Éxodo 31:18 - Kashibo-Kakataibo Biblia

¹⁸ Usai abë banai ain bashi Sinaí kakë anuax sënë́ntankëxun ka Nukën ꞌIbun anua ax kikësabi oi ꞌiti aín bana abi mëkënanbi kuënëokë ain banakama maxax pará rabë́ a Moisés ꞌinánkëxa.

Éxodo 31:18 ပူးပေါင်းရင်းမြစ်များ

Éxodo 24:12

Nukën ꞌIbun ka Moisés amiribishi katëkëankëxa: —ꞌËx anu ꞌikë ain bashi anu mapërakëtankëxun kamina anuxun ꞌë kaínti ꞌain, anuxun kana maxá pará okin ꞌakë rairi anu ax kikësoi ꞌiti bana ꞌimainun a tanti bana anu kuënëokë, anua Israel unibunën uisa ñu kara ꞌati ꞌikë uisa ñu kara ꞌatima ꞌikë a ꞌunánti mi ꞌinánti ꞌain.

Éxodo 24:18

Iskëbë ka Moisés aín bashinu ꞌibúkë kuin anun atsínkiani mapërakëakëxa, mapërakëtankëx ka anu cuarenta nëtë ꞌimainun cuarenta imë́ ꞌiakëxa.

Éxodo 8:19

Usa ꞌain ꞌakamakin an ñu ꞌunánkë unikaman ꞌapu faraón kakëxa: —¡Ënëx ka Diosan aín kushin ꞌakë ñu ꞌikën! ꞌAínbi ka faraónnën aín sinan iruarakin, Nukën ꞌIbun kakësabiokin kuaisama tankëxa.

Jeremías 31:33

Usa ꞌain ka achúshi ñu mëníokin ꞌën Israel unikamabëtan anun ꞌati nëtë aia, usa ka ꞌiti ꞌikën: Anun kana ꞌën bana aín nuitu mëu upíokin sinankian manukima aín maxkátan ꞌunánun ꞌamiti ꞌain. ꞌËx kana atun Dios ꞌiti ꞌain, ꞌimainun ka atux ꞌën unikama ꞌiti ꞌikën. ꞌËx mitsun ꞌIbu ꞌaish kana asérabi ësai kiakën.

Mateo 12:28

Nucën Papa Diosan Bëru Ñunshin Upitan ꞌamicëxun uninua ꞌën ñunshin ꞌatima chiquíncë ꞌain camina ꞌunánti ꞌain, Nucën Papa Diosan ca axa ꞌëmi catamëcë unicama ainan ꞌiminuxun ënë menu unun ꞌë xuaxa quixun.

Lucas 11:20

Nucën Papa Diosan ꞌamicëxun uninua ꞌën ñunshin ꞌatima chiquíncë ꞌain camina ꞌunánti ꞌain, Nucën Papa Diosan ca axa ꞌëmi catamëcë unicama ainan ꞌiminuxun ënë menu unun ꞌë xuaxa quixun.

2 Corintios 3:3

Nun cananuna usoquin mitsu ꞌunánmia quiáxa quicë bana ax ca quiricanu tintan ꞌanan maxax paránu ꞌacëma ꞌaíshbi Cristo cupía Nucën Papa Diosan Bëru Ñunshin Upitan mitsun nuitunu ꞌimicë ꞌicën.

Deuteronomio 10:4

Anuxun ka Nukën ꞌIbun maxá pará rabë́ anu mapai rabë́ axa kikësabi oi ꞌiti aín bana kuënëokëxa, a paian aín bashinuxun nukamax timë́kë ꞌain tsi rëkirukësa mëuxun ꞌa usabi ꞌitánun. Kuënëoxun ꞌë ꞌinánkëxa,

Deuteronomio 4:13

Nukën ꞌIbunbi ka mitsu ꞌunánmiakëxa achúshi ñu ꞌakin ax ka mapai rabë́ bana maxá paránu kuënëokë ax kikësaibi oi ꞌikin mitsun a tanti bana ꞌiakëxa.

Hebreos 9:4

Tabernáculo nëbë́tsi rabë́ oquin bëpáncë chupa rapasu ca anuxun tsëpasa ñu sanutanun xaroti nancë ꞌiacëxa, a Cata Upíira cacë, a rapasu. A Cata Upíira cacë, anu ca bunánti, curin ratacacacë ꞌaish anúnribi aín namë́nu rocë ꞌiacëxa. A bunántinu ca curi ꞌacë chumu, anu maná cacë piti ñu ꞌitsamashi purucë, ꞌimainun Aaronën tsati ꞌaíshbi coo, a ꞌimainun maxax parúsha rabë́, anu usai ca aín uni ꞌiti ꞌicë quixun Nucën Papa Diosan cuënëo, acama ꞌiacëxa.