Éxodo 15:20 - Kashibo-Kakataibo Biblia

²⁰ Usai ꞌikëbëtan ka an bana ñuikë María, Aarónën chirabakën, aín manë sharíkati bitsi sharíkai ransakëxa, ransakëbë a kamabi xanukamaxribi atun manë sharíkati bitsi a nuibiani abë ransakëxa,

Éxodo 15:20 ပူးပေါင်းရင်းမြစ်များ

Génesis 31:27

¿Uisakatsi kaina mix ꞌë parántankëx uisakinbi ꞌë kaima unëkuatsini uan? ꞌËn kana ꞌëmi kakëxun upiokin mi xunuxun, minmi kakëxun kana unikama katankëxun tampurakama ꞌanan arpa ꞌai kantai kuëënkin ꞌatankëxun mi xukë ꞌitsían.

2 Samuel 1:20

Usa ꞌain ka Gatnu tsókë unikama kuatima ꞌikën, ꞌimainun ka Ascalón ëmanu bëbakin a bana ñuitima ꞌiaxa, filistea xanukamax ka a banakama kuati kuëëanan, manámiki chirini kuëënti ꞌikën, atux ka bëtsi ñu rabikë xanubu ꞌikë usa ꞌaish.

2 Samuel 6:14

Usa ꞌain ka David chupa efod lino ꞌakë a pañuax kuani ꞌain kushibëbi kuëëni ransakiankëxa,

2 Samuel 6:16

Usakin bunántisa okin ꞌakë anua Diosan banakama kuënëokë nankë, a buani anua David ꞌikë ëma anu bëbakania ka Saúlnën ꞌini bëchikë Micalnën aín xubu xëkuë chukúma manámi ꞌikë anun isakëxa; iskëxbi ka aín bënë David ax kuëëni chirinkin ransakia Dios rabikë ax ainan ꞌaisama ꞌiakëxa, usa ꞌain ka ami ꞌatimakin sinánkëxa.

2 Samuel 6:5

Usokian buánkëbë ka, a kaxú David ꞌimainun abëa kuankë unikamax Dios rabi kuëëni aín kushibëbi ransakin atun sharíkati sharikamainun manë parókë ꞌamainun atun arpa ꞌanan mëkënan mëëkin banamikë akama kuëënkin ꞌakankëxa.

2 Reyes 22:14

Usakia kakëx ka ꞌain kushibu Hilquías, Ahicam, Acbor, Safán ꞌimainun Asaías, an bana ñuikë Hulda kakë xanu Salum kakë uni aín xanu abë banai rikiankëxa, Salum ain bakë bëchikë Ticvá, Harhás aín xuta ꞌiakëxa, ax ka anuxun Dios rabiti xubunu ꞌikë chupakama anu nankë a bërúankë ꞌiakëxa. Hulda ax ka Jerusalén ëmanuira ꞌima a ꞌuria ꞌikë ëma itsinu tsókë ꞌikë ka anu kuanxun kakankëxa,

Salmos 150:4

¡Rabi ka manë sharíkati ꞌakë a sharíkai abi tani ransati ꞌikën! ¡Rabikin ka a xunkati ꞌakë a xunkai ꞌianan anun mëëti risi satëonkin ꞌakë akama mëëkin rabiti ꞌikën!

Éxodo 2:4

nantankëxun ka bëbu tuára aín chirabakë kakëxa, uisai kara min rarëbakë ꞌia kamina ꞌurama kuankinmabi isti ꞌain.

Eclesiastés 3:4

Anu ka anun inti nëtë ꞌikën, ꞌimainun ka anun kuaiti nëtëribi anu ꞌikën. Anu ka anun uni ñukëbë masá nuituti nëtë ꞌikën, ꞌimainun ka anun ransai kuëënti nëtëribi anu ꞌikën.

Jeremías 31:4

ꞌËn kana amiribishi atun ëma atëkënun amiti ꞌain. Usokin ꞌaxunkëx ka atun manë sharíkati sharíkai ransai kuëënkanti ꞌikën.

Miqueas 6:4

ꞌËn kana mitsun chaitiokëma Egipto menuxun tëmërakin ñu mëëiabi chikiankën; usokin ꞌanan kana Moisés këñun, Aarón ꞌimainun María, an atu ꞌakinun xuakën.

Números 12:1

Usa ꞌain ka María aín chirabakë ꞌimainun Aarón aín xukë́n apan Moisésnën etiopi xanua bikë ꞌain, ami ꞌatimakin ñui banakëxa.

Números 12:2

Banai ka ësairibi kikankëxa: “Nukën ꞌIbu ka Moisés bëshi banakëma ꞌikën; nubëribi ka banaxa.” Kikania ka Nukën ꞌIbun kuakëxa.

Números 20:1

Anúan baritia ꞌirutabakë ꞌuxë achúshi ꞌirukë anun ka israel unibu anu uni ꞌikëma me Sin kakë anu bëbakëxa, bëbatankëx ka ꞌitsama nëtë́ishi Cadés kakë anu bërúakëxa. Anu atux aínbi ñuia ka María anubi maínkankëxa.

Lucas 2:36

Anuribi ca achúshi xanu xëniira, Ana cacë, ꞌiacëxa. Ana ax ca an Nucën Papa Dios quicë bana unicama ñuixuncë xanu ꞌiacëxa. Ax ca Asernën rëbúnqui achúshi, Fanuel cacë, aín bëchicë ꞌiacëxa. Xuntacu ꞌicëa bicëx ca aín bënëbë mëcën achúshi ꞌimainun rabë́ baritia ꞌiacëxa.

Hechos 21:9

Aín bëchicë ca rabë́ ꞌimainun rabë́ xanu bënëñuma ꞌiacëxa. A xanucaman ca Nucën Papa Diosan sinánmicëxun bana uni ñuixuancëxa.

1 Corintios 11:5

Usa ꞌaínbi ca xanux abë bananan Nucën Papa Diosan sinánmicë bana ñuixuni mapúcë ꞌiti ꞌicën. Usaía ꞌicëxma ca ꞌaisama ꞌaish maxcúcë xanusa ꞌia.

1 Corintios 14:34

Axa Jesucristomi catamëcë unicama timë́cë ꞌain ca xanu banatima ꞌicën. Usa ꞌixun ca bëbu uníxa banaiashi cuati ꞌicën, Nucën Papa Diosan bana cuënëo quicësabi oquin.

Jueces 4:4

A nëtëkaman ka Débora Lapidotnën xanu an Israelkaman ñu ꞌatima ꞌaia aín ꞌapu ꞌixun mëníoxuankëxa.

1 Samuel 10:5

Usokin ꞌatankëx kamina matá me chairukë Diosan me ꞌikë, Guibeá kakë anua filisteo unikaman suntáru ꞌikë anu bëbati ꞌain. Bëbax a ëmanu atsini kamina an Dios kikë bana uni ñuixunkë unikamabë anuxun Dios rabiti ꞌakë anuax rikuatsinkëbë atubë mërananti ꞌain. Mëranankin kamina atux kuanmainun rëkuë́nkiani kuankin mëkën rëbun mëëkin banamikë, ꞌimainun arpakëñun, xunkakin banamikë ñukama, a banamibiani kuania isti ꞌain.

1 Samuel 18:6

Usa ꞌain ka Israel suntárukama Davidtan filisteo uni Goliat kakë a ꞌakëbë rikuatsinkëbë, kamabi ëmanuax chikiti Israel xanukamax ꞌapu Saúl ñui kantai ransai ꞌikin kuëënkin bitsi manë sharíkati sharíkanan manë pará okë aribi ꞌakankëxa.