Esdras 6:21 - Kashibo-Kakataibo Biblia

²¹ ꞌImainun ka kamabi Israel unikaman axa Babilonianu buánkankë ꞌaínbi utëkënkë akama ꞌimainun an bëtsi bëtsi menu ꞌikë unikaman ꞌakë ñukama ꞌakinbi ënkë atúnribi Pascua nëtë inúkin ꞌakë, piti aribi pikankëxa, usakin ꞌai atubëbi timëkamë ꞌëoxun ka anuxun Israel unikaman atun Dios rabikankëxa.

Esdras 6:21 ပူးပေါင်းရင်းမြစ်များ

Nehemías 9:2

usai ꞌikin ka bëtsi menu ꞌikë unikama atubëa ukë a pain, amo sëtë́natankëxun, atun ꞌuchakama chikinanan atun chaitiokëkama ꞌucha akamaribi sinánkin Dios ñukákankëxa.

Salmos 93:5

Nukën ꞌIbu Dios, a tanti min banakama ax ka uisaibi ꞌitima okinmi nan ꞌikën. ¡Anuxun mi rabiti xubunu ꞌikë ax ka upíira ꞌikën!

Isaías 52:11

¡Babilonia menu tsókë unikama mitsux anuax chikíkin kamina anua ꞌikë ñu ꞌatimakama a mëëtima ꞌain! ¡Anuxun atun dios rabikë xubunua buánxun nankan Diosan ñukama an buánti akamax ka upiti mëníokakë ꞌiti ꞌikën!

Ezequiel 36:25

Bëxun kana ꞌumpax upitan chukakësa ꞌitánun ꞌakin mitsun ñu ꞌatima ꞌakëkama a mëníoxuanan, unínbia ꞌaxun rabikë ñukama rabikëxuan an mitsu tsaikë akamaribi mëníoxunti ꞌain,

2 Corintios 6:17

Ësairibi ca Nucën ꞌIbu Diosan bana quia: Axa ꞌëmi sináncëma unicamabë ꞌima ꞌianan camina atun sináncësaribi oi ꞌicantima ꞌain. Usai ꞌiquin camina ꞌëx cuëëncëma ñu ꞌatima ꞌain. Usai ꞌia cana ꞌënan mitsu ꞌimiti ꞌain.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.