Éxodo 15:27 - Kashibo-Kakataibo Biblia

²⁷ Ësakian Diosan kakëx kuanx ka Elim kakë, anua mapai rabë́ ꞌimainun rabë́ xëxá upíira shióbumainun setenta xëbin, ꞌikë a baka ꞌurama anu ꞌi bërúakëxa.

Éxodo 15:27 ပူးပေါင်းရင်းမြစ်များ

Salmos 23:2

an ka unin basi paxa upíira pimitankëxun aín ñuinakama tantimikësa usaribi okin ka Diosan ꞌë ꞌimia, ꞌimianan ka ꞌumpax bëchuni pakaxkikëma a xëakin ꞌën shima tërënun ꞌë ꞌimia,

Éxodo 16:1

Usai Elim kakë anu pain ꞌitankëx anuax kuanx ka kamabi Israel unibu anu uni ꞌikëma me Sin kakë anu bëbakëxa, a mex ka Elim kakë anua naësa xëbinamë ꞌëo ꞌikë Sinaínën nëbëtsi rabë́ okë ꞌiakëxa. Anúan Egiptonuax chikíkë a ꞌuxë rabë́ ꞌirukë anun quince nëtë ꞌikëbë ka bëbakëxa.

Apocalipsis 22:2

A bacax ca a ëmanu ꞌicë bai cha anúnbi xobucë ꞌiaxa. A bacax ca ꞌunpax ꞌaíshbi Nucën Papa Diosan cushi anúan uni bamatimoi tsóti, a ꞌiaxa. A baca aín cuëbí rabë́ amo anu ca i achúshi ꞌiaxa. Camabi baritian ca a in mëcën rabë́ ꞌimainun rabë́ oquin tuaxa, ꞌuxë camabi. A bimix i bimisa ꞌaíshbi ca ax anúan uni bamatimoi tsóti, a ꞌiaxa. A i pëchix ca camabi menuax ucë uníxa anun ꞌinsíntëcëntimoi bucuti a ꞌiaxa.