Efesios 6:9 - Kashibo-Kakataibo Biblia

⁹ An uni itsi ñu mëëmicë unicama, mitsun camina an mi upí oquin ñu ꞌaxuncësaribi oquin uni upí sinánñu ꞌixun ami nishquin ñu caquínma ñu mëëmiti ꞌain. Camina ꞌunanin, Nucën ꞌIbu Jesucristo aín nëtënu ꞌicë, ax ca mitsun ꞌIbu ꞌianan ami ñu mëëmicë unicaman ꞌIburibi ꞌicën. An ca aín unicama bëtsibë sënën isia.

Nukën 'Ibu Diosan ain unikama 'inan ain bana

⁹ An uni itsi ñu mëëmicë unicama, mitsun camina an mi upí oquin ñu 'axuncësaribi oquin uni upí sinánñu 'ixun ami nishquin ñu caquínma ñu mëëmiti 'ain. Camina 'unanin, Nucën 'Ibu Jesucristo aín nëtënu 'icë, ax ca mitsun 'Ibu 'ianan ami ñu mëëmicë unicaman 'Iburibi 'icën. An ca aín unicama bëtsibë sënën isia.

Efesios 6:9 ပူးပေါင်းရင်းမြစ်များ

Daniel 3:15

¿Mitsun kaina ñukama banamia kuakinshi ꞌën ꞌamikë ñu ami ñanati ꞌikin rabikantishi ꞌain? Usakin ꞌaíma kamina bëríbi mitsux tsi rëkirukë a ꞌukëmëu nikë ꞌiti ꞌain; ¿usakin ꞌaia kara uinu ꞌikë diosan mitsu ië́miti ꞌit?

Daniel 3:6

Usa ꞌain ka kamabi unikama an rantinpuruni ꞌikin ënë ñu rabikëmakama ax bënë́kinshi suntárunën bitankëxun kini anu tsi tíkakëx ënxaira ꞌitánun ërë́kë anu nikë ꞌiti ꞌikën.

Levítico 19:13

Mi rapasu ꞌikë uni kamina ꞌatima okin mëëxun ꞌain ñu bikuantima ꞌain. ꞌIanan kamina an mi ñu mëëxunkë uni pëkarakëbëtan kupíoxun kakinma a nëtënbi kupíoti ꞌain.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Mateo 22:10

Usoquian ꞌapun cacëx cuantëcënquin ca an ñu mëëxuncë unicaman bainua mëraquin upíma unicamacëñunbi upí unicama timëbëtsinquin bëaxa. Bëcëxun ca xanu bicëbëtan pañuti chupa pañucanxa. Pañutancëx atsini ca ꞌaisamaira ꞌaish a xubunuax tsitsiruaxa.

Mateo 22:8

Usoquian ꞌanun ꞌamitancëxun ca ꞌapun aín ñu mëëmicë unicama caxa: Piti ca mëníocë ꞌicën. Usa ꞌaínbi ca a ꞌën camicë unicamax utima nuituñu ꞌaish utima ꞌicën.

Mateo 24:48

Usa ꞌaínbi ca an a unix ꞌatima sinánñu ꞌixun —an ꞌë ñu mëëmicë uni ca panatia —quixun sinánquin

Mateo 24:51

Uquin ca usai ꞌia isquin ꞌatimonan anu an uni paráncë unicama ꞌicë anua ꞌinun ꞌimiti ꞌicën. Anuax ca anu ꞌicë unicamax paë tani bënëti inti ꞌicën.

Mateo 7:12

Bëtsi uníxa mibë upí ꞌianan mi ꞌaquintimi mix cuëëncë, usaribi oquin camina min bëtsi unibë upí ꞌianan a ꞌaquinti ꞌain. Usaquin ꞌanun ca Moisésnën cuënëo bana quia. ꞌImainun ca an Nucën Papa Dios quicë bana uni ñuixuncë unicaman cuënëo banaribi usai quia.

Lucas 6:31

Bëtsi uníxa mibë upí ꞌianan mi ꞌaquintimi mix cuëëncë, usaribi oquin camina min bëtsi unibë upí ꞌianan a ꞌaquinti ꞌain.

Juan 13:13

Mitsun camina ꞌëx isana mitsun ꞌIbu ꞌianan an mitsu ꞌunánmicë a ꞌai quixun ꞌë cain. Asérabi cana ꞌëx usa ꞌain.

