Esdras 7:24 - Kashibo-Kakataibo Biblia

²⁴ ꞌImainun ka ënëribi ꞌunánkanti ꞌikën, uisaxunbi ka sacerdote, Levitas ꞌimainun axa kantati ꞌunánkë unikama ꞌianan, an xëkuë bërúankë a ꞌimainun an anuxun Dios rabiti xubunuxun ñu mëëkë unikama atúxribi ka kupíonun kixun ꞌapun kakë ꞌitima ꞌikën.

Esdras 7:24 ပူးပေါင်းရင်းမြစ်များ

Génesis 47:22

Usakin ꞌakin anu ꞌikë mekama marukinbi ka Josénën sacerdote kaman me a mëëkima ꞌapu faraónën atun piti trigo ꞌitsaira ꞌinánkëxa, ꞌinánkëxun ka a pikin numin ꞌikinma atun me maruti sinánma ꞌikën.

Génesis 47:26

Usa ꞌain ka Josénën amiribishi a tanti bana Egipto menu ꞌatëkëankëxa, a banax ka ꞌapu faraón mapai achúshi pisha ꞌinánti kikë ꞌiakëxa. Ënë bana ka bëríbi anu ꞌikën; ꞌaínbi ka sacerdote unikama atun me kupín kupíotima ꞌiakëxa, atun me uínsaranbi ꞌapu faraónan biama ꞌikën.

Esdras 7:7

kuankëbë ka Jerusalénnu raíri Israel kama ꞌimainun sacerdote, levita unikama ꞌianan axa kantati ꞌunánkëkama ꞌianan an xëkuë bërúankëkama ꞌimainun anuxun Dios rabiti xubunuxun an ñu mëëkë unikama atúxribi rikiankëxa, ꞌapu Artajerjes mapai achúshi ꞌimainun rabë́ baritia ꞌapu ꞌain ka usai kuankëxa.

Mateo 9:9

Usobiani cuantëcënquinbi ca Jesusan Mateo cacë uni anuxuan ꞌapu buánmiti curíqui bicë anua tsócë mëracëxa. Mëraquin ca cacëxa: —ꞌËn mi ꞌunánminun ca ꞌëbë cuani ut. Jesusan cacëxëshi ca Mateo niruquiani ami sinani abë cuancëxa.