Éxodo 12:33 - Kashibo-Kakataibo Biblia

³³ Usakin katankëxun ka egipcio unikaman aín menuaxisa kuantanun kixun Israel unikama bënëakëxa, kamabi uníxa këñutisa sinánkin.

Éxodo 12:33 ပူးပေါင်းရင်းမြစ်များ

Génesis 20:3

ꞌaínbi ka a imë́bi ꞌapu Abimélec namámikin, Nukën ꞌIbu Diosan kakëxa: Mix kamina bamati ꞌain, xanumi bikë ax ka bënëñu ꞌikën.

Salmos 105:38

Kuania atu isi ka egipcio unikama kuëënkankëxa, amira atux rakuëkankëxia Israel unikamax kuania isi ka kuëënkankëxa.

Éxodo 10:7

Usakin kabiani kuankëbëtan ka an ñu mëëxunkë unikaman faraón kakëxa: —¿Urainra kara ënë unikaman nu ësokin ꞌatima oti ꞌik? Usa ꞌain kamina mix ꞌapu ꞌixun atun Dios rabia kuantanun xuti ꞌain. ¿Mix ꞌapu ꞌixunbi karamina kamabi Egipto me ka ꞌatimatia kixun isiman?

Éxodo 11:1

Nukën ꞌIbun ka Moisés kakëxa: —ꞌAínbi kana amiribishi bëtsi ñu ꞌatëkënin faraón ꞌimainun egipcio unikaman isnun. Usa okëxun iskin ka mitsu kuantanun xuti ꞌikën, mitsúxbi kuantanun xukinma ka anbi mitsu ënuax kuantanun chikínti ꞌikën.

Éxodo 12:39

Usai kuanuxun atun ñu mënioi ka anúan aín piti ꞌatibi ꞌaíma ꞌiakëxa, egipcio unibunëan aín menuax kuantanun chikínkëx, usokëx kuankin ka anun chamiti ñu këñuma ꞌakë harina Egipto menuxuan mëníokin maranbunkë kachakëma a xuiakëxa.

Éxodo 6:1

Usai kia ka Nukën ꞌIbun Moisés kakëxa: —Bërí kamina uisakin karana ꞌapu faraónën kuëënkimabi ꞌën kushinbi ꞌamikëxun mitsu xunun ꞌami isti ꞌain, usa ꞌaínbi kana anbia mitsu aín menua xunun sinánmiti ꞌain; usa ꞌain ka, anbi mitsu ënuax kamina kuanti ꞌain kixun kati ꞌikën.

Isaías 52:12

ꞌaínbi ka anuax chikiti kuani bënëtishi abákiani chikítima ꞌikën, Nukën ꞌIbu Israel unikaman Dios, an ka atu kuania uisa ñubi inuaxma ꞌinun amami amamiukua bërúanti ꞌikën.

Daniel 3:22

Usa ꞌain ka ꞌapux ax kikësabi okían bënë́kinshi ꞌanun kikë ꞌiakëxa, usa ꞌain ka tsi rëkirukë ax ënxaira ꞌaish rëkikianxun an tsinu rabë́ ꞌimainun achúshi uni bëná nikë suntárukama aturibi xarokëxa,