Éxodo 24:7 - Kashibo-Kakataibo Biblia

⁷ ꞌAtankëxun ka Moisésnën anua usaía atux ꞌiti bana kuënëokë kirika bitankëxun kamabi unían kuamainun isakëxa isia kuati ka kikankëxa: —Asabi ka añu ꞌaxúnun kara Nukën ꞌIbu kia a kananuna ꞌati ꞌain.

Éxodo 24:7 ပူးပေါင်းရင်းမြစ်များ

1 Reyes 8:9

Usa ꞌain ka bunántisa okin ꞌakë kurin ratakakakë anu raíri ñukama nankan a ꞌaíma ꞌimainun maxax pará rabë́ anua usai Israel unikama Egipto menuax chikíkiani kuani ꞌitia Diosan kuënëomikëxun ꞌaxun Moisésnën Horeb kakë bashi anuxun nan ashi anu ꞌiakëxa.

Éxodo 19:8

Ñuixunkëxun kuati ka Israel unikama kamáxbi sharati kikankëxa: —Uisai ꞌinun kara Nukën ꞌIbu kiaxa usaibi kananuna ꞌiti ꞌain. Ësaia unikama kikëbëtan ka Moisésnën usaía unikama kikë a ñuikin Nukën ꞌIbu kai kuankëxa,

Malaquías 2:10

¿Kamabi nukamax karanuna achúshi papañushima ꞌain, ax kara Dios an nu kamabi unio ꞌama ꞌik? ¿Uisa kupín karanuna nukamax bëtsi bëtsibë paránankin, nun chaitiokë kamabëtan Diosan ꞌa achúshi ñu a ꞌaisama oin?

Hechos 13:15

Tsotan anu ꞌicë unicamanribia cuamainun Moisésnën cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana ꞌatancëxun ca a xubunu ꞌicë ꞌapucaman Pablocëñun Bernabé cacëxa: —ꞌËn xucë́antu, mitsúnribi unicama ꞌësëtisa tanquin camina cati ꞌain.

Colosenses 4:16

Mitsun pain timë́xun istancëxun camina ënë quirica Laodiceanuaxa Jesúsmi catamëcëcamanribia isnun atu buánmiti ꞌain. ꞌImainun camina Laodiceanu ꞌicë unicaman isnun ꞌën buánmicë quirica itsi aribi mitsúnribi bixun isti ꞌain.

1 Tesalonicenses 5:27

Nucën ꞌIbu Jesucristonën uni ꞌixun cana an ꞌë sinánmicësabi oquin mitsu cain, ënë quirica camina axa ami catamëcë unicaman cuanun ñuixunti ꞌain.

Josué 24:24

Ësokin kakëxunbi ka Israelkaman amiribishi Josué kakëxa: —Nukaman kananuna Nukën ꞌIbu Dios rabiti ꞌain, ꞌimainun kananuna uisai ꞌinun kara ax kia usaibi ꞌiti ꞌain.