Esdras 7:1 - Kashibo-Kakataibo Biblia

¹ Bëtsi ñu kamapain Artajerjes Persianu ꞌikë ꞌapu ꞌinúkë ꞌain ka achúshi uni Esdras kakë anu ꞌiakëxa, ax ka ënë unikaman rëbúnkin ꞌiakëxa, Zeraías. Azarías ꞌimainun Hilquías

Esdras 7:1 ပူးပေါင်းရင်းမြစ်များ

2 Reyes 22:4

—Anu kuanxun kamina abë banakin Hilquías sacerdotekaman kushi a kai kuanti ꞌain, anuxun Dios rabiti xubu xëkuë an bërúankë unikaman, unin bëia bikë kuríki akama timëxuan,

2 Reyes 22:8

Kakëxun ka Safánën anu kuanxun ꞌapu Josíasnën kakë ñuixunkin Hilquías sacerdotekaman kushi an kirika kuënëokë a kakëxa, kakëxun ka Hilquíasnën Dios kikë a tanti banakama anu kuënëo kirika a isa anuxun Dios rabiti xubunua nan ꞌikë mëraxua; ꞌinánkëxun ka Safánën kirika isakëxa.

2 Reyes 25:18

Nebuzaradán comandante suntárunën kushi an ka Seraías sacerdotekaman kushi a ꞌimainun sacerdote Sofonías an Seraíasnën kakësabiokin ñu ꞌakë rabë́ ꞌimainun achúshi uni an xëkuë bërúankë aribi ñatankin biakëxa.

Esdras 6:14

ꞌAkin ka Judíos unibu an ñu mëia ꞌakinkë akaman anuxun Dios rabiti xubu a ënkinma an Dios kikë bana uni ñuixunkë Hageo ꞌimainun Zacarías Idó kakë uni aín bakë bëchikënën kakësabiokin ꞌakëxa. Usakin ꞌaxun ka Israel unibunën Diosan kásabiokin ꞌakin, ꞌapu Ciro, Darío ꞌimainun Artajerjes Persianu ꞌikë ꞌapu ax kikësabiokin ꞌakëxa.

Esdras 7:10

ꞌImainun ka Esdrasnën upíokin a tanti Diosan bana a ꞌunánkin, Israel unikaman ribia a tanti banakama ꞌimainun ax kikësabi ꞌiti bana ꞌunánun ꞌamiakëxa.

Esdras 7:12

Usa ꞌain ka Artajerjes uisa kara ax ꞌikë kixun kakin Esdras, sacerdote an ñu uni ꞌunánmitia, Dios naínu ꞌikë anbi a tanti aín banakama ꞌunánmikë a kuënëoxunkin kirikanu ësokin kakëxa.

Esdras 7:2

Salum, Sadoc, ꞌimainun Aítub,

Esdras 7:21

ꞌËx ꞌapu Artajerjes, ꞌixun kana kamabi an kuríki bërúankë Éufrates baka ꞌukëmanan ꞌikë a unikama ësokin kamin Esdras sacerdote asérabi an ñu ꞌunankëira uni ꞌimainun an Dios naínu ꞌikë ax kia bana ꞌunánkëira an ñukákëxun ka añu kara ñukatia a asérabi ꞌinánti ꞌikën,

Nehemías 2:1

Usa ꞌixun kana Marzo ꞌuxë këñutia Abril ꞌuxë ꞌirukë anun achúshi nëtë ꞌikëbëtan anua veinte baritia ꞌapu ꞌikë anun, kana ꞌën uvas baka buánxun masá nuitukë ꞌaish bëtsi sinánkëshi ꞌixun aín xëati ꞌinánkëxun iskin,

Nehemías 8:1

Usa ꞌain ka kamabi ëmanu ꞌikë unikama plaza, anun ꞌumpaxnu atsínti xëpúti a puntëbi ꞌikë anu timë́akëxa, anuxun ka an ñu ꞌinánkë uni Esdras a usai Israel unibu ꞌitia Diosan Moisés kuënëomia banakama a bënun kakankëxa.