Éxodo 24:17 - Kashibo-Kakataibo Biblia

¹⁷ Usakin ꞌamainun ka Israel unikama ismainunbi ain bashi chairukë anu tsi rëkirukënëan ñu nënkësa ꞌinun ꞌia iskankëxa.

Éxodo 24:17 ပူးပေါင်းရင်းမြစ်များ

2 Samuel 22:13

Anua ax ꞌikë anuaxa kaná kamë ꞌëo banaruaia ꞌikësai ꞌikëbë ka naínuax ꞌaisamaira ꞌuñe ꞌibúkësari ꞌi tsi ëxku rërëkibuakëxa.

2 Samuel 22:9

Aín rëkinuax ka kuinsa ꞌinun chikíakëxa, aín kuëbitan ka an ñu këñukin xaroti tsi ëxkusa usaribi chikíakëxa; ¡usai ꞌika aín kuëbínuax tsísa ax xunkakëx ꞌikësai abisi tsuákiakëxa!

Éxodo 19:11

usakin ꞌai mëníokakë ꞌain kana ꞌëx rabë́ ꞌimainun achúshi nëtë ꞌikëbë kana ꞌëx aín bashi Sinaí kakë anu ubuti ꞌain, kamabi Israel unibunëan ꞌë istánun.

Éxodo 19:18

Usakëbë ka kamabi aín bashi Sinaí anua Nukën ꞌIbu ubúkë ain meuküax tsi rëkirukë kuinsa ꞌinun tëxëkiruakëxa. Usaia ꞌikëbë ka aín bashikamaxribi munuma shaíkiakëxa.

Éxodo 3:2

Anuax ka Nukën ꞌIbun ángel tsi rëkirukësa ꞌinun mërakëxa, mëratika i muxañu pëñanakëkë a nëbëtsinuax ꞌiakëxa, ꞌia Moisésnën upíokin iskëxbi ka i pëñanakëkë rëkirukë ax këñutima usabi ꞌikë isakëxa.

Ezequiel 1:27

Ax ka aín chixumiax manámi ꞌikë ax manë pënë́ ꞌitánun nibókësa ꞌiaxa, usa ꞌikë ka tsi rëkirukësa an bëararakë ꞌiaxa, ꞌimainun ka aín chixumiax shimuribi tsi rëkirukësa an pëkakë kana isan. Usa ꞌain ka a rapasunuax ichu ichukikë ax,

Ezequiel 1:28

ꞌuí ꞌibúnuxa nëtë kuínu nón bai mërakë usaribi ꞌiaxa, usa ꞌain kana ꞌën Dios ax ka kushiira ꞌikë kixun isan. Usa ꞌikë isi kana ꞌëx rantinpuruni memi bëtiki ꞌian.

Deuteronomio 4:24

mitsun ꞌIbu Dios ax ka achúshi Dios an aín unikaman ñu ꞌatima ꞌati kuëënxunkëma a ꞌikën, ¡an ka mitsun ñu ꞌatima ꞌaia iskin tsi rëkirukënëan ñu nënkin këñukësa usaribi okin ꞌati ꞌikën!

Deuteronomio 4:36

Ax ka mitsu naínuxunbi usaími ꞌiti banakama ꞌunánmi kiakëxa, ꞌimainun ka menuxunbi aín kushi ismikin tsi rëkirukësa ꞌinun mëramiakëxa, mërami anuax kia kananuna tsi rëkirukësa nëbë́tsinua aín bana kuakën.

Deuteronomio 9:3

Bërí kamina mitsun ꞌunánti ꞌain, Nukën ꞌIbu ka bërí mitsubë ꞌikë kixun, usa ꞌixun ka tsi rëkirukënëan ñu këñubiankin xarokësa usa okinshi an ꞌakëxa a ëmakamax mitsumi rakuë́tia kamina këñuti ꞌain. Usakin mitsun aín ëmanubi bëbarukin ꞌakin këñukëx ka, unix munuma bëkui bënëtishi bëpëkikë usaribi okin Diosan aín kushínbi këñuti ꞌikën.

Hebreos 12:18

Mitsux camina aín bashi Sinaí, anuxuan nucën raracaman Nucën Papa Diosan bana cua, anu cuánma ꞌain. Anuaxa canacamëꞌëo sharaquimainun ca a bashix nëtë cuinan mapucë bëánquibucë ꞌiacëxa. Aín bashicamanubi ca tsi rëquirucë tínbu ꞌiacëxa. Anu camina mitsux ꞌiáma ꞌain.

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.