Éxodo 20:17 - Kashibo-Kakataibo Biblia

¹⁷ Bëtsi unin xubu ꞌimainun anu ꞌikë aín ñukama kamina minan ꞌinun bisatantima ꞌain: usa ꞌixun kamina aín xanu an ñu mëëxunkë uni ꞌimainun an ñu ꞌaxunkë xanu aribi kuëëntima ꞌain, ꞌimainun kamina an ꞌarakakë ñuinakama, vaca ain asno akamaribi bisatantima ꞌain.

Éxodo 20:17 ပူးပေါင်းရင်းမြစ်များ

Génesis 14:23

ꞌën kana uisa min ñubi bikin ñuman chamarabi bianan, anúnmi tsitëkërëkikë abi anun ꞌën taxaka tëkërëkati bitsiman, mixmi uínsaranbi min ismina ꞌë ñuñuira ꞌimian kiax kitima kupín.

Génesis 3:6

Usakin kakëxun ka xanun a bimi kuisa, upíira upí ꞌikë isakëxa, a piax sinánñuira ꞌisa iskin ka anun kuëënkin xanun i bimi biakëxa. I bimi bixun kukin, ka aín bënëribi ꞌinánkëxa. ꞌInánkëxun ka anribi piakëxa.

Génesis 34:23

Kamabi aín ñukama ꞌimainun aín ñuina kamáxbi ka nunanribi ꞌiti ꞌikën. Usa ꞌain kananuna asabi ka ꞌiti ꞌikë kiax kiti ꞌain, kikëbë ka atux nubë tsóti bërúti ꞌikën.

Job 31:1

Usakin pain an ꞌunánkë uni rabë́ ꞌimainun achúshi a katankëx sënë́an ka Job axribi banai ësai kiakëxa. ꞌËnbi kana sinánkë bënëñu xanukama ꞌimainun kana bënëñuma xanu uisa ꞌixunbi kuëëanma ꞌain kixun kana sinánkën.

Job 31:9

ꞌËn karana xanu bënuñu ꞌën xanu ꞌikëmabi këmëkësakin uisai kara ꞌia kixun isanan, ꞌë rapasu ꞌikë unin xanu aratsushi ꞌikë ꞌutunkin isan,

Isaías 33:15

An upí ñuishi ꞌai asérabi këmëima banakë uni ꞌianan, an bëtsi uni aín ñu kuëëniamabi bikuantankëx anun ñuñukëma ꞌianan, bëtsi ꞌatima oxunun kixun bëtsin ꞌinainshikë kuríki bikëma a ꞌianan, an bëtsi uni usakin kananuna uni rëtëti ꞌai kixun kakëxunbi kuëënxunkëma ꞌianan, an uisaxunbi usakin kana ñu ꞌatima ꞌati ꞌai kixun sinánkëma uni,

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Miqueas 2:2

Bëtsi unin mekama kuëënkin ka atun bikuankania; usakin ꞌanan ka xubukama aribi biti kuëënkin mëkamakania. ꞌAnan ka uni ꞌimainun ꞌain ꞌaintsi ꞌibukamabi, an kasunankë ꞌain ñukama binuxun ꞌatima oia.

Habacuc 2:9

¡Uisa kupí kaina mëkamakë ñun mitsun aintsi ꞌibukama ñuñuira ꞌimikanin, usakin kamina mitsux ñu ꞌatima inuanan, tëmëraima isa ꞌinun kixun mitsun aintsi ꞌakanin!

Mateo 20:15

¿ꞌËn curíquinëxa ꞌënanbi ꞌain carana ꞌëx cuëëncësabi oquin an ꞌë ñu mëëxuncë unicama cupíotima ꞌain? ¿ꞌËn uni itsi curíqui ꞌináncëbëtan caramina nutsiquin masáquin sinanin?

Mateo 5:28

Usai quiá ꞌaínbi cana ꞌën mitsu cain, uinu ꞌicë unix cara ainanmabi xanu itsi isi aín nuitu mëu cuëënia a unix ca a xanubë ꞌicësa ꞌia.

Lucas 12:15

Usaquin caxun ca anu ꞌicë unicama Jesusan cacëxa: —Ñu ꞌitsa ꞌain cana Nucën Papa Diosan iscëx upí ꞌianan upitax ꞌi cuëënti ꞌai quixun camina sinántima ꞌain. Usaquin sinanima camina ꞌitsa ñuñu ꞌiti sinánan uni itsin ñuribi cuëënti rabanan bërúancati ꞌain.

Lucas 16:14

Usaía quia cuaquin ca fariseo unicaman atux ꞌitsa curíquiñu ꞌiti cuëëncë ꞌixun, aín bana cuaisama tani a ñui ꞌatimati banaquin Jesús ꞌusáncëxa.

Hechos 20:33

ꞌËn cana curíqui ñucánan chupa uibi ñucácëma ꞌain.

