Éxodo 14:19 - Kashibo-Kakataibo Biblia

¹⁹ Usai israel unibu kuani parúmpapa abu kikiani kuankëbë ka Diosan ángel rëkuë́nkiankë ax atu kaxú tsianakëxa, tsianakëbë ka usaribiti nëtë kuin rëkuë́nkiankë axribi suntárukama a bëarati Israelkama kaxú tsianakëxa.

Éxodo 14:19 ပူးပေါင်းရင်းမြစ်များ

Éxodo 14:20

Usakian nëbëtsi rabë́ okin kuinan pë́kakëx ka israel unikamax xabánu ꞌiakëxa, ꞌimainun ka egipcio suntárukama ax imë́nu ꞌixun iskasmakin a imë́ israel unikama nukunun nukumiama ꞌikën.

Éxodo 14:24

ꞌaínbi ka pëkarakuatsínkëbëtan Nukën ꞌIbun egipcio suntárukama nëtë kuin tsi rëkirukësa anuxun iskin aín caballonën nikinkë akamaxa chakanani masónanun ꞌimiakëxa;

Éxodo 32:34

Usa ꞌain kamina ënë unikama a me ꞌinánnuxun mi kakë anu uanti ꞌain. ꞌËn ángel kana an mi rëkuë́n obianun xuti ꞌain. ꞌImainun kana uínsaran kara uni ꞌaisamaira tëmëramiti nëtë ꞌia a nëtën, kana atun ꞌucha kupín ꞌën ꞌaisamaira tëmëramikin ꞌatima oti ꞌain.

Isaías 52:12

ꞌaínbi ka anuax chikiti kuani bënëtishi abákiani chikítima ꞌikën, Nukën ꞌIbu Israel unikaman Dios, an ka atu kuania uisa ñubi inuaxma ꞌinun amami amamiukua bërúanti ꞌikën.

Isaías 58:8

Usa ꞌain ka bëtsi ꞌakinkëbë mitsun tsóti ax barin urukin nëtë pë́kabëtsinkë usaribi ꞌiti ꞌikën, usai ꞌikëbë ka mitsun ñu ꞌatima ꞌakëkama nami tëakë ax bënëtishi mókësaribi ꞌinun mëníokati ꞌikën. Usai ꞌikëbë upiti tsókëbë kana ꞌëx Dios kamabi kushiñu ꞌaish mitsubë ꞌiti ꞌain.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Miqueas 2:13

Usai ꞌikëbë rëkuë́nkiani kuania ka atun Dios nuibiankanti ꞌikën, nuibiani ka anun ëmanu atsínti xëputi anun chikikanti ꞌikën. Usai ꞌikankëbë ka Dios aín ꞌapu ax kamaxunbi atun ismainun kuanti ꞌikën.

Números 20:16

usakin ꞌakëxun kananuna Nukën ꞌIbu nu ꞌakinun kixun sharákin ñukákën, ñukákëxun kuankin ka aín ángel achúshi Diosan xuakëxa, xukëxun ka Egipto menua nu chikíankëxa. Usa ꞌain kananuna bërí, Cadés kakë ëma anua min me sënënakëkë anu ꞌain.