Éxodo 32:31 - Kashibo-Kakataibo Biblia

³¹ Usokin atu kabiani amiribishi anua ꞌikë anu mapërakëtankëxun ka Moisésnën Nukën ꞌIbu ësokin kakëxa: —Asérabi ka unikaman chaiira ꞌuchakin vaca bakë́sa okin kuri unioxa a ka Israel unikaman aín dios isa kixun kaxa.

Éxodo 32:31 ပူးပေါင်းရင်းမြစ်များ

Nehemías 9:18

ꞌImainun ka atúnbi sinánxun vaca bakë tankin achúshi ñu a rabinuxun manë charóxun ꞌakëxa, ꞌatankëx ka ënëx ka nun dios an Egipto menua chikínbëtsinkin nu bëkë a ꞌikë kiax kikankëxa, usakin atun ñu ꞌakë ax ka ꞌaisamaira ñua ꞌakë ꞌiakëxa,

Nehemías 9:33

ꞌAínbi kamina nuxnu nun ñu ꞌatima ꞌakë kupí usa ñukama ꞌinúkëbëbi uisa karamina mix ꞌain usabi kamabi ñu ꞌinúkëbë ꞌin; min kamina upíokin ñu ꞌain, ꞌaínbi kananuna nukama ꞌatimakin ñu ꞌai mimi ꞌuchakën.

Éxodo 20:23

Uisaxunbi kamina rabinuxun kuri ꞌanan manë uxua ꞌatankëxun ꞌë ꞌakësa okin uniotankëxun a rabitima ꞌain.

Éxodo 20:4

Usa ꞌain ka uisa ñubi ꞌanan, a rabinuxun unisa okin ñu unionan, naí manámia ꞌikë ñubi tankin ꞌatima ꞌikën, ꞌianan ka me ꞌukëmëu ꞌikë ñubi tankin ꞌanan parúmpapa ꞌukëmëu ꞌikë menu ꞌikë akama tankin ꞌatima ꞌikën.

Éxodo 32:30

Usakin ónkë pëkarakëbëtan ka Moisésnën unikama kakëxa: —Mitsux kamina ꞌatima ñuira ꞌai chaiira ꞌuchakan, usa ꞌain kana aín bashi mapërakëtankëx Diosbë banai kuanti ꞌain, mitsux ꞌuchakë kupín kara uisokin Nukën ꞌIbun ꞌë kaia kuati kuanti ꞌain.

Éxodo 34:28

Usa ꞌain ka Nukën ꞌIbubë Moisés cuarenta nëtë ꞌimainun cuarenta imë́ aín bashi Sinaí kakë anu bërúakëxa anuxun ka añubi pima ꞌianan xëama ꞌikën. Anu ꞌixun ka maxá pará anu këñutima okin ñuikë bana, mapai rabëbëtan sënën ꞌitánun kuënëokëxa.

Daniel 9:11

Kamabi Israel unikaman ka min ꞌunanmikëxunbi min bana kuaisama tanxa, usa ꞌain ka nunu ꞌatima ñuira min uni Moisésnën usakin kana ꞌatima oti ꞌai kixun kuënëomia usaibi ꞌiaxa, nux kananuna mimi ꞌuchan usa ꞌain.

Daniel 9:5

nukamax kananuna ꞌatima ñu ꞌai ꞌuchan; usai ꞌikin kananuna ꞌatima ñuira an; ꞌianan min usai tsóti kuëënkë a ꞌunánimabi ꞌian; usai ꞌikin kananuna a tanti min banakama kikësokin ꞌanan, min sinánmikësoi ꞌisama tan.

Daniel 9:8

Nukën ꞌIbu, nukamaxribi kananuna nun ꞌapukama ꞌianan, nun kushibu, nun chaitiokëkama ꞌiásaribiti mimi ꞌuchakë ꞌixun rabinkësa tanin.