Hechos 5:4

Minan ꞌaish ca a me maruxunmi a cupí bicë curíqui mix cuëëncësabi oquin ꞌati asábi ꞌiaxa. ¿Uisa cupí caramina cëmëti sinan? Mix usai ꞌicë ax ca unimishi cëmëcëma ꞌicën. Camina Nucën Papa Diosmi cëmëan.

Romanos 13:9

Nucën Papa Diosan bana cuënëo ca ësai quia: “Uni itsin xanubë camina ꞌitima ꞌain. Uni camina ꞌatima ꞌain. Unin ñu camina mëcamatima ꞌain. Minanma, bëtsi unin ñu minan ꞌiti camina cuëëntima ꞌain”. Ësai ënë banacama quicë ꞌaínbi ca bëtsi banaribi axa quicësa oquinra ꞌati ax ësai quia: “Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. Ënë bana quicësa oquin ꞌaquin camina bëtsi banacamaribi quicësa oquin ꞌain.

Romanos 7:7

A bana, uisa ñu cara ꞌati ꞌicë, uisa ñu cara ꞌatima ꞌicë quicë, a banacama ca asábi ꞌicën. A bana ꞌaíma ꞌain cananuna uisa ñuxira cara ꞌatima ꞌicë quixun ꞌunánma ꞌitsían. A bana “mix camina bëtsi unin ñu minan ꞌinun cuëëncë ꞌitima ꞌai” quicëma ꞌain cananuna usai ꞌiti ca ꞌaisama ꞌicë quixun ꞌunánma ꞌitsían.

1 Corintios 6:10

ꞌimainun an ñu mëcamacë uni ꞌimainun an bëtsi unin ñu cuëëncë uni, ꞌimainun axa ñuianancë uni ꞌimainun paë́ncë uni ꞌimainun an uni paránxun aín ñu bicë uni, acamax ca Nucën Papa Diosan nëtënu ꞌitima ꞌicën.

Efesios 5:3

Nucën Papa Diosnan ꞌixun camina mitsun uisa ñux cara ꞌatima ꞌicë a ꞌati sinántima ꞌain. Mitsun xanuma ꞌaínbi xanubë ꞌiti, xanúxmabi uni itsibë ꞌiti, minanmabi uni itsin xanu ꞌimainun ñu cuëënti, usa ñu ꞌati sinanima ꞌianan camina usa ñu ñui banatima ꞌain.

Efesios 5:5

Camina asérabi ꞌunánti ꞌain, axa aín xanuma ꞌaínbi xanubë ꞌicë uni, axa xanúxmabi unibë ꞌicë uni, an ainanma uni itsin ñu cuëëncë uni, a unicamax ca Nucën Papa Diosmabi, unínbi ꞌacë ñuishi rabicësa ꞌicën. Usa unicamax ca Nucën Papa Diosan nëtë anua Cristoribi ꞌicë anu abë ꞌitima ꞌicën.

Deuteronomio 7:25

ꞌAnan kamina mitsúnbi atun diosmabi rabikë ñukamaribi në́nti ꞌain, ꞌaínbi kamina ami bikë kuri ꞌimainun manë panshian akama bisa tantima ꞌain; usakin ꞌaibi ꞌatima ñu ꞌati sinania ka Nukën ꞌIbun a upí istima ꞌikën.

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.

Colosenses 3:5

Usa ꞌain camina bërámami ꞌacansa oquin Nucën Papa Diosnanma unicaman ꞌacësa oquin ënë menu ꞌicë ñuishi ꞌati sinántëcëntima ꞌain. Unix ca aín xanuma ꞌaínbi bëtsi xanubë ꞌitima ꞌicën. Usaribiti ca xanu aín bënëma ꞌaínbi bëtsi unibë ꞌitima ꞌicën. ꞌImainun ca uni xanúxmabi bëtsi unibë ꞌitima ꞌicën. ꞌImainun camina ñunshinacëquin ꞌatima ñu ꞌati cuëëntima ꞌain. Camina ñuñu ꞌitishi sinántima ꞌain. Ñuñu ꞌitishi cuëëncë unix ca Nucën Papa Dios rabima, a cuëëncë ñuishi rabicësa ꞌicën.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

1 Samuel 12:3

ënu kana bërí mitsubë ꞌain: Usa ꞌain kamina uisai karana ꞌia ꞌë kakanti ꞌain, bëtsin ꞌarakakë vaca ꞌanan karana aín burro ꞌënamabi mëkamaxun ꞌibuanan, karana ami kuaikin ꞌën kuëënkësa okin an a unikaman ka bëríbi Nukën ꞌIbun ismainun kanan anbia kaískë mitsun ꞌapu ënën kuamainunbi ꞌë kati ꞌikën, bërí kana ui karana ribini a kupíoti ꞌain.

1 Samuel 15:19

ꞌAínbi kaina ¿Uisa kupí an mi kakësokinshi ꞌakinma atu ꞌaxun Nukën ꞌIbun ismainun, axa mimi nishkë unikaman ñu usokin ꞌan?