Éxodo 20:19 - Kashibo-Kakataibo Biblia

¹⁹ Usai ꞌikëbë rakuë́kin ka Moisés kakankëxa: —Min ishi kamina nu kati ꞌain; ꞌaínbi ka Diosax nukamabë banatima ꞌikën, nux këñutima kupín.

Éxodo 20:19 ပူးပေါင်းရင်းမြစ်များ

Génesis 3:10

Kakëxun ka unin kakëxa: —Mi kana naësa nëbëtsi nitsia kuan, usa ꞌaish kana chupañuma ꞌaish rakuë́ti unëa.

Génesis 32:30

Usa ꞌain ka a me Penuel kakin anëi Jacob kiakëxa: “Nukën ꞌIbu Diosbë kana isanairan usa ꞌaínbi kana bamakëma ꞌain.”

Éxodo 33:20

ꞌAínbi kana mi kain ꞌën bëmánan kamina istima ꞌain ui unin kara ꞌën bëmána isia ax ka bamakë ꞌiti ꞌikën.

Hechos 7:38

Moisés ax ca axa anu uni ꞌicëma menuax Israel unicama nëbë́tsi ꞌianan, aín bashi Sinaí cacë a tanáinuax abë banacë ángelbë ꞌianan nucën raracamabëribi ꞌiá ꞌiacëxa. ꞌIanan ca a aín unicamax usai ꞌiti bana Nucën Papa Diosan ꞌináncë, a ꞌiacëxa. A bana, Israel unicama nun ꞌunánuan cuënëonun ca Nucën Papa Diosan Moisés usaquin cacëxa.

Gálatas 3:19

¿An Abraham cá bana xënibua ꞌaínbi asérabi ꞌain cara uisacasquin Nucën Papa Diosan usai judíos unicama ꞌiti bana cuënëonun Moisés cacëx? Uisa ñu ꞌati cara ꞌaisama ꞌicë quixuan unin ꞌunánti cupí ca a bana judíos unicama ꞌináncëxa. Abrahamnën rëbúnqui, Cristo, axa utia Abraham ñuixuan, a utámainuan a bana quicësabi oquin pain ꞌanun ca Nucën Papa Diosan a bana Moisés cuënëomiacëxa. Nucën Papa Diosan cacëxuan ángelcaman a cacë bana ca Moisésnën cuënëo bana ꞌiacëxa.

Deuteronomio 18:16

Ënëx ka asérabi ꞌikën, mitsux kamina anumi aín bashi Sinaí kakë anu timë́xun Dios ñukati kamina ësai kikankën: bërí kananuna amiribishi Nun Diosan kakëxun kuatëkëinsama tanin, ꞌimainun kananuna chaiira ꞌinuan tsi rëkirukësai ꞌikë aribi bamatima kupín istisama tanin kiax kiakën.

Hebreos 12:19

Manë bana ocë sharatia camina cuama ꞌain. Cuatíma ꞌianan camina Nucën Papa Dios banaiaribi cuama ꞌain. Nucën Papa Dios banacëbëa ꞌaisamaira ñu ꞌia isquin ca nucën raracaman racuë́quin Moisés cacëxa: —Nux bamatima cupí camina minbi Nucën Papa Diosan cacëxun nu cati ꞌain.