikínbiankin anua cananeos, hititas, amorreos, ferezeos, heveos ꞌimainun jebuseos; unikama ꞌikë me anu mitsu buánti ꞌikën, ax ka me achúshi anua ñuinanën xumañukama a ꞌimainun a piti ñu ꞌitsaira ꞌianan ñu ꞌaisamaira ꞌikë a ꞌikën.

Éxodo 33:12

Ësakin ka Moisésnën Nukën ꞌIbu kakëxa: —Ka kuat, min kamina ënë unikama bërúanun ꞌë kan, ꞌaínbi kamina uin kara ꞌë ꞌakinti ꞌikë kixun ꞌë kakëma ꞌain. ꞌImainun kamina ꞌëx isana upí sinánñu ꞌaish ꞌitsaira min nuibaisa ꞌai kixun ꞌë kan kanan kamina ꞌëx isana min kuëënkësabi okin ꞌai kixun ꞌë kan.

Éxodo 33:2

ꞌËn ángel kana an mitsu kuania rëkuëonxun buánti xuti ꞌain. ꞌImainun kana ꞌën a menua ꞌikë ëmakama cananeos, amorreokama, hititas, ferezeos, heveos ꞌimainun jebuseos akaman menumi mitsux bukunun chikínti ꞌain.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Jeremías 14:10

Diosan ka Jeremías Judá menu tsókë aín uni Israelkama ñuikin kakëxa: Ënë unikamax ka atun kuëënkësa oi ñu ꞌaíma bëtsinu bëtsinu kuani niti kuëënia. Usa ꞌikë kana a unikama ꞌën kuëënkin isiman. Usa ꞌain kana bërí atun ñu ꞌatima ꞌakë a sinánkin, atun ꞌuchakë kupí ꞌatima oti ꞌain.

Jeremías 23:2

Nukën ꞌIbu Israel unikaman Dios an ka aín unikama ꞌakinkë ꞌapukama ësokin kaia: “Mitsun kamina ꞌën kaískë unikama bërúankinma abístanun abámian. Usa ꞌain kana ꞌën uisakin kaina ñu ꞌaisama ꞌan usakinbi mitsu tëmëramiti ꞌain. ꞌËx kana Dios ꞌaish ësai kin.

Amós 3:14

uisa nëtën karana ꞌën Israel unikama atun ꞌucha kupín tëmërami anun kana, anuxua atun dios rabikin ñuina xarokë Betelnu; ꞌikë a ꞌaisama onan masókin; ain mancha akamaribi tukapakëxa menu rëukubutanun ꞌimiti ꞌain. (Manchan kikë ax ka aín kushi ki kikë ꞌikën.)

Amós 3:2

“ꞌËn kana kamabi menu ꞌikë unikama ꞌakima mitsuishi kaisakën. Usa ꞌikë kana uisa ñu ꞌatimakama kaina ꞌakan usakinbi a kupín mitsu tëmëramiti ꞌain.”

Números 20:16

usakin ꞌakëxun kananuna Nukën ꞌIbu nu ꞌakinun kixun sharákin ñukákën, ñukákëxun kuankin ka aín ángel achúshi Diosan xuakëxa, xukëxun ka Egipto menua nu chikíankëxa. Usa ꞌain kananuna bërí, Cadés kakë ëma anua min me sënënakëkë anu ꞌain.

Mateo 23:35

Usa ꞌixun camina mitsun raran ꞌásaribi oquin ꞌain. Abel pain ca ꞌuchañuma ꞌicëbi mitsun rara achúshinën ꞌacëxa. Usaribi oquin ca mitsun raran an Nucën Papa Dios quicësabi oquin ꞌacë unicama bari itsi bari itsi inúmiquin ꞌacëxa. ꞌA ꞌaían ca raírinënribi Zacarías, Baraquíasnën bëchicë, a anuxun Nucën Papa Dios rabiti xubu rapasunuxun ꞌacëxa. Usaribi oquin camina mitsun ꞌain.

Deuteronomio 32:35

Anun usakin ꞌati nëtë ꞌikëbëtan kana anun uisakin karana ꞌaisatani usakin ꞌati ꞌain, anun ka a nëtë sënë́nkëbë ꞌatima okë ꞌiti ꞌikën. Anun usakin ꞌati nëtë ka ꞌurama ꞌikën, ¡ꞌIanan ka basimashi usai ꞌiti ꞌikën!