Éxodo 12:17 - Kashibo-Kakataibo Biblia

¹⁷ Anun chamiti ñukëñunma pán ꞌati nëtë ꞌikëbëtan kamina mitsun a nëtë sinánkin kamaxunbi timë́xun achúshi fiesta ꞌakin ꞌë rabiti ꞌain, a nëtëx ka anun ꞌën mitsu Egipto menua chikían nëtë ꞌiti ꞌikën. Usa ꞌain ka ënë bana kikësabiokin ënkinma mitsun ꞌásabiokin min bëchikë ꞌimainun min babakaman a sinánti ꞌikën.

Éxodo 12:17 ပူးပေါင်းရင်းမြစ်များ

Éxodo 12:14

Ënëx ka anëtë sinankinmi mitsun ꞌë rabikin achúshi fiesta chaiira ꞌati ꞌikën. Usa ꞌain ka ënë bana kikësabiokin ënkinma aín papakaman ꞌásabiokin mitsun bëchikëkaman a sinánkin ꞌati ꞌikën.

Éxodo 12:24

Ënëx ka mitsun a tanti bana ꞌikën, ꞌimainun mitsun rëbúnki kamanribi xënibua ꞌaínbi tanti bana ꞌën ꞌinánkë ꞌikën.

Éxodo 12:41

ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Éxodo 12:6

Usa aín ka a ñuina ënë ꞌuxë catorce nëtë ꞌitamainun bërúankë ꞌiti ꞌikën, ꞌimainun ka a nëtë ꞌikëbëtan achúshi achúshi Israel unibunën xupibukëbëtan rëti ꞌikën.

Éxodo 34:18

Anun chamiti ñu këñuma ꞌakë pán piti fiesta kamina ꞌati ꞌain, ꞌën mi kakësabiokin ꞌakin kamina anun chamiti ñukëñunma ꞌakë pán mapai achúshi ꞌimainun rabë́ nëtë ꞌimikin piti ꞌain. Anunmi Egipto menuax chikía bari a ꞌuxë ꞌirutëkënkë anun kamina a sinánkin fiesta ꞌati ꞌain.

Éxodo 7:5

Usakin kana ꞌën kushi Egiptonu ꞌikë unikama ismiti ꞌain, usa ꞌixun kana Israel unikama chikínti ꞌain, usakin ꞌën ꞌakëbëtan ka ꞌëx kana asérabi Mitsun ꞌIbu ꞌai kixun atun ꞌunánti ꞌikën.

Números 20:16

usakin ꞌakëxun kananuna Nukën ꞌIbu nu ꞌakinun kixun sharákin ñukákën, ñukákëxun kuankin ka aín ángel achúshi Diosan xuakëxa, xukëxun ka Egipto menua nu chikíankëxa. Usa ꞌain kananuna bërí, Cadés kakë ëma anua min me sënënakëkë anu ꞌain.