Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Esdras 7:28 - Kashibo-Kakataibo Biblia

28 ꞌimainun ka ꞌëribia ꞌapun aín unikamabëtanbi nuibamainun uni aín kushibu ñu ꞌunánkë, an sipu bërúankë atúnribi nuibanun ꞌamiaxa, usakin ꞌakinkëx kuëënkin kana Israel unikaman kushibu Jerusalénnu ꞌëbë kuanuxa timë́kanun ꞌimia.

အခန်းကိုကြည့်ပါ။ ကော်ပီ




Esdras 7:28
15 ပူးပေါင်းရင်းမြစ်များ  

Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.


Usa ꞌaínbi ka Nukën ꞌIbu Dios ax kamabi kushiñu an mitsua uisabi okima nuibanun ꞌimianan, min xukë́n sipunu ꞌikë a ënun sinánmikin Benjamín utëkënun upíokin sinánmiti ꞌikën. Usa ꞌain kana ꞌën bëchikëkama nëtë́këbë, bëchikëñuma ꞌëx ꞌiti ꞌain.


ꞌËn kana ꞌën unikama mapai achúshi ꞌimainun rabë́ këñun Judá ꞌimainun Jerusalénnuxun kara Diosan bana min ꞌunánmikësabi okin ꞌanan a tanti bana kikësabiokin ꞌakania isi kuantanun mi këñun xuti ꞌain.


Esdras ënëx ka achúshi sacerdote an upíira okin ꞌunánkin Diosan ꞌamikëxun Moisésnën kuënëomia bana ꞌunánkë ꞌiakëxa, usa ꞌikëa Diosan ꞌakinia ka ꞌapu Artajerjesnën kuëënkin an ñukákësabi okin kamabi ñu ꞌaxuankëxa. Ësokin pain ñu ꞌaia ꞌunánxua ꞌapun xukëx ka Babilonia menuax Esdras kuankëxa,


Dios ꞌën mi ñukákëxun kamina kuati ꞌain, ꞌimainun kamina min unikaman ñukákëxunribi kuati ꞌain, usa ꞌain kamina an mishi rabitisa tankë unikaman ñukákëxun kuati ꞌain. ꞌImainun kana ësokinribi mi ñukatin ꞌapuan ꞌën kakëxun ꞌëmi upíokin sinánkin ꞌakinun kamina sinánmiti ꞌain.”


ꞌimainun kana ësokinribi kakën bëtsi kirikaribi kamina ꞌë an ni bërúanti ꞌapun nankë Asaf a ꞌëa i anun ëmanu atsínti xëpútikama anuxun Dios rabiti xubu ꞌikë ꞌurama ꞌikëkama a mëníonan, anun ëma kënëarakë kënë ꞌikëbia rurupakin masókan a mëniomianan anu ꞌëx ꞌiti xuburibi ꞌaminun ꞌinánun kirika kuënëoxunti ꞌain. Usakin kakëxun ka ꞌapun ꞌën ñukákësabi okin kamabi ꞌë ꞌaxuankëxa ꞌën Diosanbia ꞌë ꞌakinia.


Usai ꞌitankëxun ka ꞌapu ꞌimainun aín suntárunën kushikaman a ëmanuaxa usai ꞌikanti achúshi bana nankëxa: Uínbi ka ënë nëtëkaman pitima ꞌikën. ꞌIanan ka uínbi aín ñuina ꞌarakakëkama pimianan ꞌumpaxbi ꞌamitima ꞌikën.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