Éxodo 10:21 - Kashibo-Kakataibo Biblia

²¹ Usa ꞌain ka faraónëan Israel unibu xuisamaira tankëbëtan Nukën ꞌIbun Moisés kakëxa: —Kamabi Egipto mea bëánkitanun kamina min mëkën manámi mëshpakin naí mëtunti aín, usakinmi ꞌakëbë ka bëánkibukë ax mëkënan mëëtisa këxtuira ꞌiti ꞌikën.

Éxodo 10:21 ပူးပေါင်းရင်းမြစ်များ

Job 5:14

¡usa ꞌaish ka uin kara bëtsi unikama ꞌatima oti sinania a unikamax nëtë xabánu nitsibi imë́ bëánkibukënu nikësa ꞌikën!

Salmos 105:28

ꞌAkin ka Diosan bëánkibukë chaiira an anu ꞌibúkin a me mapunun ꞌamiakëxa usakin ꞌakëbëtanbi ka egipcio unikaman atun kakëxun aín bana kuaisama tankëxa.

Éxodo 7:19

Usakin kanan ka ësokinribi Nukën ꞌIbun Moisés kakëxa: —Aarón kamina aín tuinkë tsati bikian manámi okin anun sananbëkinkin kamabi Egipto menua ꞌikë baka, xëxá ꞌimainun ꞌian uinu kara ꞌumpax ꞌikë axbia xëatisama imi ꞌitánun ꞌanun kati ꞌain. ¡Usakian ꞌakëbëshi ka anu ꞌumpax nanti i ꞌanan maxá ꞌakë akamanu nankë ꞌumpax kamáxbi imi ꞌiti ꞌikën!

Éxodo 9:22

Usa ꞌain ka Nukën ꞌIbun Moisés kakëxa: —Naími mësui kamina mëshpati aín, kamabi Egipto menu ꞌibúkian matsin unikëñunbi atun ꞌarakakë ñuina ꞌimainun kamabi egipcio unibunën atun menu ñu ꞌapákë ꞌatima onun.

Mateo 27:45

Usa ꞌain ca bari xamárucëbëbi me bëánquiacëxa. Bëánquiax ca rabë́ ꞌimainun achúshi hora bari pëquitëcëancëxa.

Marcos 15:33

Usa ꞌain ca bari xamárucëbëbi me bëánquiacëxa. Bëánquiax ca rabë́ ꞌimainun achúshi hora ꞌicëbë bari pëquitëcëancëxa.

Lucas 23:44

Usai ꞌimainun ca bari xamárucëbëbi me bëánquiacëxa. Bëánquiax ca rabë́ ꞌimainun achúshi hora ꞌicëbë bari pëquitëcëancëxa.

Deuteronomio 4:34

¿Anu kara bëtsi dios an ëma achúshi kaískin bëtsi ëmakama nëbë́tsinuxun, ꞌitsaira ñu ꞌanan atun iskëma, bëtsi bëtsi ñu ꞌakin atu rakuëmikin aín kushínbi Egipto menuxun nukama chikínbëtsinkin Diosan bëa usaribi okin ꞌakë ꞌiti ꞌik?

2 Pedro 2:17

Uni raíri ꞌaquincëma ꞌaish ca xëxá ësquiaxa ꞌunpáxñuma ꞌicësa ꞌianan ꞌuí ꞌibúnux nëtë bënamëtiabi suñun bëcacëx nëtë́cësa, usaribi ꞌicën. Usa ꞌaish ca anua atux tëmërai ꞌiti bëánquibucëira anu nëtë́timoi xënibua ꞌaínbi ꞌiti ꞌicën.

2 Pedro 2:4

Nucën Papa Diosan ca axa ꞌuchacë ángelcama aín ꞌucha tërë́nquinma aín nëtënua chiquínquin anúan an camabi uni isti nëtë utámainuan, anu atux tëmërai ꞌiti, bëánquibucënu manë risin tëcërëcacësa ꞌaish anubi ꞌinun ꞌimiacëxa.

Judas 1:13

Bëchunan tucánquiquin masinu chinan purucësa, usaribi ꞌinun ca aín nuitu upíma ꞌain ꞌatimati bananan ñu upíma ꞌaia. Chiquíquianxa ꞌispa amanu tacúcë, usaribi ca atux ꞌicën. Usa ꞌaish ca atux nëtë́timoi xënibua ꞌaínbi bëánquibucënu ꞌiti ꞌicën.

Judas 1:6

Angelcama raíri, axa Nucën Papa Diosan nëtënubi ꞌiti ꞌaíshbi anu ꞌiisama tancë cupí chiquía, ax ca anúan an camabi uni isti nëtë utámainuan bëánquibucënu uisatima manë risin tëcërëcacësa ꞌaish, anubi ꞌinun Nucën Papa Diosan ëan ꞌicën.

Apocalipsis 8:12

Usai ꞌicëbëtan ca bëtsi ángelnënribi aín manë banañu banoxa. Banocëbë ca bari, ꞌuxë ꞌimainun ꞌispacamaribi ꞌitsa ꞌaíshbi nëbë́tsi rabë́ ꞌimainun achúshi oquin tëacësa ꞌaíshbi amo ꞌicë achúshi bënamëti pëquicëma ꞌicën. Usa ꞌain ca nëtë ꞌimainun imë́ribi nëbë́tsi rabë ꞌimainun achúshi oquin tëacësa ꞌaíshbi amo ꞌicë achúshi bari, ꞌuxë, ꞌispacaman pëcacëma ꞌiaxa.