Éxodo 20:24 - Kashibo-Kakataibo Biblia

²⁴ Anuxun ñuina xaroti achúshi ꞌakin kamina mebi chaiorukin ꞌati ꞌain, ꞌatankëxun kamina ꞌë rabikin achúshi fiesta ꞌakin mitsun ꞌarakakë ñuina rëtankëxun ꞌaímai këñutanun mitsun ꞌucha kupín ꞌanan anuxun ñuina xaroti ꞌain. Usakin ꞌaia kana ꞌën upíokin sinánxunkin uinu ꞌikë menuxunbi kara aín ñuina ꞌëmi sinánkin xara oia a menuxun ꞌakinti ꞌain.

Éxodo 20:24 ပူးပေါင်းရင်းမြစ်များ

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

2 Samuel 6:12

Usa ꞌain ka unikaman ꞌapu David ñuixunkë ꞌiakëxa, bunántisa okin ꞌakë aín xubunu nankë ꞌain ka Obed-edom aín aintsikama ꞌimainun aín ñukama këñunbi atun ñu upí ꞌinun Diosan ꞌakinia. Usokian kakëx ka David Obed-edom aín xubunu kuëënkiani kuanxun bunántisa okin ꞌakë a bibiankin Davidnën ëma kakë Jerusalénnu buánkëxa.

1 Reyes 8:29

Min kamina nëtën ꞌimainun imë́ribi uisa ñu kara anuxun mi rabiti xubu ënuax ꞌia akamabi isti ꞌain, mix kamina anu ismina ꞌiti ꞌai kiax kian. Ënuxun ꞌëx min uni ꞌixun mi ñukamainun kamina ꞌën bana kuati ꞌain.

1 Reyes 8:43

Usa ꞌain kamina anumi ꞌikë naíkamë ꞌëo anuxunbi kuakin, añu kara mi ñukákania akamabi ꞌakinti ꞌain, usakinmi ꞌaia kuakin ka bëtsi bëtsi menu tsókë unikamanribi min uni Israelkaman ꞌakësaribi okin mi ꞌaxunkin, ꞌën mi ꞌaxunkë xubu ënëx ka anuxun asérabi a rabiti ꞌakë ꞌikë kixun atúnribi ꞌunánti ꞌikën.

1 Reyes 9:3

ami mërakin ka ësokin kakëxa: ꞌËn kana ꞌëbë banakinmi ꞌë kakëxun kuan, ꞌimainun kana anuxun ꞌë rabiti min ꞌamikë anu ꞌëx mitsubë ꞌiti ꞌain. Anu mitsubë ꞌixun kana uisaxunbi xënibua ꞌaínbi mi ëntima ꞌain.

2 Reyes 5:17

Usakin kakëxunbi kuëëniama ka Naamánnën katëkëankëxa: —Min kamina ꞌën ꞌinaishikë ñu bisamatanin, usa ꞌain kana mi ñukatin ꞌë karamina caballo rabë́nu ꞌarutibëtan sënën Israel me ënua me chukúma ꞌë ꞌinántima ꞌain; an mi ñu mëëxunti uni ënën ka amiribishi ñuina ꞌaímai këñutanun bëtsi dioskama, xaroxuntëkënkima Dios ashi ñuina xaronxunti ꞌikën.

Esdras 6:12

¡ꞌImainun ka Diosan Jerusalénnu ꞌikë unikama atunbia aín anë rabinun kaisa anbi uinu ꞌikë ꞌapun kara axa kikë bana a kuaisamatankin ax kikësabiokin ꞌaisama tankin anuxun Dios rabiti xubu Jerusalénnu ꞌaiabi ꞌatima okin ëmitisa tania ax ꞌatimokë ꞌiti ꞌikën! ꞌËx ꞌapu Darío ꞌaish kikë bana ax ka anuxun ꞌën pëukë anuxunbi upíira okin unin tankë ꞌiti ꞌikën.

Nehemías 1:9

ꞌaínbi kamina ësokinribi kakën, mitsun mi ꞌëmi sinanakin ꞌën bana kikësabiokin ꞌatëkënkin a tania kana uinu ꞌikë menu kara bëtsi unikaman buánkëxa anuabi mi timë́nun ꞌimitëkënkin, uinu karana anuxun ꞌë rabiti xubu ꞌati ꞌën kaisakë anubi mitsu bëtëkënti ꞌain.

Salmos 122:2

Bërí kananuna Jerusalén, ¡xëkuë ꞌukëmëu ꞌain!

