Esdras 6:6 - Kashibo-Kakataibo Biblia

⁶ Usa ꞌain ka ꞌapu Daríonën an pain bëmikëxun Tatenai kakë ꞌapu an bana mëníokë Éufrates kakë baka ꞌukëmanan ꞌikë a ꞌimainun Setar-boznai akëñun abëtan ñu mëëkë a ëmanu ꞌikë ꞌapukamakëñunbi bana buámiakëxa: Jerusalén ëmanuax kamina mitsux rikianti ꞌain,

Esdras 6:6 ပူးပေါင်းရင်းမြစ်များ

Génesis 32:28

Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.

Génesis 43:14

Usa ꞌaínbi ka Nukën ꞌIbu Dios ax kamabi kushiñu an mitsua uisabi okima nuibanun ꞌimianan, min xukë́n sipunu ꞌikë a ënun sinánmikin Benjamín utëkënun upíokin sinánmiti ꞌikën. Usa ꞌain kana ꞌën bëchikëkama nëtë́këbë, bëchikëñuma ꞌëx ꞌiti ꞌain.

Esdras 6:13

Usa ꞌain ka Tatenai an bana mëníokë ꞌapu axa Éufrates kakë baka au ꞌikë ëma chukúma anu ꞌikë a ꞌimainun, Setar-boznai a ꞌimainun raíri abëa ꞌikë kamabëtan ꞌapu Daríonën bana nankësabi okin bërúanxun ꞌakëxa.

Esdras 6:7

ꞌimainun kamina Judíos ꞌapukama aín unikamabëtan anuxun Dios rabiti xubu ꞌatëkënun ënkanti ꞌain kixun ka kakëxa.

Nehemías 1:11

Dios ꞌën mi ñukákëxun kamina kuati ꞌain, ꞌimainun kamina min unikaman ñukákëxunribi kuati ꞌain, usa ꞌain kamina an mishi rabitisa tankë unikaman ñukákëxun kuati ꞌain. ꞌImainun kana ësokinribi mi ñukatin ꞌapuan ꞌën kakëxun ꞌëmi upíokin sinánkin ꞌakinun kamina sinánmiti ꞌain.”

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.