Esdras 6:10 - Kashibo-Kakataibo Biblia

¹⁰ ꞌinánkëxun ka ax kuëëntisabi okin akama Dios xaroxunkin ꞌë ñukáxuanan ꞌën bakë chikëkamaribi Dios ñukáxunti ꞌikën.

Esdras 6:10 ပူးပေါင်းရင်းမြစ်များ

Génesis 8:21

Usokian ꞌaia ka Nukën ꞌIbu aín sanu upíira ꞌikë anu nukutia xëakëxa, xëti ka kiakëxa: Uinsaranbi kana amiribishi menu ꞌikë ñukama unin ꞌucha kupín këñunuxuma ꞌain, unin ka xura ꞌixuinshi ꞌatima ñu ꞌatishi sinania. ꞌImainun kana amiribishi ñuinakama ꞌaisamokin ꞌën bërí ꞌakësokin këñutëkëntima ꞌain.

Esdras 1:2

Persia menu ꞌikë ꞌapu Ciro ax ësai kiakëxa: Nukën ꞌIbu Dios naínu ꞌikë, an ka ꞌapu ꞌixun kamabi menu ꞌikë unikama ꞌakinnun ꞌë ꞌimiaxa, ꞌimainun ka ꞌën achúshi anuxun a rabiti xubu Jerusalén Judá menua ꞌikë anu ꞌaminun ꞌë sinánmiaxa.

Esdras 6:9

ꞌIanan ka kamabi nëtën ënkinma Jerusalénnu ꞌikë sacerdotekama atu, añu kara kuëënia a kamabi ꞌinánkin, vaca bënë bërí kanikë këñun, carnerokamaribi ꞌinánan; trigo, tashi ꞌianan, uvas baka bikë vino ꞌimainun, xëni akama Dios naínu ꞌikë a xaroxunun ꞌinánkanti ꞌikën,

Esdras 7:23

ꞌInánan ka kamabi Dios naínu ꞌikë a anuxun rabiti xubunu nankan ñukama ñukákëxun aribi bënë́kinshi ꞌinánti ꞌikën, usokëbëtan ka Diosan anu ꞌëx ꞌapu ꞌikë me ënë ꞌatimonan ꞌën bakë bëchikëkamaribi tëmëramitima ꞌikën.

Éxodo 12:32

Kuankin kamina mitsun oveja, vacakama kamabi buani, uisakiani kaina kuainsatani usakiani kuanxun kamina mitsun, Dios ñukákin ꞌëribi ñukáxuni kuanti ꞌain.

Daniel 2:46

Usakin kakëx ka ꞌapu Nabucodonosor Daniel bëtánain, rantinpuruni tëtúbuti memi bëtiki ꞌiakëxa, usai ꞌitankëxun ka ñu bëtankëxun xaronan sanuira ñuribi bëtankëxun xaroxunun ꞌamiakëxa.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.