Éxodo 12:29 - Kashibo-Kakataibo Biblia

²⁹ A imë́ naëx ka Nukën ꞌIbun egipcio unikaman rëkuë́n bëchikëkama këñumiakëxa faraónën rëkuë́n bëchikë aín papa ꞌikësaribitia ꞌapu ꞌiti aribi amiakëxa, ꞌimainun ka sipunu ꞌikë unin rëkuë́n bëchikë kamakëñunbi ꞌain ñuinanën rëkuë́n tuákamaribi këñumiakëxa.

Éxodo 12:29 ပူးပေါင်းရင်းမြစ်များ

Génesis 15:14

ꞌAínbi kana ꞌënribi a ëmanu ꞌikë unikama an atu bëtsi bëtsi okin tëmëramikë aribi ꞌatima okin tëraminuxun ꞌain, usakin ꞌakë ꞌain ka min rëbúnki kamax ꞌaisamaira ñuñu ꞌaish chikinuxun ꞌaia.

Salmos 105:36

¡Usakin pain ꞌamitankëxun ka Egipto menubi ꞌikë, unikaman rëkuë́n bakë bëchikëkamaribi këñunun ꞌimiakëxa!

Éxodo 11:1

Nukën ꞌIbun ka Moisés kakëxa: —ꞌAínbi kana amiribishi bëtsi ñu ꞌatëkënin faraón ꞌimainun egipcio unikaman isnun. Usa okëxun iskin ka mitsu kuantanun xuti ꞌikën, mitsúxbi kuantanun xukinma ka anbi mitsu ënuax kuantanun chikínti ꞌikën.

Éxodo 12:12

A imë́ kana ꞌëx kamabi Egipto menu inúkin kamabi egipcio unikaman xubunua aín rëkuë́n bëchikë ꞌanan a unikaman ñuinanën rëkuë́n tuákama ñumiti ꞌain, ꞌëx kana Dios a ꞌain. ꞌImainun kana Egiptonu ꞌikë unikaman rabikë dios ꞌatima oti ꞌain. ꞌËx mitsun ꞌIbu ꞌaish kana ësai kin.

Éxodo 12:28

usai pain ꞌikiani kuantankëxun ka kamabi ñu usakin ꞌanúan Nukën ꞌIbun Moisés ꞌimainun Aarón kakësabiokin ꞌakankëxa.

Éxodo 4:23

ꞌËn kana ꞌën unikamami ꞌë rabia kuantanun xunun mi kan; ꞌaínbi kamina min kuantanun atu xukëma ꞌain, usa ꞌain kana ꞌën min rëkuë́n bëchikë bamamiti ꞌain.

Éxodo 9:6

Usai kionxun ka a pëkarakëbëtan Nukën ꞌIbun usakinbi ꞌakëxa. ꞌAkëbë ka kamabi egipcio unibunën ꞌarakakë ñuinakama aín ꞌinsínan ꞌi këñuakëxa; usai ꞌikëbëbi ka israel unikaman ꞌarakakë ñuinanëxëshi achúshirabi bamama ꞌikën.

Isaías 41:11

Usa ꞌain ka kamabi axa mitsumi nishkë unikamax rabinkëbu ꞌianan ñuumarasabu ꞌiti ꞌikën; ꞌianan ka axa mitsubë ꞌakanankatsi kikë unikama achúshirabi nitánuma maërakatanun këñúkë ꞌiti ꞌikën.

Jeremías 38:13

Usai ꞌikëbëtan ka unikaman itsi sarakapakin nanpakëbëa anun tëkërëkia itsinbi bërúakëxa. Usokin ꞌakëx kuanx ka anua suntárukama ꞌikë me mëníokë anu Jeremías bërúakëxa.

Jeremías 38:6

Usokian ꞌapun kakëxun ka Jeremías atun ñatantankëxun kini ëskikë ꞌumpaxñuma anu nampákankëxa, a kinix ka ꞌapun bakë bëchikë Malquías ainan ꞌiakëxa, ax ka anua suntárukama an ëma bëruankë ꞌikë me mëníokë anu ꞌiakëxa. Anua itsin nanpakë ax ka ꞌumpaxñuma ꞌaíshbi me kini anu nisama chua ꞌiakëxa, anu ka Jeremías ënuma sënëni nanë́ax niakëxa.

Habacuc 3:5

Usa ꞌain ka axa ukëbë bëtsi bëtsi ꞌinsín chikíkëbë, a kaxú anuan ꞌitsaira uni bamati ꞌitsis kushiira ꞌiti ꞌikën.

Zacarías 9:11

Ësai ka Dios kia: Jerusalénnu bukukë unikama mitsun kamina kuati ꞌain, ꞌën kana Israel unikama bëtsi menu ꞌikëbi ië́miti ꞌain, usa ꞌain kana ꞌën anua ꞌumpax biti kini ꞌumpaxñuma ꞌinun ëskikë ꞌikëa anu uni sipuati ꞌakë usanu ꞌikëbi mitsu chikiankën. Usakin kana mitsubëtan achúshi ñu mëníokin ꞌásabiokin biti ꞌain, usa ꞌain kamina mitsun ñuina ꞌë xaroxunuxun aín imi ꞌapamikin ꞌakën.

Hebreos 11:28

Madianuax Egipto menu cuantëcëntancëxun ca Moisésnën —Nucën Papa Diosan ca ax quicësabi oquin asérabi ꞌati ꞌicë —quixun sinánquin, an cacësabi oquin judíos unicaman xubucama ꞌunánti oquin, aín xëcuë ëman carnero imi shimiacëxa, Nucën Papa Diosan ángelnën atun rëcuën bëchicëcama ꞌatin rabanan.

Hebreos 12:23

Anuribi uicamax cara ainan ꞌicë, aín anë ꞌacë, acamanribi ca a rabia. Anu ca ax ꞌApuira ꞌixuan an camabi unin ꞌacë ñu iscë, Nucën Papa Dios, ax ꞌicën. Anuribi ca Nucën Papa Diosan ainan ꞌicë upí ꞌimicë ꞌaísha bamacë unicama aín bëru ñunshin ꞌicën.