Éxodo 12:36 - Kashibo-Kakataibo Biblia

³⁶ Ñukatia ka Nukën ꞌIbun egipcio unikaman upíokin nuibakin Israelkaman ñukákëxun, ñu ꞌinaíshinun kixun sinánmiakëxa, usakin aín ñukama ꞌinántankëxun ka egipcio unibunën Israel unikama kuantanun xuakëxa.

Éxodo 12:36 ပူးပေါင်းရင်းမြစ်များ

Génesis 15:14

ꞌAínbi kana ꞌënribi a ëmanu ꞌikë unikama an atu bëtsi bëtsi okin tëmëramikë aribi ꞌatima okin tëraminuxun ꞌain, usakin ꞌakë ꞌain ka min rëbúnki kamax ꞌaisamaira ñuñu ꞌaish chikinuxun ꞌaia.

Génesis 39:21

Usakin José sipuakë ꞌaínbi ka Nukën ꞌIbu abë ꞌixun bërúankin ꞌakiankëxa, ꞌakinkëx ka upí nuituñu ꞌiakëxa, usa ꞌikë ka an sipu bërúankë aín kushi an ꞌunánkëxa,

Esdras 1:6

Mëníokatia ka kamabi a ꞌurama ꞌikë unikaman kuania atu ꞌakinkin manë uxua, kuri atun ñukama, vaca ꞌimainun atun ñu kupíirakëkama a ꞌinánan, bëtsi bëtsi ñu uin kara ꞌinántisa tania an aín ñu ꞌinánkëxa.

Salmos 105:37

Usakin pain ꞌatankëxun ka Diosan ain unikama kuri ꞌimainun manë uxua buania chikinun ꞌimiakëxa, usakin ꞌimikëx kuani ka uinu ꞌikë ñaká achúshinu ꞌikë unixi tsiankianima kuankëxa.

Éxodo 11:2

ꞌAínbi kamina Israel unibu bëbu ꞌimainun, xanukama ësokin kati ꞌain, a ꞌurama ꞌikë unikama ꞌimainun xanukama ain ñu ñukanun kamina kati ꞌain, kuri ꞌakë ñu ꞌimainun manë uxua ꞌakë ñukama ꞌinanuan ñukánun kamina kati ꞌain.

Éxodo 11:3

Nukën ꞌIbun ka egipcio unikama Israel unibu nuibairanun sinánmiakëxa. Usa omainun ka faraón an ñu ꞌaxunkë unikamaribi Moisés ain bana tankin cha ꞌimiakëxa, usomainun ka Egiptonu ꞌikë unikamaribi ami rakuë́akëxa.

Daniel 1:9

Diosan ꞌamikëxun ka an ꞌapun xubu bërúankë aín kushi an Daniel upí sinánñu ꞌikë isakëxa,

Hechos 2:47

Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

Hechos 7:10

Marucëxuan unin buáncëxa Egiptonu ꞌiabi ca Nucën Papa Diosan abë ꞌixun ꞌaquinquin bërúancëxa. Usoquian ꞌacë́xa upí sinánñu ꞌixun upí oquin bana cuacë ꞌicë nuibaquin ca Egiptonu ꞌicë ꞌapu Faraón, an anu ꞌicë unicaman cushi ꞌimianan an aín xubunu ꞌicë ñucama bërúantiribi ꞌimiacëxa.