Efesios 6:8 - Kashibo-Kakataibo Biblia

⁸ Camina ꞌunanin, an upí oquin ñu ꞌacë uni a ca Nucën ꞌIbu Jesucristonën, uisa ñu upí cara ꞌaxa, usaribi oquin cupíoti ꞌicën, an uni ñu mëëxuncë uni ꞌimainun an uni ñu mëëmicë uniribi.

Nukën 'Ibu Diosan ain unikama 'inan ain bana

⁸ Camina 'unanin, an upí oquin ñu 'acë uni a ca Nucën 'Ibu Jesucristonën, uisa ñu upí cara 'axa, usaribi oquin cupíoti 'icën, an uni ñu mëëxuncë uni 'imainun an uni ñu mëëmicë uniribi.

Efesios 6:8 ပူးပေါင်းရင်းမြစ်များ

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 20:7

Cacëxun ca a unicaman caxa: Uinu ꞌicë unínbia nu ñu mëëxunun cacëma ꞌaish cananuna ënu bucüan. Cacëxun ca naë ꞌibun caxa: Mitsúxribi camina ꞌën naënu ñu mëëi cuanti ꞌain.

Mateo 5:12

Usaribi oquin ca an Nucën Papa Dios quicë bana uni ñuixuncë unicama unin bëtsi bëtsi ocëxa. Usaquin sinánquin camina cuëënquin, Nucën Papa Diosan ca mitsu upí oquin sinánxunquin aín nëtënu abë ꞌi upitax tsónun mitsu ꞌimiti ꞌicë quixun ꞌunani chuámarua tani cuëënti ꞌain.

Mateo 6:1

ꞌËx upí ꞌicëa camabi unin isnun cana ñuñuma uni ñu ꞌinánti ꞌai quixun camina sinántima ꞌain. An usaquin sinánquin uni itsi ñu ꞌináncë uni a ca Nucën Papa Dios naínu ꞌicë, an upí isima.

Mateo 6:4

Raíri unin isnunma camina uni ñu ꞌinánti ꞌain. Usaquinmi ꞌaia isi ca Nucën Papa Dios, an camabi unin ñu ꞌaia iscë, ax cuëënti ꞌicën. Cuëënquin ca mi upí oquin sinánxunti ꞌicën.

Lucas 14:14

Usa unicaman ca min ꞌacësaribi oquin miribi pi cuanun quixun camitima ꞌicën. Camicëma ꞌicëbi ca an iscë́xmi upí ꞌicë, anúan bama unicamax baísquiti nëtë ꞌicëbëtan Nucën Papa Diosan aín nëtënuaxmi cuëënun mi ꞌimiti ꞌicën.

Lucas 6:35

Usa ꞌaínbi camina mitsun axa mitsumi nishcë uni nuibaquin ꞌaquinsa ꞌicë ꞌaquinti ꞌain. Unían mitsu ñu ñucácëxun camina —anribi ca ꞌë ꞌinántima ꞌicë —quixun ꞌunánquinbi, ꞌinánti ꞌain. Usaquin ꞌaia isquin ca Nucën Papa Dios, manámi ꞌicë, an cuëënun mitsu ꞌimiti ꞌicën. Mitsun usaquin ꞌai camina asérabi aín bëchicë ꞌaish an sináncësaribi oquin sináncë ꞌiti ꞌain. An ca uni ꞌaisama ꞌimainun an —asábi ca —quixun a cacëma uni aribi ñu ꞌinánan ꞌaquinia.

1 Corintios 12:13

Nux Cristonën uni ꞌaish cananuna ësa ꞌain: raírinëx judíos uni ꞌimainun raírinëxribi axa griego bana banacë uni ꞌimainun raírinëxribi an ñu uni mëëxuncë uni ꞌimainun cananuna raírinëxribi an uni ñu mëëxuncëma uni ꞌain. Usa ꞌaíshbi cananuna nucamax Nucën Papa Diosan Bëru Ñunshin Upitan sinánmicë ꞌianan Cristonan ꞌaish achúshisa ꞌain. Abënu ꞌinun ca Nucën Papa Diosan aín Bëru Ñunshin Upí nucama ꞌinánxa.

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

Colosenses 3:24

Usaquin ñu ꞌaquin camina ꞌunanin, ax Nucën ꞌIbu ꞌixun ca Cristonën mitsun a ñu mëëxuncë cupí, cuëënmiquin aín nëtënu abë xënibua ꞌaínbi tsónun mitsu biti ꞌicë quixun.

Colosenses 3:25

Usa ꞌaínbi ca an ꞌaisama ñu ꞌacë uni, a aín ꞌucha cupí uisa cara oti ꞌicë usoquin Nucën Papa Diosan ꞌati ꞌicën. Usa ꞌain ca ꞌapu uni, ꞌimainun ꞌapuma uni, uisa uni cara, acamaxbi ꞌaisama ñu ꞌacë ꞌaish an ñu ꞌacë usaribi oquin castícancë ꞌiti ꞌicën.

Hebreos 10:35

—Usai cana ꞌiacë —quiax manúquinma camina min ꞌacësabi oquin Jesucristomi catamëti ëntima ꞌain. Ami catamëcë ꞌaish camina a cupí nëtë́timoi abë Nucën Papa Diosan nëtënu ꞌiti ꞌain.

Hebreos 11:26

Cuëënquin ca sináncëxa, Egiptonu ꞌicë unicamax ñuñu ꞌaish cuëëncësamaira oi cana ꞌëx Nucën Papa Diosmi sináncë ꞌaish tëmëraibi cuëënti ꞌain. Cristonan ꞌicëa unin ꞌatimocëx tëmëraibi aín unicama cuëëncësaribi oi ca Moisés tëmëraibi Nucën Papa Diosan unicamabë ꞌi cuëëancëxa. Ax ca —Nucën Papa Diosan ca ax quicësabi oquin nu ainan ꞌaish aín nëtënu abë ꞌinun ꞌimia —quixun ꞌunani ami catamëti cuëëancëxa.