Esdras 6:8 - Kashibo-Kakataibo Biblia

⁸ ꞌËn kana ësokinmi an anuxun Dios rabiti xubu ꞌatëkënia ꞌakinun an ꞌakinkë unikama mitsu kain: Usa ꞌain kamina auküaxa bari urukë Éufrates kakë baka amia ꞌikë ëma anuxua ꞌapu kupíokë kuríki anunbi ꞌakinbima tëoxun rakania usa ꞌain, anun kupíoti nëtë ꞌikëbë ꞌikëbëtainshi basi okinma kupíoti ꞌain.

Esdras 6:8 ပူးပေါင်းရင်းမြစ်များ

Esdras 6:14

ꞌAkin ka Judíos unibu an ñu mëia ꞌakinkë akaman anuxun Dios rabiti xubu a ënkinma an Dios kikë bana uni ñuixunkë Hageo ꞌimainun Zacarías Idó kakë uni aín bakë bëchikënën kakësabiokin ꞌakëxa. Usakin ꞌaxun ka Israel unibunën Diosan kásabiokin ꞌakin, ꞌapu Ciro, Darío ꞌimainun Artajerjes Persianu ꞌikë ꞌapu ax kikësabiokin ꞌakëxa.

Esdras 6:4

ꞌanan ka rabë́ ꞌimainun achúshi maxá chaiirabu nankë anu i bërí tukakë nanti ꞌikën. Akamax ka ꞌapun kupíokë ꞌiti ꞌikën.

Esdras 6:7

ꞌimainun kamina Judíos ꞌapukama aín unikamabëtan anuxun Dios rabiti xubu ꞌatëkënun ënkanti ꞌain kixun ka kakëxa.

Esdras 6:9

ꞌIanan ka kamabi nëtën ënkinma Jerusalénnu ꞌikë sacerdotekama atu, añu kara kuëënia a kamabi ꞌinánkin, vaca bënë bërí kanikë këñun, carnerokamaribi ꞌinánan; trigo, tashi ꞌianan, uvas baka bikë vino ꞌimainun, xëni akama Dios naínu ꞌikë a xaroxunun ꞌinánkanti ꞌikën,

Esdras 7:14

ꞌËn kana ꞌën unikama mapai achúshi ꞌimainun rabë́ këñun Judá ꞌimainun Jerusalénnuxun kara Diosan bana min ꞌunánmikësabi okin ꞌanan a tanti bana kikësabiokin ꞌakania isi kuantanun mi këñun xuti ꞌain.

Nehemías 2:8

ꞌimainun kana ësokinribi kakën bëtsi kirikaribi kamina ꞌë an ni bërúanti ꞌapun nankë Asaf a ꞌëa i anun ëmanu atsínti xëpútikama anuxun Dios rabiti xubu ꞌikë ꞌurama ꞌikëkama a mëníonan, anun ëma kënëarakë kënë ꞌikëbia rurupakin masókan a mëniomianan anu ꞌëx ꞌiti xuburibi ꞌaminun ꞌinánun kirika kuënëoxunti ꞌain. Usakin kakëxun ka ꞌapun ꞌën ñukákësabi okin kamabi ꞌë ꞌaxuankëxa ꞌën Diosanbia ꞌë ꞌakinia.

Daniel 6:26

ꞌimainun ka ësokinribi unikama kanun kakëxa, kamabi uni ꞌëx ꞌapu ꞌaían tsókë unikaman ka Danielnën rabikë Dios ꞌashi rabikanti ꞌikën. Ax ka uínsaranbi nëtë́tima oia tsókë a ꞌikën, usa ꞌaish ka Dios xënibua ꞌaínbi tsotia. ꞌImainun ka uínsarabi ꞌatima okë ꞌianan ka uínsarabi aín kushi këñutima ꞌikën.