Éxodo 24:10 - Kashibo-Kakataibo Biblia

¹⁰ Anuxun ka axa mapë́rakëkëkama atuinshi Israel unikaman Dios isakëxa: Iskin ka anua nikë ax upíira ꞌaish chabáchabákikë zafiro kakë a naí kuman bëtsi iskësa ꞌikë isakëxa.

Éxodo 24:10 ပူးပေါင်းရင်းမြစ်များ

Génesis 32:30

Usa ꞌain ka a me Penuel kakin anëi Jacob kiakëxa: “Nukën ꞌIbu Diosbë kana isanairan usa ꞌaínbi kana bamakëma ꞌain.”

Génesis 32:31

Usa ꞌain ka Jacob Penuel a inubiani kuani bari urukëbë chikíakëxa; chikíkiani kuaníbi ka abëa tananankëxuan unin aín chitëxkënu tinkirinkakë a tani ikëtishi munu kuankëxa.

1 Reyes 22:19

Kia ka Micaíasnën kakëxa: —Mix kamina usai kian, usa ꞌain kamina ꞌën ꞌIbun iskë ñu ñuikin mi kamainun upíokin kuati ꞌain: ꞌËn kana Nukën ꞌIbu anua tsótinua tsókë isan, isanan kana aín ángel naínua ꞌikë kamaribi a rapasu sëtë́kë aín mëkeu raíri ꞌimainun aín mëmiu sëtë́kë isan.

Éxodo 24:11

Usa ꞌia iskëxunbi ka Diosan Israel uni aín kushikama a uisabi oma ꞌikën, uisabi okëxma ka anuxun pianan xëatankëx atux ubútëankëxa.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Éxodo 33:20

ꞌAínbi kana mi kain ꞌën bëmánan kamina istima ꞌain ui unin kara ꞌën bëmána isia ax ka bamakë ꞌiti ꞌikën.

Éxodo 33:23

Usokin inúkin mi ꞌatankëxun ꞌën mëkën bikëbëtan kamina ꞌën kaxuishi isti ꞌain ꞌaínbi kamina ꞌën bëmánan istima ꞌain.

Ezequiel 1:1

ꞌËx kana sacerdote Ezequiel ꞌiakën, ꞌën papax ka Buzí kakë ꞌiakëxa, usa ꞌain ka mapai achúshi baritia ꞌapu Joaquín Judá menu uankë ꞌiakëxa, anúan rabë́ ꞌimainun rabë́ ꞌuxë ꞌikë ax mapai achúshi nëtë ꞌikë anun kana ꞌëx treinta baritia ꞌiakën. Usa ꞌain kana ꞌëx ñatanbiankin Babilonianu uankë a kamabëbi Quebar kakë baka kuëbí Babilonia menu ꞌikë anu ꞌiakën, anuxun kana naíkamë ꞌëo baaki panárabëkëbëtan Dios isakën. Usa ꞌain ka Diosan anbi ꞌë kakin aín mëkën ꞌënu nankësa ꞌinun aín kushi ꞌë tamiakëxa.

Números 12:8

ꞌimainun kana abë banai an unánkë unibë bësúnax banakësai banain, ꞌimainun kana kuaisabi ꞌitánun abë banakin ꞌënbi kain. ¿Usa ꞌaínbi karamina mitsux a ñui ꞌatimai banain?”

Mateo 17:2

Anu cuantancëx ca a unicaman ismainunbi Jesús bëtsiacëxa. Bëtsii ca barin pëcacësa ꞌinun aín bëmánan ichúacëxa. Aín chuparibi ca uxuira ꞌaish bari upí uruia iscësa ꞌiacëxa.

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Juan 14:9

Cacëxunbi ca Jesusan cacëxa: —¿Camabi nëtën mitsubë ꞌiabi caramina uisa uni carana ꞌai quixun ꞌë ꞌunaniman? An ꞌë iscë uni, an ca Nucën Papa Diosribi isia. ¿Usa ꞌaínbi caramina uisa cupí, nu ca Nucën Papa Dios ismit quin?

Juan 6:46

Uinu ꞌicë unínbi ca Nucën Papa Dios iscëma ꞌicën. Axa anuax uá ꞌëinshi cana a isacën.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

1 Juan 4:12

Nucën Papa Dios ca uinu ꞌicë unínbi isáma ꞌicën. Usa ꞌaínbinu nux bëtsibë bëtsibë nuibanancëbë ca ax nubë ꞌicën. Nubë ꞌixun ca an ꞌacësaribi oquinu unicama nuibanun nu ꞌimia.

Apocalipsis 1:16

Aín mëcën mëqueunën mëcën achúshi ꞌimainun rabë́ ꞌispa tuíanan aín cuëbínuax machítusa manë xëtocë, amo rabë́bi cuënucë ꞌaish, chiquitia cana isan. Isanan cana aín bëmánanëxa barin cushíinra pëcacësaribiti pëquia isan.

Apocalipsis 21:11

A ëma ca upíira upí, Nucën papa Diosan cushin pëcacë ꞌiaxa, maxax upíira upí ichúcësa ꞌaish, jaspe cacë maxax nibaníbaquicë iscësa ꞌiaxa.

Apocalipsis 4:3

Axa anu tsócë ax ca upíira upí ꞌiaxa, maxax nibá upíira upí, paxa ꞌaíshbi tunántani, jaspe cacë, a iscësa ꞌianan bëtsi maxax ushíantani, cornalina cacë, a iscësaribi ca aín ichúcë ꞌiaxa. Anu ax tsócë a nëbë́tsioracë ca nónbai upíira upí, maxax ñu paxa iscësa, esmeralda cacë, axa ichutia iscësa ꞌiaxa.