Esdras 7:14 - Kashibo-Kakataibo Biblia

¹⁴ ꞌËn kana ꞌën unikama mapai achúshi ꞌimainun rabë́ këñun Judá ꞌimainun Jerusalénnuxun kara Diosan bana min ꞌunánmikësabi okin ꞌanan a tanti bana kikësabiokin ꞌakania isi kuantanun mi këñun xuti ꞌain.

Esdras 7:14 ပူးပေါင်းရင်းမြစ်များ

Esdras 1:3

Usa ꞌain kamina uikamax kara Diosan uni ꞌikë akaman an ꞌakinmainun, kuantakëxun Jerusalén Judá menua ꞌikë anu, anuxun Israel kaman Dios rabiti xubu ꞌai kuanti ꞌain, ax ka Jerusalénnu ꞌikë unikaman Dios ꞌiti ꞌikën.

Esdras 6:12

¡ꞌImainun ka Diosan Jerusalénnu ꞌikë unikama atunbia aín anë rabinun kaisa anbi uinu ꞌikë ꞌapun kara axa kikë bana a kuaisamatankin ax kikësabiokin ꞌaisama tankin anuxun Dios rabiti xubu Jerusalénnu ꞌaiabi ꞌatima okin ëmitisa tania ax ꞌatimokë ꞌiti ꞌikën! ꞌËx ꞌapu Darío ꞌaish kikë bana ax ka anuxun ꞌën pëukë anuxunbi upíira okin unin tankë ꞌiti ꞌikën.

Esdras 6:8

ꞌËn kana ësokinmi an anuxun Dios rabiti xubu ꞌatëkënia ꞌakinun an ꞌakinkë unikama mitsu kain: Usa ꞌain kamina auküaxa bari urukë Éufrates kakë baka amia ꞌikë ëma anuxua ꞌapu kupíokë kuríki anunbi ꞌakinbima tëoxun rakania usa ꞌain, anun kupíoti nëtë ꞌikëbë ꞌikëbëtainshi basi okinma kupíoti ꞌain.

Esdras 7:15

Usa ꞌain kana kuankimi uantanun ꞌën unikamabëtan kuri ꞌimainun manë uxua ꞌakë kuríki, ꞌëx ꞌapu ꞌixun Israel unibunën Dios ꞌinainshitisa tankë ënë Jerusalénnu ꞌikë anuxun a rabiti xubu anu nani kuanti ꞌain,

Esdras 7:28

ꞌimainun ka ꞌëribia ꞌapun aín unikamabëtanbi nuibamainun uni aín kushibu ñu ꞌunánkë, an sipu bërúankë atúnribi nuibanun ꞌamiaxa, usakin ꞌakinkëx kuëënkin kana Israel unikaman kushibu Jerusalénnu ꞌëbë kuanuxa timë́kanun ꞌimia.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Daniel 2:47

Usokin ꞌamitankëxun ka Daniel kakëxa: —Asérabi ka mitsun Dios ax chaiira ꞌaish bëtsi dios kamasamaira ꞌikën; ax ka ꞌapukaman ꞌIbuira ꞌimainun, an ꞌunántisama ñukama abi ꞌunania, usa ꞌain kamina ꞌunántisama ënë ñu uisai ꞌiti kara ax ꞌikë kixun min ꞌunanin.

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Daniel 6:26

ꞌimainun ka ësokinribi unikama kanun kakëxa, kamabi uni ꞌëx ꞌapu ꞌaían tsókë unikaman ka Danielnën rabikë Dios ꞌashi rabikanti ꞌikën. Ax ka uínsaranbi nëtë́tima oia tsókë a ꞌikën, usa ꞌaish ka Dios xënibua ꞌaínbi tsotia. ꞌImainun ka uínsarabi ꞌatima okë ꞌianan ka uínsarabi aín kushi këñutima ꞌikën.