Éxodo 1:11 - Kashibo-Kakataibo Biblia

¹¹ Usakin sinánxun ka Egiptonu ꞌikë ꞌapun an ñu mëëia bërúanxun israel unikama timëti uni anëakëxa, anëkëxun ka a unikaman ꞌaisamaira okin ñu mëëmiakëxa. Usakin ñu mëëmikin ka Pitón ꞌimainun Ramsés kakë ëma aribia ꞌanun ꞌamiakëxa, ax ka anua Egiptonu ꞌikë ꞌapun, anu piti bukúnti ꞌamikë ꞌiakëxa.

Éxodo 1:11 ပူးပေါင်းရင်းမြစ်များ

Génesis 15:13

Usai rakuë́tia ka Nukën ꞌIbun kakëxa: —Min kamina ꞌunánti ꞌain, min rëbúnkikamax ka aín menu tsótima bëtsi menu tsónuxun ꞌaia, ꞌimainun ka anuxun ꞌaisamaira okin ñumëmikë ꞌinuxun ꞌaia, ꞌimainun ka ꞌaisamaira okin ꞌatima okë ꞌiti ꞌikën, cuatrocientos baritia sënë́ntamainun.

Génesis 47:11

Usa ꞌain ka Josénën ꞌapu faraónëan kásabiokin aín papa ꞌimainun aín xukë́n apankama anua ꞌinun Gosen kakë ꞌikëbi Ramsés kakinribi anëkë me upíira a ꞌinánkëxa. Anua aín aintsikamabëbi tsónun ꞌinánkë Egiptonu ꞌikë me ax ka upíira ꞌiakëxa.

Salmos 105:13

usa ꞌaish ka bëtsi menu ꞌitankëx bëtsi menuribi ꞌianan, bëtsi ëmanu ꞌitankëx bëtsi ëmanuribi kuani niakëxa,

Éxodo 1:14

Tëmëramikin ka ꞌaisamaira ñu mënun ꞌamikin ami xuamati nishkin atu mëakëxa, ꞌimainun ka me tëi ladrillo ꞌati mëskuti ꞌamianan, atun naënu ꞌikë ñu mëëtiribi ꞌamiakëxa. ꞌAmikin ka Israel unikama atun ꞌatimaira okin tëmëramiakëxa.

Éxodo 2:11

Usai anuax kani aín baritia sënëni ka Moisés faraónën xubunu ꞌiakëxa, anuax ka achúshi nëtën aín aintsi ꞌimainun aín kaibu kamaribi isi kuankëxa, Egiptonu ꞌikë unikaman ꞌaisamaira okin ñu mëëmia ꞌunánkë ꞌaish. Usakin ꞌunánx kuankinbi ka egipcio uni achúshinëan aín aintsi achúshi mëía mërakëxa.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Éxodo 5:10

Ësokian ꞌapu faraónën kakëx ka an ñu mëia bërúankë unikama ꞌimainun aín kushikama, ax unikama kai kuankëxa: —Kuanxun ka kakëxa, ꞌapu faraónën ka bërí ladrillo ꞌati basi mitsu ꞌinanxuma ꞌanun nu kaxa.

Éxodo 5:15

Usakin atun ꞌakëxun ka Israel unin kushikaman anu rikianxun ꞌapu faraón kakankëxa: —¿Uisa kupín kaina mix ꞌapu ꞌixunbi an mi ñu mëëxunkë unikama ꞌikëbi nu usokin ꞌain?

Éxodo 5:8

ꞌAínbi kamina atun ꞌakësabi okían uiti ꞌitsa kara ꞌaia, ati ꞌitsabi bërí ꞌanun atu ꞌamiti ꞌain. Achúshi ladrillorabi ka sënëmamitima ꞌikën, a unikamax ka chikish ꞌikën, usa ꞌaish ka atux munuma banai kuënishi kia: Nukën ꞌIbu Dios rabikin ñuina rëxun xaroxuni kuantanun kamina nu xuti ꞌain kiax ka kikania.

Proverbios 27:4

Xuamati uni ꞌakatsi nishkë, ꞌimainun ñu ꞌakatsi nishkë an ka uni ꞌatimanun ꞌimia, ꞌaínbi ka bëtsin ñu ꞌakëbë nutsikë ax nëtë́tima ꞌikën, ꞌimainun ka sinanima kishikë ꞌikën.

Números 20:15

Nun chaitiokëkamax ka Egipto menu kuanx anu ꞌitsa baritia tsóakëxa, ꞌaínbi ka egipcio unibunën atu ꞌasaribiokin nuribi ꞌatima okëxa, nun chaitiokëkama ꞌasaribiokin;

Deuteronomio 26:6

Usai ꞌikëbë atumi rakuë́kin ka egipcio unikaman ꞌaisamaira ñu mëëmikin ꞌatimaira okin atu tëmëramiakëxa.