Éxodo 19:20 - Kashibo-Kakataibo Biblia

²⁰ Usai abë banakin ka Nukën ꞌIbu Sinaí kakë bashi chairukë anu ubuxun Moisés mapërakënun kixun kakëxa. Kakëx ka Moisés mapërakëakëxa,

Éxodo 19:20 ပူးပေါင်းရင်းမြစ်များ

1 Reyes 19:11

Usa ꞌain ka Diosan Elías kakëxa: “Anumi ꞌuxkë bashi kini ënuax chikíntankëx kamina ꞌën istisabioí aín xëkuë ꞌurama ënubi niti ꞌain.” Usakin kakëxa Elías chikíkëma ꞌaínbi ka Dios bërámashi inúkëbë, suñúan kushiira anu ꞌibúkin kamabi ni tsasipakin masókëxa, masónan ka anua ꞌikë maparakamaribi tukapakëxa; ꞌaínbi ka Dios suñúan ꞌibúkë anuma ꞌiakëxa. Usaia suñúan kushiira ꞌibútankëx bukubukëbëshi ka meribi shaíkiakëxa; ꞌaínbi ka me shaíkikë anubi Dios ꞌaíma ꞌiakëxa.

Nehemías 9:13

Usokin ꞌatankëxun kamina aín bashi Sinaí kakë, anuax nun chaitiokëkamabë naínuaxëshi banakin min bana upíirabu a ꞌunámikin asérabi a tanti banakama ꞌimainun ax kikësabi oi ꞌiti akama upíokian ꞌunánun min banakama ꞌinánkën.

Éxodo 19:11

usakin ꞌai mëníokakë ꞌain kana ꞌëx rabë́ ꞌimainun achúshi nëtë ꞌikëbë kana ꞌëx aín bashi Sinaí kakë anu ubuti ꞌain, kamabi Israel unibunëan ꞌë istánun.

Éxodo 19:3

Anuax ka achúshi nëtën Moisés aín bashi anu uni ꞌikëma Sinaí kakë anu Diosbë bananux mapë́rakëakëxa, mapërakëtia ka aín bashi chairui sënë́nkë anuxun Nukën ꞌIbun kuëankëxa: —Kuënkin ka Moisés ësokian Jacobnën rëbúnki Israel unikama kanun kakëxa.

Éxodo 24:15

Usakin kabiani ka Moisés aín bashi manan kuankëxa, kuankë ka kuinan aín bashi këñunbi mapuakëxa.

Éxodo 24:18

Iskëbë ka Moisés aín bashinu ꞌibúkë kuin anun atsínkiani mapërakëakëxa, mapërakëtankëx ka anu cuarenta nëtë ꞌimainun cuarenta imë́ ꞌiakëxa.

Éxodo 34:2

ꞌImainun kamina imë́ishi pëkarakëma ꞌaínshi aín bashi Sinaí kakë anu mapërakëti kuantëkënux mëníokati ꞌain, mëníoka kiani mi kuankë kana aín bashi chairui sënënakëkë anua mi istisa tanin.

Éxodo 34:4

Usakin kakëxun ka Moisésnën maxá rabë́ bëráma Diosan ꞌinánkë usabi okin mëníokëxa, mëníonx ka pëkarakëma ꞌaínshi maxá pará okían ónkë a bibiani bashi Sinaí anu Nukën ꞌIbun kakësabi oi kuankëxa.

Deuteronomio 33:2

ënë banakama ësokin kakëxa: Nukën ꞌIbun ka aín bashi Sinaí kakë anuxunbi Seír kakë me anu bukukëbi nu pë́kakëxa. Pë́kaquin ka aín kushin barin urukin pë́kabëtsinkësokin aín bashi Parán kakë anuxunbia aín kushin pëkakë ax Meribá-Cadés anubi sënë́ankëxa; usai ukin ka unían aín mëkënan tuínxun ñu bëkësa obëtsinkin ax kushiira ꞌixun a tanti aín bana bëakëxa.

Deuteronomio 9:9

Usai ꞌikëbë kana ꞌëx maxáx pará rabë́ anua achúshi ñu mitsu ꞌaxunkin Nukën ꞌIbun aín bana kuënëokë a bitsi aín bashinu mapërakëakën, mapërakëax kana anu cuarenta nëtë ꞌimainun cuarenta imë́ ñu pima ꞌianan xëaimabi ꞌiakën.