Éxodo 12:3 - Kashibo-Kakataibo Biblia

³ Ësokin kamina kamabi Israel unikama kati ꞌain: Ënuax mapai rabë́ nëtë ënë ꞌuxë ꞌirukëbëtan ka unin an ꞌarakakë carnero ꞌaíma ꞌain, cabra achúshi achúshi uni kamaxunbi bëti ꞌikën.

Éxodo 12:3 ပူးပေါင်းရင်းမြစ်များ

Génesis 22:8

Ësokian aín bëchikënën ñukákëxun ka Abrahamnën kakëxa. —Nukën ꞌIbu Diosan ka nu achúshi ñuina ꞌinánti ꞌikën, kixun ka aín bëchikë —Abrahamnën kakëxa. Usokin kabiani ka abëbi anuxuan ñuina xaroti anu kuankëxa.

Génesis 4:4

Usakian ꞌaia iskin ka Abelnënribi aín ꞌarakakë ñuina aín rëkuën tuá upíira kaístankëxun ꞌën ꞌIbu kana ꞌinánti ꞌain kixun sinánxun buánxuankëxa. Usakin ꞌaia ka Nukën ꞌIbun Abelnën ꞌinánkë ñuina upíira ꞌikë isakëxa,

Éxodo 12:2

Ënë ꞌuxë ka bëtsi ꞌuxësama mitsunan ꞌiti ꞌikën, ꞌimainun ka anun baritia bënánu ꞌirukë ꞌuxë ꞌiti ꞌikën.

Éxodo 12:21

Usa aín ka Diosan kakësabiokin Moisésnën Israel uni ꞌain kushikama kamiakëxa, kamikëxa aia ka kakëxa: Anu rikianxun kamina Israel unikama mitsun kamaxunbia achúshi achúshi papan carnero bakë bërí kanikë achúshi achúshi unin aín aintsikamabëtan Pascua nëtë inúkin piti rëti bënun kamina kati aín.

Éxodo 12:4

ꞌImainun ka uix kara ꞌitsamashi aín xubunu ꞌia an këñukin ñuina nami pisama ꞌain ka, xubu ꞌibun a ꞌurama ꞌikë uni kuëntankëxun abë timë́xun piti ꞌikën, uiti uni kara tupuntankëxun ka atun piti sënë́nbi ꞌinánti ꞌikën.

Éxodo 12:6

Usa aín ka a ñuina ënë ꞌuxë catorce nëtë ꞌitamainun bërúankë ꞌiti ꞌikën, ꞌimainun ka a nëtë ꞌikëbëtan achúshi achúshi Israel unibunën xupibukëbëtan rëti ꞌikën.

Éxodo 14:15

Usa ꞌain ka Nukën ꞌIbun Moisés kakëxa: —¿Uisoti kaina min ꞌë ꞌakinun kixun kain? Israel unikama kamina rakuë́tima abi kuanun kati ꞌain.

Éxodo 20:19

Usai ꞌikëbë rakuë́kin ka Moisés kakankëxa: —Min ishi kamina nu kati ꞌain; ꞌaínbi ka Diosax nukamabë banatima ꞌikën, nux këñutima kupín.

Éxodo 4:30

timë́xun ka Aarónën usakian Nukën ꞌIbun Moisés kakë banakama ñuixuankëxa, ñuixunkin ka usakin ꞌanúan Diosan kakësabiokin atun iskëma ñukama kamabi unían istánun ꞌakëxa.

Éxodo 6:6

Usa ꞌain kamina Israel unibu anu kuanxun kai kuanti ꞌain, ꞌëx min ꞌIbu ꞌixun kana tëmëramikian ñu mëëkë anua chikínti ꞌain. Usa ꞌain kana ꞌaisamaira egipcio unibunën ñu mëëmikin tëmëramikë anua chikínti ꞌain; ꞌimainun kana ꞌën kushi atu ismikin ꞌëx upí ꞌixun mitsu ꞌakësamaira okin atu tëmëramiti ꞌain;

Juan 1:29

Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin ꞌucha cupí carnero bamati ꞌaínbia ax bamacë cupí Nucën Papa Diosan camabi unin ꞌucha tërë́nti a ꞌicën.

Juan 1:36

Abë ꞌicë ca Jesús cuainia isquin Juanën cacëxa: —Ca is, carnero ꞌicësaribiti unin ꞌucha cupí bamanuan Nucën Papa Diosan xua a ca ux ꞌicën.

Juan 12:1

Mëcën achúshi ꞌimainun achúshi nëtë anun carnero ꞌati nëtë ꞌiisama pain ꞌain, ca Jesús Betania ëmanu cuancëxa, a ëmanuxuan Lázaro bamacëbi baísquimicë anu.

Juan 12:12

Usa ꞌain ca Pascua anun carnero ꞌati nëtën Jerusalénu uëxancë unicamax timëcamëꞌëocë, an —Jesús ca Jerusalénu aia —quixun ñuicania cuacëxa.

1 Corintios 5:7

Usa ꞌain camina an a ꞌai ꞌuchati ñu ꞌacë uni a ñua ꞌatëcënuxunma ashiquin ënun sinánmiti ꞌain. Bëráma judíos unicamax carnero imi atun xëcuënu ꞌunánti oquin shiax, bamati ꞌaíshbi ië́a, usaribiti cananuna Cristo bama cupí ië́an. Bëráma axa ië́cë unicaman anun chamiti ñucëñunma ꞌacë pán piá usaribi ꞌinuxun camina mitsun Cristonan cupí uisa ꞌuchabi ꞌatëcëntima ꞌain.

Apocalipsis 13:8

Ënë menu bucucë, ui unicamax cara me uniotabacë ꞌain, Carnero ꞌicësaribitia unin ꞌucha cupí bama, aín quiricanu aín anë cuënëoma ꞌicë, a unicaman ca axa parúnpapanuax uax ꞌirucë ñuinacanꞌëo aín bana cuanan rabiaxa.

1 Samuel 7:9

Usakin kakëxun ka Samuelnën achúshi oveja ꞌain tuá bërí kanikë bitankëxun Nukën ꞌIbu ꞌaímai këñutanun raroxuankëxa; xaroxunkin ka Israelkama ꞌakinun Nukën ꞌIbu ñukáxuankëxa, usakin ꞌakëxun ka Nukën ꞌIbun an ñukákësabi okin ꞌakiankëxa.