Éxodo 12:11 - Kashibo-Kakataibo Biblia

¹¹ Ënë nëtëx ka anun kamabi Dios kikë ꞌati ꞌën mitsu kakë ꞌikën, usa aín kamina bërámashi mitsun chupa pañuanan mitsun taxaka tañuanan kuantishi ꞌixun bënë́kinshi mitsun tsati mëtikixun piti ꞌain, ꞌanan kamina Pascua kakë nëtë Nukën ꞌIbu rabikin ñuina nami xaronan a piti ꞌakë a piti ꞌain.

Éxodo 12:11 ပူးပေါင်းရင်းမြစ်များ

2 Reyes 23:21

Achúshi nëtën ka ꞌapu Josíasnën kamabi unikama Pascua nëtë inúkin aín ꞌIbu Dios rabikin, ꞌatia Moisésnën kirikanu kuënëosabi okin ꞌanun kakëxa.

Éxodo 12:13

Ñuinakan imi ax ka anúnmi mitsun xubu xëkuë anumi ꞌikë a ꞌunántiokin shiti ꞌiti ꞌikën. Usakin ꞌakin ꞌën egipcio unikaman rëkuë́n bëchikëkama këñúmikëbëbi ka mitsun bëchikëkama achúshirabi bamatima ꞌikën, imin xubu xëkuë shikë a isi ꞌëx amotan inúkëbë ka këñutima ꞌikën.

Éxodo 12:21

Usa aín ka Diosan kakësabiokin Moisésnën Israel uni ꞌain kushikama kamiakëxa, kamikëxa aia ka kakëxa: Anu rikianxun kamina Israel unikama mitsun kamaxunbia achúshi achúshi papan carnero bakë bërí kanikë achúshi achúshi unin aín aintsikamabëtan Pascua nëtë inúkin piti rëti bënun kamina kati aín.

Éxodo 12:27

kixuan mitsu ñukákëxun kamina kati ꞌain: Ënë ñuinanëx ka Pascua inúkin xaronan, Nukën ꞌIbu rabikin ꞌakë ꞌikën. Ënë nëtën ka Egipto mekama oi kuankin egipcio unikaman rëkuë́n bëchikëkama bamamikinbi, Israel unikaman xubu isi a ꞌurama oíma a uri inúkin Egiptonu ꞌikë nun aintsikama uisabi okima ië́miakëxa. Usakin atun kaia Moisés sënë́nkëbëishi ka Israel unikama rantinpuruni tsóbukin Dios rabiakëxa,

Isaías 52:12

ꞌaínbi ka anuax chikiti kuani bënëtishi abákiani chikítima ꞌikën, Nukën ꞌIbu Israel unikaman Dios, an ka atu kuania uisa ñubi inuaxma ꞌinun amami amamiukua bërúanti ꞌikën.

Levítico 23:5

ꞌUxë isítabakë anúan mapai rabë́ ꞌitankëx rabë́ ꞌimainun rabë́ nëtë ñantabukë anun kamina Pascua nëtë inúkin ꞌë rabinux timë́kanti ꞌain.

Lucas 12:35

Jesusan ca ësaquinribi aín ꞌunánmicë unicama cacëxa: —Ënëx ca ësa ꞌicën. Achúshi uníxa an xanu bicë unin camicëx, abëtan pi cuanx utëcënia ca an ñu mëëxuncë unicaman cainia. Caínquin ca an uni ñu mëëxuncë unicama an ñu mëëxunuxuan pañucë chupa pañuanan lamparíncama upí oquin bimitancëxun nania. Usoxun caíncëx uquian, xëcuë taxcaia ca cuëënquin bënë́nquinshi atsínmiquin xëocaia. Usaribiti camina mitsux ꞌiti ꞌain, ꞌëx aia caini.

Lucas 15:22

Cacëxun ca aín ñu mëëmicë unicama a aín papan caxa: Chupa upíira bëxun pañumianan camina mëñusuti mëñumiti ꞌain, ꞌanan camina taxaca tañumiti ꞌain.

Lucas 2:41

Usaía Jesús canimainun ca José ꞌimainun María camabi baritian, Pascua anun carnero ꞌati nëtën Jerusalénu ꞌinux cuancëxa. A nëtë ax ca aín raracama Egipto menuax ꞌatimocë ꞌaish bamaibi ië́a, a sinánquin Nucën Papa Dios rabiquin carnero ꞌati nëtë ꞌiacëxa.

Lucas 7:38

Uxun ca a caxu uax aín taë ꞌicë anu nitsax inquin aín bëun Jesusan taënu tuscaquin tachabocëxa. Usaquin ꞌaquin ca aín bunbi tatërëanan tatsucucaquin ꞌinínti ron ꞌacëxa.

1 Corintios 5:7

Usa ꞌain camina an a ꞌai ꞌuchati ñu ꞌacë uni a ñua ꞌatëcënuxunma ashiquin ënun sinánmiti ꞌain. Bëráma judíos unicamax carnero imi atun xëcuënu ꞌunánti oquin shiax, bamati ꞌaíshbi ië́a, usaribiti cananuna Cristo bama cupí ië́an. Bëráma axa ië́cë unicaman anun chamiti ñucëñunma ꞌacë pán piá usaribi ꞌinuxun camina mitsun Cristonan cupí uisa ꞌuchabi ꞌatëcëntima ꞌain.

Efesios 6:15

—Cristo cupí nun ꞌucha tërë́ncë ꞌaish cananuna Nucën Papa Diosbë upí ꞌai —quixun uni ñuixunux mëníocacë ꞌaish camina suntárunëan aín taxaca tañucësa ꞌiti ꞌain.

Josué 5:10

Usa ꞌain ka Guilgal kakë anu pain israel unikama ꞌiakëxa, mapai rabë́ ꞌimainun rabë́ ꞌimainun rabë́ nëtë a xupibukëbëtan ka anua ꞌikankë Jericó ꞌuramanuxun Pascua nëtë inúkin fiesta ꞌakankëxa.

1 Pedro 1:13

Usa ꞌain camina Jesucristonan ꞌixun upí oquin sinani ax quicësabi oi ꞌiti ꞌain. ꞌIquin camina Nucën Papa Diosan ca abëmi aín nëtënu ꞌiti mëníocëxa quixun sinani cuëënquin Jesucristo anun uti nëtë caínti ꞌain.