Esdras 6:4 - Kashibo-Kakataibo Biblia

⁴ ꞌanan ka rabë́ ꞌimainun achúshi maxá chaiirabu nankë anu i bërí tukakë nanti ꞌikën. Akamax ka ꞌapun kupíokë ꞌiti ꞌikën.

Esdras 6:4 ပူးပေါင်းရင်းမြစ်များ

1 Reyes 6:36

Usokin a kamapain ꞌatankëxun ka ëman anu niti me aribi rabë́ ꞌimainun achúshi okin bëtsimi bëtsimi ꞌarukin maxá ramëniokë puruakëxa, ꞌaxun ka kunxan tukapakë a buinarakin a manámi ꞌakë ꞌiakëxa.

Esdras 3:7

Usokin ꞌakin sënë́ontankëxun ka an xubuati ꞌunánkë unikama ꞌimainun carpinterokama kuríki ꞌinánkëxa, ꞌinánan ka atun piti ꞌimainun xëati, xëni akamaribi Tiro ꞌimainun Sidónu ꞌikë unikama Líbano menuxunbia parúmpapa bakan uanxuan kunxan tukapakë Jopenubi uanun ꞌapu Ciro kakë Persia menu ꞌikë an kirika ꞌaxun ꞌinánkëxa, ꞌinánkëxun ka usabi okin ꞌakëxa.

Esdras 6:8

ꞌËn kana ësokinmi an anuxun Dios rabiti xubu ꞌatëkënia ꞌakinun an ꞌakinkë unikama mitsu kain: Usa ꞌain kamina auküaxa bari urukë Éufrates kakë baka amia ꞌikë ëma anuxua ꞌapu kupíokë kuríki anunbi ꞌakinbima tëoxun rakania usa ꞌain, anun kupíoti nëtë ꞌikëbë ꞌikëbëtainshi basi okinma kupíoti ꞌain.

Salmos 72:10

¡ꞌImainun ka a ꞌinaínshiti ñukama bëanan ꞌapu ꞌinánti bikë akama Tarsisnu ꞌikë ꞌapukama ꞌimainun paru nasínu, ꞌikë akamanribi bëxun ꞌinámainun ka, Sabá ꞌimainun Sebá anu ꞌikë ꞌapukamanribi bëxun ꞌinánti ꞌikën!

Isaías 49:23

ꞌApukaman ka kanioti atu biti ꞌikën, ꞌimainun ꞌapun xubunu ꞌikë xanu upíbu akamaxribi ka an tuá xukama bërúankë ꞌiti ꞌikën. Usakin ꞌai ka mitsu bëtánain ñanati ꞌikë ax mitsun kakësabi oi kananuna ꞌiti ꞌai kixun sinania ꞌikë ꞌiti ꞌikën. Usai ꞌikin ka ꞌëx kana Nukën ꞌIbu ꞌai kixun ꞌunánan, uix kara ꞌëmi katamëtia ax ka uínbi paránkëma ꞌiti ꞌikë kiax kiakëxa.”

Apocalipsis 12:16

Usocëbë ca me amo rabë́ tuqui baquicëbë, a ñuinacan xucacë ꞌunpax me ꞌucë mëu atsini nëtë́axa. Usai ꞌiá ꞌunpax me ꞌucë mëu atsíncëbëtan ca a xanu bacan buáncëma ꞌicën.