Éxodo 16:35 - Kashibo-Kakataibo Biblia

³⁵ Usakian ꞌan ka Israel unibunën cuarenta baritia ꞌimikin manáishi pií anua me sënënakëkë anu uni tsóti pëukukë anu bëbakin maná piakëxa, ax ka Canaán kakë me sënëni kuainakëkë anu ꞌiakëxa.

Éxodo 16:35 ပူးပေါင်းရင်းမြစ်များ

Nehemías 9:15

ꞌImainun kamina naínu ꞌikë pán ꞌakëñuma ꞌixuan pinun ꞌinánan ꞌumpaxribi maparanua shióbutia shimaxun xëanun ꞌinánkën. Usokin pain ꞌatankëxun kamina a ꞌinánkatsi kixunmi nun chaitiokëkama ká me a bitsia anu kuanun atu ꞌimiakën.

Hechos 7:36

Xucëxun ca Egiptonu cuanxun Moisésnën Israel unicama anua buáncëxa. Buánquin ca Egiptonuxun ꞌanan, parúnpapa Xonsa anuxun ꞌanun, cuarenta baritian anu uni ꞌicëma menuxunribi Nucën Papa Diosan ꞌamicëxun uni itsin ꞌacëma ñu ꞌacëxa.

1 Corintios 10:3

Cuanquin ca camaxunbi Nucën Papa Diosan ꞌináncë piti piacëxa. An ꞌináncë ꞌunpáxribi ca camaxunbi xëacëxa, xaxúnpapanuaxa shaquibutia.

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 8:4

Usai pain cuarenta baritia ꞌimi nikëbëbi ka atun chupabi këñutima ꞌianan ꞌitsaira nikëbëbi atun taëbi ꞌuáma ꞌikën.

Josué 5:12

Usakian ñu ꞌapákë aín bimi pikin pëukë ꞌain ka atúan pikë maná ax nëtë́ti amiribishi ꞌibútëkëama ꞌikën, usai ꞌikëbëtan ka a barin Israel unibunën Canaán menu ꞌapákë ñukama ashi bixun piakëxa.