Éxodo 10:25

ꞌAínbi ka Moisésnën kakëxa: —Min kamina usai kikínma min ñuina ꞌarakakë, Nukën ꞌIbu Dios rabikinu rëtankëxun xaraoi kuanun nu ꞌinánti aín, mixmi nun ñuina buánti kuëënkëbëma ka Dios rabikin a ꞌati ñuina ꞌaíma ꞌiti ꞌikën.

Éxodo 20:25

ꞌImainun ka anuxun ꞌë rabiti maxá ꞌaisatankin aín ꞌipitiu manë xëtokën ramënioxun ꞌatima ꞌikën, usokin ꞌaxun ꞌakëxbi ka anuxun ñuina xaroti ꞌakë ax ꞌaisama ꞌiti ꞌikën.

Éxodo 24:4

Usa ꞌain ka Moisésnën Nukën ꞌIbun kakësabiokin kamabi bana kuënëokëxa, kuënëoxun ka pëkarakëma ꞌaínshi nirutankëxun, anuxun a rabiti achúshi ñu aín bashi tanain ꞌamiakëxa, ꞌatankëxun ka a rapasu mapai rabë́ ꞌimainun rabë́ maxax nankëxa, a ka Jacobnën bakë bëchikëkama ꞌia ami sinánkin nankëxa.

Éxodo 24:5

ꞌAtankëxun ka Moisésnën Israel uni bënábu raíri an vaca rëtankëxun Nukën ꞌIbu rabikin ꞌaímai këñutanun unikaman ꞌucha kupí xaronan, ñuina xaronun ꞌamiakëxa.

Isaías 64:5

Min kamina uin kara upíokin ñu ꞌaia a asábi ka kuëënkin kain, kakëxun ka min kuëënkësabi okin ꞌati sinania. Mix kamina nukamax ꞌuchakë anun nishan; usa ꞌain ka ꞌitsa baritia anun mi masá nuitumikin ñuikë ꞌikën.

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Deuteronomio 12:11

usa ꞌain kamina mitsun uinu kara Diosan anuxun a rabiti me kaisia anuxun xubusa okin chupa ꞌakë a nantëkëni anuxun kamina Dios ꞌaxunkin ñuina xaroti ꞌain, raírinëan ꞌaímai këñutanun ꞌamainun ka, raírinënribi ꞌaimairai këñutanuma xuiti ꞌikën, ꞌimainun ka atun ñu ꞌapákë kamaira ꞌinankima uiti ꞌitsa kara ꞌinánti ꞌikë atishi ꞌinánti ꞌikën, ꞌinámainun ka uin kara manë panshíanën kupíoia an kupíomainun, ka uin kara a ꞌinánti nanxa akamaribi ꞌinánti ꞌikën.

Deuteronomio 12:21

Anuxun a rabiti xubu ꞌatia Nukën ꞌIbu Diosan mitsu ꞌura kaisa me anu ꞌaínbi kamina a ꞌura ꞌixunbi anuxun mitsun ꞌarakakë, vaca ꞌimainun ovejakama Nukën ꞌIbu ꞌinánkëkama a rëxun piti ꞌain, anumi mitsux ꞌikë me anuxunbi, usakin ꞌai kamina xubusa okin chupa ꞌakë anu kuantima ꞌain.

Deuteronomio 12:5

ꞌAínbi kamina mitsun aintsi ñaká achúshi anu tsókë me a Nukën ꞌIbun kaísa anu xubusa okin chupa ꞌatankëxun anuxun ashi rabi kuanti ꞌain.

Deuteronomio 26:2

a menu ñu ꞌapáxun ax pain tsinasati bimikë a bitankëxun pëkëtia kaki achúshi, uinu kara anuxun a rabiti xubusokin ꞌati Diosan kaisaxa a menu ꞌatankëxun anu uanti ꞌikën.

Deuteronomio 7:13

ꞌAkin ka an mitsu nuibakin ꞌuakamë ꞌëoimi bëchipanun ꞌimianan mitsun bakë bëchikëkama upíokin sinánxuanan mitsun ñu ꞌapákë bitsia aribi ꞌanan trigo bimi ꞌimainun, uvas baka ꞌakë, ꞌimainun xëni, akëñunbi, ꞌanan mitsun vaca bakëkama ꞌimainun, ovejakama a kamabi a me ꞌinánnuxua nun chaitiokëkama ka a menua upí ꞌinun ꞌimiti ꞌikën.

1 Timoteo 2:8

Ësa cana ꞌëx cuëënin, uinu cara axa Jesucristomi catamëcë unicama timëtia anuax ca nucë bënë unix upí oquin sinani, unimi nishi abë cuëbicananima, aín mëcën manámi oi Nucën Papa Diosbë banati ꞌicën.