Éxodo 15:5 - Kashibo-Kakataibo Biblia

⁵ Usai ꞌia kamabi atux maxá ꞌikësai parúmpapa nëbëtsi nanëtia ka baka panarabëkë an biranakin mapuaxa.

Éxodo 15:5 ပူးပေါင်းရင်းမြစ်များ

Nehemías 9:11

ꞌImainun kamina atun ismainunbi parúmpapa panarabëtanun ꞌimiakën, usakin ꞌimikëbëa me rakati ëskikëbë ka a nëbë́tsinën atux sikarakëakëxa ꞌaínbi kamina axa atu nuibëtsini ukë unikama bakan këñunun ꞌimiakën, ꞌimikëx ka maxáx ꞌikësaishi nanëti bakami kikankëxa.

Éxodo 14:28

Usai amiribishi anuaxa panárabëti ëskikë anubi rakarakëtëkënkin ka ꞌumpaxan, aín caballonën nikinkë a ꞌimainun aín caballokama këñunbi israel unibu nuibiani parúmpapa nëbëtsin kikianiabi, achúshira faraónën suntárubi ië́tanuma nanë́mikin këñumiakëxa.

Éxodo 15:10

ꞌAínbi kamina atu suñu kushiira bëkimikin parúmpapanu nanënun ꞌimian, usai ꞌi ka baka kushiira nëbë́tsin manë ꞌië́ nanë́kësa ꞌinun nanë́axa.

Éxodo 15:16

Mix kamina Nun ꞌIbu ꞌain, atux ka ratuti ꞌikën, ꞌimainun ka rakuëkanti ꞌikën, atúxa kuainima maxá ꞌikësai bukunun min kushínbi ꞌiminun kana mi kain, usa ꞌain kamina min unikama inútamainun bërúanti ꞌain, nukamax kananuna min unibu ꞌain.

Proverbios 8:24

ꞌË irapain ka parúmpapakamabëa, xëxákama ꞌimainun baka rarakama ꞌisama pain ꞌain uniokëxa.

Jonás 2:2

ësokin kakëxa: ꞌitsaira tëmërakin kana mix ꞌën Dios ꞌikë ꞌakinun mi ñukan, ñukákëxun kamina anuax bamatisa anuabi ꞌën bana kuakin ꞌë ꞌakian.

Miqueas 7:19

Amiribishi kamina nukama nuibatëkënti ꞌain, usokin ꞌakin kamina unían me naëtankëxun mainkëxa ñu nëtë́kë usaía ꞌitánun nun ꞌatima ñu ꞌakëkama ꞌati ꞌain. ꞌAnan kamina unían parúmpapa nëminnu nikëxa ñu nëtë́kë usaribi ꞌitánun nun ꞌuchakëkama ꞌati ꞌain.

Mateo 18:6

Usa ꞌain ca an ꞌëmia sináncë uni ꞌimainun tuá ꞌëmia sinánti ënun quixun ꞌatima ñu ꞌamiquin ꞌuchamicë unix aín ꞌucha chaira ꞌicën. Usa ꞌaish ca ꞌaisamaira oquin castícancë ꞌiti ꞌicën. A unix ca anun ñu rënti maxax ami tëtëcërëcatancëxun parúnmapa nëbë́tsi nicë́xa uni nanë́cësamaira oi castícancë ꞌiti ꞌicën.

Apocalipsis 18:21

Usai a unicamax quicëbëtan ca anun ñu bacati cushiñu ángel achúshinën maxax chaira, anun ñu rënti maxáxsa, a biquin parúnpapanu niaxa. Ni ca quiaxa: —A maxax istëcëntimoquin nicë usaribi ca Babilonia, a ëma chaira, ꞌimainun anu ꞌicë unicamaxribi unin a istëcëntimoquin cëñucë ꞌiti ꞌicën.