Éxodo 12:28 - Kashibo-Kakataibo Biblia

²⁸ usai pain ꞌikiani kuantankëxun ka kamabi ñu usakin ꞌanúan Nukën ꞌIbun Moisés ꞌimainun Aarón kakësabiokin ꞌakankëxa.

Éxodo 12:28 ပူးပေါင်းရင်းမြစ်များ

2 Samuel 5:25

Usakin kakëxun ka Davidnën uisakin ꞌanun kara Diosan kaxa usakinbi ꞌakëxa, ꞌakin ka filisteo unikama Gabaón kakë ëmanuxunbi ꞌabianxun Guézer kakë ëmanu bëbakin ꞌakëxa.

1 Reyes 17:5

Usokian kakëx ka Elías Diosan kakësabi oi anu kuanx Querit kakë xëxá amiaxa bari urukë amia ꞌikë Jordán kakë baka au ꞌi bërúakëxa.

Éxodo 12:27

kixuan mitsu ñukákëxun kamina kati ꞌain: Ënë ñuinanëx ka Pascua inúkin xaronan, Nukën ꞌIbu rabikin ꞌakë ꞌikën. Ënë nëtën ka Egipto mekama oi kuankin egipcio unikaman rëkuë́n bëchikëkama bamamikinbi, Israel unikaman xubu isi a ꞌurama oíma a uri inúkin Egiptonu ꞌikë nun aintsikama uisabi okima ië́miakëxa. Usakin atun kaia Moisés sënë́nkëbëishi ka Israel unikama rantinpuruni tsóbukin Dios rabiakëxa,

Éxodo 12:29

A imë́ naëx ka Nukën ꞌIbun egipcio unikaman rëkuë́n bëchikëkama këñumiakëxa faraónën rëkuë́n bëchikë aín papa ꞌikësaribitia ꞌapu ꞌiti aribi amiakëxa, ꞌimainun ka sipunu ꞌikë unin rëkuë́n bëchikë kamakëñunbi ꞌain ñuinanën rëkuë́n tuákamaribi këñumiakëxa.

Éxodo 12:35

ꞌAnan ka Moisésnën kakësabiokin, egipcio unikama ain kuri ꞌakë ñu ꞌimainun manë uxua ꞌakë ꞌimainun chuparibi ñukákankëxa.

Éxodo 14:4

ꞌAínbi kana ꞌënbi faraón aín sinán iruarakin, aín suntárukama mitsux kuania nuitanun xunun sinánmiti ꞌain; usakin ꞌaiabi kana ꞌën faraón këñunbi aín suntárukama ꞌën kushi ismiti ꞌain, ꞌimainun ka egipcio unikaman ꞌëx kana kamabi unikaman ꞌIbuira ꞌain kixun ꞌunánti ꞌikën. Usakin ka israel unikama ꞌakëxa.

Éxodo 7:10

Usakian Nukën ꞌIbun kakëx ka Moisés ꞌimainun Aarón ꞌapu faraón isi kuankëxa, kuanxun ka ësakin kakëxa, ꞌën kana Diosan a ꞌanun ꞌë kakësabiokin ñu ꞌain: Ësakin faraón kakin ka Aarónën aín unibunën ismainunbi menu aín tsati niakëxa, nikëxëshi ka achúshi runu ꞌinun ꞌiakëxa.

Éxodo 7:6

Usakin ka Moisés ꞌimainun Aarónën Nukën ꞌIbun kakësabiokin ꞌakëxa.

Deuteronomio 34:9

ꞌImainun ka Diosan Moisés kakësabi oi Nunnën bëchikë Josué a ain maxkánu aín mëkën nankin Moisésnën aín sinan ꞌinánkë ꞌiakëxa. Usa ꞌikë ka Israel unibunën aín bana kuakin Moisés Nukën ꞌIbun kásabiokin Israel unikaman Josuénën bana tankëxa.

Hebreos 11:28

Madianuax Egipto menu cuantëcëntancëxun ca Moisésnën —Nucën Papa Diosan ca ax quicësabi oquin asérabi ꞌati ꞌicë —quixun sinánquin, an cacësabi oquin judíos unicaman xubucama ꞌunánti oquin, aín xëcuë ëman carnero imi shimiacëxa, Nucën Papa Diosan ángelnën atun rëcuën bëchicëcama ꞌatin rabanan.

Josué 2:21

—Asabi ka usa ka ꞌiti ꞌikë —kixun ka xanun kakëxa. Katankëxun ka na kuantanun xuakëxa. Xukëx kuankëbëtan ka aín itsi xónsa anun sënkikianxa ꞌibúkë a bitankëxun aín xubu kaxú xëkuë chukúma anu bëntankëxa.

Josué 4:8

Usokian Josuénën kakëxun ka an kakësabiokin. Jordán kakë baka panárabëti ëskikë anua, mapai rabë́ ꞌimainun rabë́ maxá achúshi achúshi Israel unin bibiankin anua ꞌikankë anu buánxun maburukin nankëxa, usokin ꞌanúan Nukën ꞌIbun Josué kakësabiokin.