Éxodo 14:24 - Kashibo-Kakataibo Biblia

²⁴ ꞌaínbi ka pëkarakuatsínkëbëtan Nukën ꞌIbun egipcio suntárukama nëtë kuin tsi rëkirukësa anuxun iskin aín caballonën nikinkë akamaxa chakanani masónanun ꞌimiakëxa;

Éxodo 14:24 ပူးပေါင်းရင်းမြစ်များ

Job 40:12

Usakin ꞌakin kamina mix kushi ꞌixun axa rabiakakë unikama a min kushínbi, uinu kara ꞌia anuabi barixun ꞌanan sinan ꞌatimañu unikamaribi ꞌatima okin masóti ꞌain.

Salmos 104:32

An iskëx ka mekama bërëi shaíkia; ꞌimainun ka aín bashikamanuax an mëëkëx ꞌikësa ꞌinun kuin niruia.

Salmos 90:4

Asérabi ka mil baritia inúkë ax min tankëx bënëtishi inuti ꞌinuónkë nëtë usaíshi ꞌia. ¡Usai ꞌikë ax ka uiti hora kara imë́ inutia usashi ꞌikën!

Éxodo 13:21

Anuax kuankëbëtan ka Nukën ꞌIbun a isiania kuanun kuin nëtën anúan kuanti bai anu rëkuë́nmiakëxa, rëkuë́nmianan ka imë́ribi tsin rëkirukin pë́kakësa ꞌitánun an imë́ atu kuania pë́kati ꞌimiakëxa. Usakian ꞌakëbë ka, nëtën kuananbi imë́ribi kuankëxa.

Éxodo 14:25

usaia ꞌinun ꞌimikian Diosan atun caballonën nikinkëkaman taë menu takáshki ëchikibunun ꞌimikëbë ka egipcio suntárukama kuankasmakëxa. Usai ꞌikëbë ka egipcio suntárukama munuma sharati kikankëxa: —Israel unikama ëbiani kuanun ka kuan, atun ꞌIbun ka anun rabanan në́kin nu ꞌatimoia.

Amós 9:4

ꞌimainun kana axa ami nishkë unikaman ñatanbiankin buánkë ꞌikëbia, anuabi manë xëtokën ꞌakin rëtënun ꞌamiti ꞌain. ¡Usa ꞌain ka ꞌën atu iskë ax upíokin ꞌakinti kupí iskëma ꞌikën!”

1 Samuel 11:11

Usokin ꞌakë a pëkarakëbëtan ka Saúlnën ain suntárukama rabë́ ꞌimainun achúshi okin amo sëtënakëxa, usakin ꞌaxun ka pëkarakëma ꞌaínshi abë ꞌakanani ukë bëtsi unikama bëararatanun xuakëxa, xukëxun bëaraxun ka amonita suntárukama bari xamarutamainun ꞌaisamaira okin kupitanuma ꞌakëxa. Usokin ꞌakëx ka axa bamakëmakama ax uinu ꞌikë uníxbi rabëtax abátima achúshi achúshi unix anua ꞌikë anuax unë́kiani abati amami amami kuankëxa.