Éxodo 32:17 - Kashibo-Kakataibo Biblia

¹⁷ Usai abë ukin an pain kuankin ka Josuénën Moisés kakëxa: —ꞌAisamaira uni ꞌakanani ꞌikësa ꞌinun anu ꞌikë anuax sharatia kana kuatin.

Éxodo 32:17 ပူးပေါင်းရင်းမြစ်များ

Job 39:25

Usa ꞌain ka ꞌakanankin pëukia manë banañu banoia kuati aribi munuma ꞌuranxunbi tani munuma banaia, usai ꞌikin ka ꞌakania kixun tania; usa ꞌain ka ꞌuranxunbi suntárukama ꞌimainun aín caballokama aín ꞌisha xëtia, xëanan ka suntárunën kushikaman aín suntáru, amia nishkë unikama ꞌakin munuma banakin kakë aribi tania.

Salmos 47:1

¡Kamabi menu ꞌikë unikamax ka kuëëni, mëtashkikan! ¡ꞌIanan ka a rabi kuëënkin munuma sharákin Dios rabikan!

Éxodo 17:9

Usai atubë ꞌakanani aia kuakin ka Moisésnën an ꞌakinkë uni Josué a kakëxa: —Bërí kamina uni ax ꞌakanainsabi kaisti ꞌain, kaisbiani kuanx kamina amalecita uni kamabë ꞌakanani kuanti ꞌain. ꞌËx kana imëishi pëkarakëbë kuantakëx aín bashi mapërakëtankëx anuxun ꞌën tatsi anun Diosan ñu ꞌanun kakëxun ꞌakë ënë manámi okin tuíanx nitsi kuanti ꞌain.

Éxodo 24:13

Usakian kakëx ka Moisés nirukiani aín bashi Sinaí kakë anu an ꞌakinkë Josué a uani kuankëxa.

Éxodo 32:16

Ax ka Diosanbi ꞌakë ꞌiakëxa ꞌimainun ka Diosanbia amo rabë́bi usaía ax kikësabi oi ꞌiti bana kuënëokë ꞌiakëxa.

Éxodo 32:18

ꞌAínbi ka Moisésnën kakëxa: —ꞌËn kuakëx ka bëtsi kanantankëx kuëëni sharati ꞌikëma ꞌikën, ꞌimainun ka abë ꞌakanankin bëtsin kanánkëx masá nuituti sharati ꞌikëma ꞌikën, ꞌën kuakëx ka uni paë́ax sharákësari ꞌia.

Éxodo 32:6

Ësakian koonkë pëkarakëma ꞌaínshi nirutankëxun ka kamaxunbi atun ñu ꞌatima ꞌai ꞌuchakë kupí Dios ñuina rëxun ꞌaímai këñutanun xaroxuankëxa. Usakin pain ꞌatankëxun ka kamabi Israel unikaman timëkamë ꞌëoxun bukubuxun pianan xëakëxa. Usakin xëatankëx ka raírinëx ransakëxa.

Amós 1:14

Usa ꞌain kana anun Rabá kakë ëma kënëara kënë a tsin bimiti ꞌain, bimikëxun ka a tsinbi ꞌapun xubukama nënkin xaroti ꞌikën, usakin ꞌakëx ka anun ꞌakánanti nëtë ꞌianan, nëtë masákuatsini kaná banakë usaribiti i amami amamiax unikama ꞌakánanti ꞌikën.

Amós 2:2

Usa ꞌain kana Moab kakë me a tsin në́ntanun ꞌamiti ꞌain, ꞌamikëxun ka a tsinbi Queriotnu ꞌikë ꞌapun xubukama xaroti ꞌikën; usakin ꞌakëbë ꞌakanani sharákë a nëbë́tsinuxun, manë banañu banoia kuakë anunbi ka Moabnu ꞌikë unikama këñuti ꞌikën.

Josué 6:10

ꞌAínbi ka Josuénën ësokin suntárukama kakëxa, unë́kiani kamina ñuitsima rikianti ꞌain, ꞌën mitsu kuënkëni munuma sharánun kakëx kuni kamina kuëënkëni kushin sharákanti ꞌain.

Josué 6:16

Usakian sacerdotekaman aín manë banañu banokin mapai achúshi ꞌimainun rabë́okin ꞌakëbëtan ka Josuénën unikama kakëxa: ¡Munuma kuënkëni kamina sharati kiti ꞌain! Nukën ꞌIbun ka ënë ëma ꞌatima onun nu amia usa ꞌain kananuna ꞌati ꞌain.

Josué 6:20

Usai ki Josué sënë́nkëbëtanshi ka aín carnero mancha banokankëxa. Bana oia kuatishi ka Israel suntárukamax, munuma kuënkëni sharati kikankëxa. Kikëbëshi ka ënën menma buinarakin ëma kënëarakë ax rurukubuakëxa. Usaia ꞌikëbë ami kikiani abákiani kuankin ami bëbarukin ëma ꞌibuakankëxa.

Josué 6:5

Usakin banokian aín sënë́nkë a upíira ꞌinun tsiskëpakin ꞌaia kuatia kushiira kuënkënkankëbë ka anun ëma bëararakin kënëara ax rurukubuti ꞌikën. Usai ꞌia isi ka suntárukama ëmami kikiani kuanti ꞌikën.

Jueces 15:14

Chikin bëtsinkin bëkëxa Lehi anu bëbakëbë ka filisteo unikama abë mëranani ꞌitsaira kuëëni kuënkëni chikiakëxa. ꞌAínbi ka Diosan bëruñunshinan ꞌamikëxun Sansónan anúan aín pëñan këñun aín mëkën tëkërëkakë itsikama a tëkapakëxa, tsin xarokë lino risikama ꞌakësokinshi;

1 Samuel 17:20

Usokia koónkëxun ka pëkarakëma ꞌaínshi, niruxun Davidnën ax kuantamainua aín papa Jesé aín ñuina bërúanxunti uni barixun ami ëbiani, aín xukë́nkama ꞌinántia aín papan ꞌinánkë piti a buani kuankëxa. Kuantankëx anua ꞌikankë anu bëbakin kuakëxbi ka Israel suntárukamax ꞌakanani kuanux mëníokati sharatia kananuna atu rëtëi kuanti ꞌai kiax kikania kuakëxa.

1 Samuel 17:52

Usai abákankëbë ka Israel suntáru ꞌimainun Judánu ꞌikë suntárukamax sharati kikankëxa, kananuna a unikama ꞌati ꞌain, usai kikiani kuankin ka abatiabi nuixun atun ëma Gat ꞌimainun Ecrón anun atsínti aín, xëkuë anubi bëbarukin ꞌakëxa. Usokin ꞌakëx ka anun Saaraim ëmanu kuanti bai anubi ꞌianan Gat ꞌimainun Ecrón akamanubi filisteo suntárukamaxa bamakë ꞌaisamaira ꞌiakëxa.