Éxodo 19:24 - Kashibo-Kakataibo Biblia

²⁴ ꞌAínbi ka Nukën ꞌIbun Moisés kakëxa: —Aín bashinuax kuabútëkënxun kamina Aarón biti ꞌain, bitsini kamina abë mapë́rakëtëkënti ꞌain. Mitsux mapërakëtëkën maínun ka sacerdote ꞌimainun unikamaxribi ꞌunántiokë a inui anu ꞌëx ꞌikë ënu mapërakëkatsi kixun sinani ꞌutima ꞌikën, usai ꞌiabi kana ꞌën bamamiti ꞌain.

Éxodo 19:24 ပူးပေါင်းရင်းမြစ်များ

Éxodo 19:12

Usa ꞌain kamina bashi tanain buinarakin ꞌunánti ꞌoti ꞌain, anúan unikama inútisama okin. ꞌImainun kamina unikama ësokin kati ꞌain, uinu ꞌikë uníxbi ka aín bashi mapërakëtima ꞌikën, ꞌimainun ka anu unántiokin sënë́onkë a ꞌurama kuantima ꞌikën, uix kara a ꞌuruma kuania ax ka bamakë ꞌiti ꞌikën.

Éxodo 19:25

Usakian kakëx ka Moisés anuax taramëbutëkëankëxa, taramëbutëkënxun ka Israel unikama Diosan kakë banakama ñuixunkin kakëxa.

Éxodo 24:1

Usa ꞌain ka Nukën ꞌIbun Moisés kakëxa: —Aín bashinu mapërakëtëkëni kamina Aarón, Nadab, Abihú ꞌimainun Israel uni, aín kushibu setenta bëi anu ꞌëx ꞌikë ënu uti ꞌain; ꞌaínbi kamina ꞌuramaira obëtsinima ꞌuriaxëshi atun bëmánanën me tikai tsóbukanun kati ꞌain.

Éxodo 24:9

Usokin ꞌatankëx ka Moisés, Aarón, Nadab, Abihú ꞌimainun setenta Israel uni aín kushibu bibiani amiribishi aín bashinu mapërakëtëkëankëxa.

Mateo 11:12

Juan ucëma pan ꞌain ca Moisés ꞌimainun an Nucën Papa Dios quicë bana uni ñuixuncë unicaman ꞌë ñuiquin unicama ñuixuancëxa. A unicama caxu uquin ca Juanën ꞌë ñuiquin, axa utia judíos unicaman caíncë ax ca uaxa quiax quiquin unicama ñuixuanxa. Usa ꞌain ca ꞌënribi, ꞌëmi catamëcë unicama ca Nucën Papa Diosnan ꞌiti ꞌicë quixun ñuixunia cuanan ꞌën ñu ꞌaia isi ꞌaisamaira unix Nucën Papa Diosnan ꞌiti sinania.

Lucas 13:24

—Bai chucúma anun atsínti ca sinan. Cana asérabi mitsu cain, ꞌitsa unix ca anun atsínti sinanibi anun atsíntima ꞌicën.

Lucas 16:16

Ësaquinribi ca Jesusan cacëxa: —Juan ucëma pan ꞌain ca Moisés ꞌimainun an Nucën Papa Dios quicë bana uni ñuixuncë unicaman ꞌë ñuiquin unicama ñuixuancëxa. A unicama caxu uquin ca Juanën ꞌë ñuiquin, axa utia judíos unicaman caíncë, ax ca uaxa quiquin unicama ñuixuanxa. Usa ꞌain ca ꞌënribi, ꞌëmi catamëcë unicama ca Nucën Papa Diosnan ꞌiti ꞌicë quixun ñuixunia cuanan ꞌën ñu ꞌaia isi ꞌaisamaira unix Nucën Papa Diosnan ꞌiti sinania.

Juan 1:17

Uisai cara Nucën Papa Diosan uni ꞌiti ꞌicë quixun ca Moisésnën nucën raracama ꞌunánmiacëxa. Usa ꞌaínbi ca axira uxun Jesucristonën asérabi nuibaquin aín ꞌucha tërë́nquin Nucën Papa Dios cuëëncësabi oía aín uni ꞌinun ꞌimiaxa.

Romanos 4:15

Cananuna ꞌunanin, usai ca uni ꞌiti ꞌicë quicë bana atúan cuati, a ꞌaíma ꞌain ca anun uni ꞌuchoti bana ꞌaíma ꞌicën. Usa ꞌaínbi ca usai ca uni ꞌiti ꞌicë quicë bana ꞌunáncë ꞌixunbi axa quicësabi oquin ꞌacëma ꞌaish uni ꞌuchocë ꞌiti ꞌicën.

Gálatas 3:19

¿An Abraham cá bana xënibua ꞌaínbi asérabi ꞌain cara uisacasquin Nucën Papa Diosan usai judíos unicama ꞌiti bana cuënëonun Moisés cacëx? Uisa ñu ꞌati cara ꞌaisama ꞌicë quixuan unin ꞌunánti cupí ca a bana judíos unicama ꞌináncëxa. Abrahamnën rëbúnqui, Cristo, axa utia Abraham ñuixuan, a utámainuan a bana quicësabi oquin pain ꞌanun ca Nucën Papa Diosan a bana Moisés cuënëomiacëxa. Nucën Papa Diosan cacëxuan ángelcaman a cacë bana ca Moisésnën cuënëo bana ꞌiacëxa.

Gálatas 3:22

Usa ꞌaínbi ca Nucën Papa Diosan bana cuënëo —camabi unin ca ñu ꞌatima ꞌaia —quia. A banaxa asérabi ꞌain ca axa Jesucristo cupí ami catamëcë unicamaxëshi Nucën Papa Diosan iscëx upí ꞌiti ꞌicën, an aín rëbúnqui achúshi ñuiquin Abraham cásabi oi.

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.

Hebreos 4:16

Asérabi ca usa ꞌicë quixun ꞌunánquin cananuna ami racuë́quinma, an nu nuibacë Nucën Papa Dios a nun ꞌuchacama tërë́nquin nu ꞌaquinun ñucáti ꞌain, an nu nuibacë cupí. Usaquin cananuna anúnu uisai cara ꞌicë nëtën, nuibaquian nu ꞌaquinun ñucáti ꞌain.