Éxodo 32:28 - Kashibo-Kakataibo Biblia

²⁸ Ësakian kakëxun ka Levitas unibunën Moisésnën kakësabiokin ꞌakëxa, a nëtënbi ka tres mil uni ꞌakëxa.

Éxodo 32:28 ပူးပေါင်းရင်းမြစ်များ

Éxodo 32:27

Timë́kë ka atu Moisésnën kakëxa: —Ësai ka Israel unibunën Dios kiaxa: Mikaman achúshi achúshinën kamina mitsun manë xëtokë bibiani anumi ꞌikënu kuantankëxun, xëkuëtibi nirakëkin min aintsi ꞌibu an ñu ꞌatima ꞌakë ꞌanan bëtsi unikamaribi ꞌanan min ꞌunánkë ꞌimainun axa mi rapasu ꞌikë kamaribi ꞌati ꞌain.

Éxodo 32:29

Usakin ꞌakë ka Moisésnën kakëxa: —Bërí ka Nukën ꞌIbun mitsu upíokin sinánxuanan sacerdote kamasa ꞌinun ꞌimia, mitsúnbi kamina bëtsían aín bëchikëbi ꞌamainun raírinën aín xukë́n ꞌibubi ꞌan. Usa ꞌain ka bërí Nukën ꞌIbun mitsu upíokin sinánxunti ꞌikën.

Éxodo 32:35

Usakin kakëxa Moisés aín bashinuax kuan ka Nukën ꞌIbun achúshi ꞌinsín a unikamanu xuakëxa, Aarónëan vaca bakë́sa okin ꞌakë kuri rabikë kupín ka Diosan ꞌatima okëxa.

1 Corintios 10:8

Usai ꞌianan ca a unicama raírinëx aín xanuma xanu itsibë ꞌi ꞌuchatancëx achúshi nëtë́inshi ꞌitsaira veintitrés mil uni bamacëxa. A unicama raírinëxa aín xanuma xanu itsibë ꞌiásaribiti cananuna ꞌitima ꞌain.

Deuteronomio 33:9

atun ka minmi ká banakama kikësabiokin asérabi ꞌaia ꞌanan ka achúshi ñu min atubëtan ꞌa ax kikësokinbi ꞌaia: Usakin ꞌai atux aín papa ꞌimainun aín tita ñui uinsaranbi kana atu iskëma ꞌai kiax kia; kianan ka aín xukë́nkamakëñun aín chirabakëkama: Ñuiribi atu kana ꞌunánima kia, kianan ka aín bakë bëchikë bëbu ꞌimainun xanukamaribi: ñui uin bëchikë kara atux ꞌikë kana ꞌunanima kiax kia.