Éxodo 19:12 - Kashibo-Kakataibo Biblia

¹² Usa ꞌain kamina bashi tanain buinarakin ꞌunánti ꞌoti ꞌain, anúan unikama inútisama okin. ꞌImainun kamina unikama ësokin kati ꞌain, uinu ꞌikë uníxbi ka aín bashi mapërakëtima ꞌikën, ꞌimainun ka anu unántiokin sënë́onkë a ꞌurama kuantima ꞌikën, uix kara a ꞌuruma kuania ax ka bamakë ꞌiti ꞌikën.

Éxodo 19:12 ပူးပေါင်းရင်းမြစ်များ

Éxodo 10:28

Usai ꞌibi sinanakin ka faraónën Moisés kakëxa: —Ënuax kamina kuanti ꞌain, kuantankëx kamina ꞌë isi utëkënti sinántima ꞌain, uínsaran kaina ꞌutëkëni anun kana ꞌën suntárukaman mi ꞌanun ꞌamiti ꞌain.

Éxodo 19:21

mapërakëkë ka Nukën ꞌIbun Moisés ësakin kakëxa: —Kuabutankëxun kamina unikama kati ꞌain, anu sënë́onkin ꞌunántiokë a chichaxuma ꞌanan ka ꞌë iskatsikixun sinánbëtsini ukantima ꞌikën, ꞌë iskatsikiax aí ka atúxbi bamati ꞌikën.

Éxodo 19:23

Kixuan kakëxun ka Moisésnën Nukën ꞌIbu kakëxa: —Mix kamina kian unikamax ka aín bashi Sinaí kakë a mapërakëtima ꞌikën, usa ꞌain kamina anu ishia bërúnun ꞌunántionun kian ax ka minanshi ꞌikë kixun unikama kanun kamina kian.

Éxodo 24:2

Mix xëshi kamina anu ꞌëx ꞌikë ënu uti ꞌain; umainun ka raíri axa mibë ukë unikamax ꞌë ꞌuramaira utima ꞌikën, ꞌianan ka raíri unikama mibë mapërakëtima ꞌikën.

Éxodo 34:12

A menu atsínxun kamina a unikaman mitsubëtan ñu ꞌakatsikixun ubíokin kakëxunbi ꞌatima ꞌain, atun ꞌakë ñu ꞌatima ꞌaimi atux ꞌikësaribiti ꞌuchatima kupín.

Éxodo 34:3

Uinu ꞌikë uníxbi ka mix kuankëbë mibë kuantima ꞌikën, uibi kana bashi anua kuania istisamatanin, ꞌimainun kana oveja ꞌimainun, vacakama abi aín bashi bëtánain anuxun pasto pi nitsia istisama tanin.

Deuteronomio 4:9

Usa ꞌain kamina mitsu ꞌakinkia Diosan ꞌaia iskë ñukama, uinsaranbi manukinma abi sinánkin; mitsun bakë bëchikë ꞌimainun mitsun babakamaribi ñuixunti ꞌain.

Hebreos 12:18

Mitsux camina aín bashi Sinaí, anuxuan nucën raracaman Nucën Papa Diosan bana cua, anu cuánma ꞌain. Anuaxa canacamëꞌëo sharaquimainun ca a bashix nëtë cuinan mapucë bëánquibucë ꞌiacëxa. Aín bashicamanubi ca tsi rëquirucë tínbu ꞌiacëxa. Anu camina mitsux ꞌiáma ꞌain.

Josué 3:4

Usai kuankin kamina uimi karamina kuani a ꞌunánkanti ꞌain, uinu ꞌikë mitsúnbi kamina ënë me anu nikin ꞌunánkëma ꞌain. ꞌAínbi kamina bunántisa okin ꞌakë kurin ratakakakë anua Diosan bana kuënëokë nankë a ꞌuramaira oíma, a kaxu achúshi kilómetro ꞌura kuanti ꞌain.