Hechos 10:34

Ësoquian cacëxun ca Pedronën Cornelio cacëxa: —ꞌËn cana bërí asérabi ꞌunanin, Nucën Papa Diosan ca judíosma unibu judíos unisaribi isquin camabi uni sënën isia.

Romanos 2:11

An ca judíos unisaribi judíosma unicamaribi isia.

1 Corintios 1:2

Mitsúxmi Corinto ëmanuax Jesucristomi catamëcë ꞌicë, cana cuënëoxun ënë quirica mitsu buánmin. Mitsux Cristo Jesúsmi catamëcë ꞌaish camina Nucën Papa Diosnan ꞌain. An ca ax cuëëncësabi oíshi ꞌinun mitsu caísacëxa. Camabi menu ꞌicë unicama, an Nucën ꞌIbu Jesucristo aín ꞌuchacama tërë́nxunun quixun ñucácë, a unicama usai ꞌinun caíscësaribi oquin ca Nucën Papa Diosan mitsu caísacëxa. Jesucristo ax ca a unicaman ꞌIbu ꞌianan nun ꞌIburibi ꞌicën.

1 Corintios 7:22

Uni an uni ñu mëëmicë uninan ꞌixun ca aín ꞌibu cuëëncësabi oquin ꞌaia. Usa ꞌaíshbi ca Nucën ꞌIbu Jesucristonën ainan ꞌinun ꞌimicë ꞌixun a unin an ñu mëëmicë uni ñu mëëxuníbi, Nucën ꞌIbu Jesucristomi catamëcë ꞌixun upí oquin ꞌacë ꞌaish, abi ꞌaxuncësa ꞌia. Usaribi oquin ca uni an uni ñu mëëxuncëma a Nucën Papa Diosan ainan ꞌinun Cristomi sinánmicë ꞌixun, ax aín bamati nëtë sënë́ntamainun Cristonën uni ꞌixun ax cuëëncësabi oquinshi ꞌaia.

Deuteronomio 10:17

Nukën ꞌIbu Dios ax ka achúshi ꞌaish dios kamasamaira ꞌianan, ꞌibukaman ꞌIbu samaira ꞌikën; ax ka Dios kamabi ñu manámi ꞌikë ainan ꞌianan ꞌApuira ꞌaish kushiira ꞌikën, usa ꞌain kamina ami rakuë́ti ꞌain, an ka bëtsi unikama upionan bëtsi unikamaribi ꞌatima oíma, ꞌimainun ka upiokinshi ñu ꞌaxúnti kuëënia;

Colosenses 3:25

Usa ꞌaínbi ca an ꞌaisama ñu ꞌacë uni, a aín ꞌucha cupí uisa cara oti ꞌicë usoquin Nucën Papa Diosan ꞌati ꞌicën. Usa ꞌain ca ꞌapu uni, ꞌimainun ꞌapuma uni, uisa uni cara, acamaxbi ꞌaisama ñu ꞌacë ꞌaish an ñu ꞌacë usaribi oquin castícancë ꞌiti ꞌicën.

Colosenses 4:1

Mitsux an uni ñu mëëmicë uni ꞌixun camina an mi ñu mëëxuncë unibë upí ꞌianan upí oquin cupíoti ꞌain. Usa ꞌixun camina uni ñu mëëmiquin sinánti ꞌain, —ꞌëxribi cana Nucën Papa Dios naínu ꞌicë an ñu mëëmicë ꞌai —quixun.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Santiago 2:8

Aín bana raírinëxa quicësoi ꞌicësamaira oi a bana quicësoi ꞌiti Nucën Papa Diosan banax ca ësai quia: “Mixmi upiti bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësabi oquin ꞌacë ꞌixun camina mitsun Nucën Papa Dios cuëëncësabi oquin ꞌain.

Santiago 5:4

An mitsu naënuxun ñu mëëxuncë uni camina cupíocëma ꞌain. Cupíocëma ꞌaish ca mitsu ñui banaia. Usaquian mitsu ñuia ca ángelcaman ꞌapu, Nucën ꞌIbu Dios, an cuaxa.

1 Samuel 15:17

Usa ꞌain ka Samuelnën kakëxa: —Minbi kamina ꞌapu ꞌisama ꞌixun ꞌëx kana añubi ꞌisama ꞌai kixun sinánkën, ꞌaínbi kamina bërí israel unibunën ꞌapu ꞌain, usaími ꞌinun ka Nukën ꞌIbun mi ꞌimiaxa.