Éxodo 16:32 - Kashibo-Kakataibo Biblia

³² Nëtë itsin ka Moisésnën ësakin Israel unikama kakëxa: —Nukën ꞌIbu ka ësokin ꞌanun kiaxa, xampa rabë́ buákakin bitankëxun kamina mitsun rëbúnkinëan ësa ñu ka nun chaitiokëkaman anu uni ꞌikëma menuxun Nukën ꞌIbun Egipto menua chikínbiankin buánkëxun piakëxa kixuan isnun nanti ꞌain.

Éxodo 16:32 ပူးပေါင်းရင်းမြစ်များ

Salmos 105:5

ꞌImainun kamina an ñu chabu ꞌa a ꞌianan aín bana sinánti ꞌain;

Éxodo 16:16

Ësokin ꞌën mitsu kanun ka Nukën ꞌIbu kiaxa: Usa ꞌain kamina mitsu achúshi achúshinën uiti karamina kuëëni ꞌati bikanti ꞌain, ꞌimainun ka uiti uni kara aín xubunu ꞌia abëtan pitibëtan sënë́inshi bikanti ꞌikën, bikin ka achúshi achúshi unin xampa achúshi bikaskin bianan rabë́ xampa bikinbi a inumikin cha bitima ꞌikën.

Éxodo 16:31

Usa ꞌain ka Israel unibunën bikin a piti maná kakin anëakëxa. Ax ka uxua ꞌaíshbi cilantro kakë ñu bëru uxua usa ꞌaish, buna rëpakëñun mëskuxun pán pikësa ꞌiakëxa.

Éxodo 16:33

Usakin atu pain katankëxun ka Moisésnën Aarónribi ësokin kakëxa: —Achúshi ñutë bitankëxun kamina anu rabë́ litro maná nanti ꞌain. Usakin ꞌaxun kamina anuxun Dios rabiti ꞌakë anu nanti ꞌain, anu nan ꞌikë ka nun rëbúnki kamanribi anua isti ꞌikën.

Jeremías 7:23

ꞌAínbi kana ësaia ꞌën bana tani ꞌikanun kakën; ꞌëx atun Dios ꞌimainua atux ꞌën unikama ꞌinun kixun kana kakën. Usai ꞌia ꞌën kakësabi oi ꞌikëbë ka mitsun ꞌakë ñukama upí ꞌiti ꞌikën.

Oseas 11:4

ꞌËn kana atu ꞌitsaira nuibakin ënua ꞌutëkënun atu ꞌakiankën; usakin kana tuá xura ꞌakësokin ꞌanan, atun piti ꞌinánima ꞌikinma bërúankën,

Lucas 22:19

Catancëxun ca Jesusan pán biquin Nucën Papa Dios —asábi ca —catancëxun pán tucapaxun ꞌinánquin atu cacëxa: —Mitsúnmi piti pán ënëx ca ꞌë ꞌicën. Mitsun ꞌuchacama tërë́ncë ꞌaish Nucën Papa Diosnan ꞌinun ꞌë unin ꞌacë ꞌain, camina ꞌëmi sinánquin ꞌën mitsu bërí cacë ënë ënquinma usabi oquin ꞌati ꞌain.

Hebreos 2:1

Usa ꞌain cananuna Nucën Papa Diosan Bëchicë ñui quicë bana a upí oquinra bëmë́quin cuati ꞌain, a bana manuquinma ax quicësabi oquin ꞌanuxun.

Hebreos 9:4

Tabernáculo nëbë́tsi rabë́ oquin bëpáncë chupa rapasu ca anuxun tsëpasa ñu sanutanun xaroti nancë ꞌiacëxa, a Cata Upíira cacë, a rapasu. A Cata Upíira cacë, anu ca bunánti, curin ratacacacë ꞌaish anúnribi aín namë́nu rocë ꞌiacëxa. A bunántinu ca curi ꞌacë chumu, anu maná cacë piti ñu ꞌitsamashi purucë, ꞌimainun Aaronën tsati ꞌaíshbi coo, a ꞌimainun maxax parúsha rabë́, anu usai ca aín uni ꞌiti ꞌicë quixun Nucën Papa Diosan cuënëo, acama ꞌiacëxa.