Esdras 1:5 - Kashibo-Kakataibo Biblia

⁵ Usa ꞌain ka Judá ꞌimainun Benjamínën rëbúnkinën unikaman kushibu akama ꞌimainun sacerdotekama ꞌianan, levita unikama Diosanbia sinánmikëxua ꞌapun bana ñuikë kuati Jerusalénnua ꞌikë anuxun Nukën ꞌIbu rabiti xubu birukin ꞌatëkëni kuanux kuëëni mëníokakankëxa.

Esdras 1:5 ပူးပေါင်းရင်းမြစ်များ

Esdras 1:1

Anúan Ciro kakë uni Persia menu ꞌikë ax ꞌapu ꞌikin pëutabakë anun ka usai ꞌitia Dios kia bana ꞌikëa Jeremías kiásabi oia a bana sënë́nkëbëtan, Ciro kakë an Diosanbi sinánmikëxun, banan kananbi kirikanu kuënëoxun ënë bana buámiakëxa:

Esdras 1:2

Persia menu ꞌikë ꞌapu Ciro ax ësai kiakëxa: Nukën ꞌIbu Dios naínu ꞌikë, an ka ꞌapu ꞌixun kamabi menu ꞌikë unikama ꞌakinnun ꞌë ꞌimiaxa, ꞌimainun ka ꞌën achúshi anuxun a rabiti xubu Jerusalén Judá menua ꞌikë anu ꞌaminun ꞌë sinánmiaxa.

Esdras 1:4

Usa ꞌain ka bëtsi menuax ubá ꞌaish atubë tsókë akaman uin kara ꞌakinsa tania an anua ꞌikë anuxunbi kuania atu ꞌakinkin, manë uxua, kuri, atun ñukama, vaca ꞌimainun aín ñu akama ꞌinánan, anuxun Dios rabiti xubu Jerusalénnu ꞌikë anua nanti ñukamararibi ꞌinánkanti ꞌikën.

Nehemías 2:12

tanti tankëx kana imë́ ꞌitsama unibëshi uisakin karana Jerusalén ꞌati ꞌai kixun Diosan ꞌë kakë a ñuikin uibi kaima kuankën. Kuankin kana ꞌëx anun nikë burro ashi uankin raíri anun kuanti burrokaman uánma ꞌain.

2 Corintios 8:16

Nucën Papa Diosan sinánmicëxun ca ꞌën ꞌacësaribi oquin Titon mitsu nuibaquin ꞌaquinsa tania. An usaquin Tito sinánmicë cupí cana Nucën Papa Dios —asábi ca —cain.

Filipenses 2:13

Nucën Papa Diosanbi ca ñu upí ꞌaími ax cuëëncësabi oi ꞌinun mitsu sinánmia. Sinánmianan ca a ꞌatimi sináncë ñu a ꞌanun mitsu aín cushi ꞌinania.

3 Juan 1:11

ꞌËn nuibacë xucë́n, an ñu ꞌatima ꞌacë unían ꞌacësa oquin ꞌaquinma camina an ñu upí ꞌacë unían ꞌacësa oquinshi ñu ꞌati ꞌain. An ñu upí ꞌacë uni ax ca Nucën Papa Diosnan ꞌicën. Usa ꞌaínbi ca an ñu ꞌatima ꞌacë uni an ainanma ꞌixun Nucën Papa Dios ꞌunáncëma ꞌicën.