Éxodo 14:25 - Kashibo-Kakataibo Biblia

²⁵ usaia ꞌinun ꞌimikian Diosan atun caballonën nikinkëkaman taë menu takáshki ëchikibunun ꞌimikëbë ka egipcio suntárukama kuankasmakëxa. Usai ꞌikëbë ka egipcio suntárukama munuma sharati kikankëxa: —Israel unikama ëbiani kuanun ka kuan, atun ꞌIbun ka anun rabanan në́kin nu ꞌatimoia.

Éxodo 14:25 ပူးပေါင်းရင်းမြစ်များ

Nehemías 4:14

Usai anun ꞌakánanti biaxi rakuë́tia kana nirukin, aín sinan mëninshi unikama ꞌianan an ëmanuxun bana mëníokë unikama ꞌimainun raíri unikama ësokin kakën: “Nux kananuna atumi rakuë́tima ꞌain. Rakuë́kinma kamina mitsun sinánti ꞌain Dios ax kushiira ꞌianan chaiira ꞌixun ka atu rakuëmiti ꞌikën, ꞌimainun ka an mitsun bakë bëchikë bëbukama ꞌianan ꞌini bëchikë xanukama ꞌimainun mitsun xanukama këñunbi mitsun ëma upí ꞌinun bërúanti ꞌikën.”

Nehemías 9:11

ꞌImainun kamina atun ismainunbi parúmpapa panarabëtanun ꞌimiakën, usakin ꞌimikëbëa me rakati ëskikëbë ka a nëbë́tsinën atux sikarakëakëxa ꞌaínbi kamina axa atu nuibëtsini ukë unikama bakan këñunun ꞌimiakën, ꞌimikëx ka maxáx ꞌikësaishi nanëti bakami kikankëxa.

Salmos 46:9

an ka kamabi menu ꞌikë unikama ꞌakánantëkënia, anuishi sënë́nmikin aín manë pará ꞌianan aín piakama ꞌimainun, anuaxa ꞌakanankë caballonën nirinkë manë ꞌakë akama mëníonun ꞌamia.

Éxodo 14:14

Mitsux kamina ꞌatimakin sinani bënëtima ꞌain, Nukën ꞌIbun ka ënë ñukama mitsu mëníoxunti ꞌikën.

Éxodo 14:18

Usakin ꞌën kushi ismikin ꞌapu faraón kamabi aín suntáru ꞌimainun aín caballonën nikinkë anúan ꞌakanankë a kamakëñunbi ꞌakë ꞌain ka egipcio unibunën ꞌëx kana asérabi Israel unibunën ꞌIbu ꞌai kixun ꞌunánti ꞌikën.

Éxodo 14:4

ꞌAínbi kana ꞌënbi faraón aín sinán iruarakin, aín suntárukama mitsux kuania nuitanun xunun sinánmiti ꞌain; usakin ꞌaiabi kana ꞌën faraón këñunbi aín suntárukama ꞌën kushi ismiti ꞌain, ꞌimainun ka egipcio unikaman ꞌëx kana kamabi unikaman ꞌIbuira ꞌain kixun ꞌunánti ꞌikën. Usakin ka israel unikama ꞌakëxa.

Éxodo 15:3

Nukën ꞌIbu ax ka ꞌakanankë unisamaira ꞌikën, ¡usa ꞌaish ka Nukën ꞌIbu ax ain anëira ꞌikën!

Isaías 31:4

Ësokin ka Nukën ꞌIbun ꞌë kaxa: “Achúshi paru ꞌinúanëx ka oveja bixun rëtëax, an ñuina bërúankë unikamami rakuë́tima, ꞌianan ka kamaxi timë́xun, munuma kuënkëni banakinbi ratutima ꞌikën, usaribikin ka Nukën ꞌIbu kamabi kushiñu ax aín unikama Sión kakë bashi anua ꞌakini uti ꞌikën.

Amós 1:14

Usa ꞌain kana anun Rabá kakë ëma kënëara kënë a tsin bimiti ꞌain, bimikëxun ka a tsinbi ꞌapun xubukama nënkin xaroti ꞌikën, usakin ꞌakëx ka anun ꞌakánanti nëtë ꞌianan, nëtë masákuatsini kaná banakë usaribiti i amami amamiax unikama ꞌakánanti ꞌikën.

Amós 5:19

ꞌIanan kara achúshi uníxa paru ꞌinúanën nuikëx abatibi xaëón manan ꞌirukë usaribi, ꞌianan ka achúshi uni abákuatsini uax tanti ñu sinanimaishi aín xubunu atsíntankëx, këpiti tsóbutiabi achúshi runun ꞌakë usaribiti abáti katamëtima ꞌikën.

Amós 9:1

Usokin a ñukama istankëxun kana Dios. Anuxun ñuina xaroti rapasu nikë isan, iskëxun ka ësokin ꞌë kaxa: “Anuxun ꞌë rabiti xubu akamina aín ꞌirakantikama manámi ꞌikë a tinkati ꞌain, usakin ꞌakëbë ka anu nankë ikama ax shaíkiti ꞌikën; ¡shaíki ka ikama ax túukibuti ka unin maxkánu aín sanikama pakëti ꞌikën! Usokin ꞌakëbëa bamakëmakama atux abáti sinanx kuaniabi kana manë xëtokën ꞌakin rëtëti ꞌain: usokin ꞌakëbë ka axa abáti sinanx abákë axbi achúshirabi ië́tima ꞌikën;

Deuteronomio 32:31

Axa numi nishkë unikamanbi ka upíokin ꞌunánxa, Nukën ꞌIbu Dios ax ka atun dios sama ꞌaish kushiira kushi ꞌikë kixun.

Josué 10:14

Uinsaranbi ka achúshi nëtë ënë nëtë́an ꞌakësaribi okin Nukën ꞌIbun achúshi unin kakëxun kuakin ñu ꞌakë ꞌaíma ꞌiakëxa, an ka Israel unibunën rabanan në́kin ami nishkë uni ꞌanun ꞌamiakëxa.

Jueces 4:15

kuabutankëx atubë ꞌakananiabi ka Nukën ꞌIbun atun suntárukama ꞌimainun axa anuax ꞌakánanti manë ꞌakë caballonën nirinkë anuax ꞌakanankë Sísaranën suntárukama ꞌaisamaira rakuë́ti aín manë xëtokën Baracbë ꞌakananima abánun ꞌimiakëxa; usai ꞌikëbë ka Sísaranëxribi anuaxa ꞌakanankë caballonën nirinkë anuax ꞌibukiani abákëxa.